༡༤༡. པ་ཝཱ་ར་ཎཱ་ཋ་པ་ནཾ

༢༣༥. ཏེ་ན ཁོ པ་ན ས་མ་ཡེ་ན ཚ་བྦ་གྒི་ཡཱ བྷི་ཀྑཱུ སཱ་པ་ཏྟི་ཀཱ པ་ཝཱ་རེ་ནྟི. བྷ་ག་ཝ་ཏོ ཨེ་ཏ་མ་ཏྠཾ ཨཱ་རོ་ཙེ་སུཾ. ན, བྷི་ཀྑ་ཝེ, སཱ་པ་ཏྟི་ཀེ་ན པ་ཝཱ་རེ་ཏ་བྦཾ. ཡོ པ་ཝཱ་རེ་ཡྻ, ཨཱ་པ་ཏྟི དུ་ཀྐ་ཊ་སྶ. ཨ་ནུ་ཛཱ་ནཱ་མི, བྷི་ཀྑ་ཝེ, ཡོ སཱ་པ་ཏྟི་ཀོ པ་ཝཱ་རེ་ཏི, ཏ་སྶ ཨོ་ཀཱ་སཾ ཀཱ་རཱ་པེ་ཏྭཱ ཨཱ་པ་ཏྟི་ཡཱ ཙོ་དེ་ཏུ་ནྟི.

ཏེ་ན ཁོ པ་ན ས་མ་ཡེ་ན ཚ་བྦ་གྒི་ཡཱ བྷི་ཀྑཱུ ཨོ་ཀཱ་སཾ ཀཱ་རཱ་པི་ཡ་མཱ་ནཱ ན ཨི་ཙྪ་ནྟི ཨོ་ཀཱ་སཾ ཀཱ་ཏུཾ. བྷ་ག་ཝ་ཏོ ཨེ་ཏ་མ་ཏྠཾ ཨཱ་རོ་ཙེ་སུཾ. ཨ་ནུ་ཛཱ་ནཱ་མི, བྷི་ཀྑ་ཝེ, ཨོ་ཀཱ་སཾ ཨ་ཀ་རོ་ནྟ་སྶ པ་ཝཱ་ར་ཎཾ ཋ་པེ་ཏུཾ. ཨེ་ཝ་ཉྩ པ་ན, བྷི་ཀྑ་ཝེ, ཋ་པེ་ཏ་བྦཱ. ཏ་ད་ཧུ པ་ཝཱ་ར་ཎཱ་ཡ ཙཱ་ཏུ་དྡ་སེ ཝཱ པ་ནྣ་ར་སེ ཝཱ ཏ་སྨིཾ པུ་གྒ་ལེ ས་མྨུ་ཁཱི་བྷཱུ་ཏེ ས་ངྒྷ་མ་ཛ྄ཛྷེ ཨུ་དཱ་ཧ་རི་ཏ་བྦཾ – ‘‘སུ་ཎཱ་ཏུ མེ, བྷ་ནྟེ, ས་ངྒྷོ. ཨི་ཏྠ་ནྣཱ་མོ པུ་གྒ་ལོ སཱ་པ་ཏྟི་ཀོ. ཏ་སྶ པ་ཝཱ་ར་ཎཾ ཋ་པེ་མི. ན ཏ་སྨིཾ ས་མྨུ་ཁཱི་བྷཱུ་ཏེ པ་ཝཱ་རེ་ཏ་བྦ’’ནྟི. ཋ་པི་ཏཱ ཧོ་ཏི པ་ཝཱ་ར་ཎཱ་ཏི.

ཏེ་ན ཁོ པ་ན ས་མ་ཡེ་ན ཚ་བྦ་གྒི་ཡཱ བྷི་ཀྑཱུ – པུ་ར་མྷཱ་ཀཾ པེ་ས་ལཱ བྷི་ཀྑཱུ པ་ཝཱ་ར་ཎཾ ཋ་པེ་ནྟཱི་ཏི – པ་ཊི་ཀ་ཙྩེ་ཝ སུ་དྡྷཱ་ནཾ བྷི་ཀྑཱུ་ནཾ ཨ་ནཱ་པ་ཏྟི་ཀཱ་ནཾ ཨ་ཝ་ཏྠུ་སྨིཾ ཨ་ཀཱ་ར་ཎེ པ་ཝཱ་ར་ཎཾ ཋ་པེ་ནྟི, པ་ཝཱ་རི་ཏཱ་ན་མྤི པ་ཝཱ་ར་ཎཾ ཋ་པེ་ནྟི. བྷ་ག་ཝ་ཏོ ཨེ་ཏ་མ་ཏྠཾ ཨཱ་རོ་ཙེ་སུཾ. ན, བྷི་ཀྑ་ཝེ, སུ་དྡྷཱ་ནཾ བྷི་ཀྑཱུ་ནཾ ཨ་ནཱ་པ་ཏྟི་ཀཱ་ནཾ ཨ་ཝ་ཏྠུ་སྨིཾ ཨ་ཀཱ་ར་ཎེ པ་ཝཱ་ར་ཎཱ ཋ་པེ་ཏ་བྦཱ. ཡོ ཋ་པེ་ཡྻ, ཨཱ་པ་ཏྟི དུ་ཀྐ་ཊ་སྶ. ན, བྷི་ཀྑ་ཝེ, པ་ཝཱ་རི་ཏཱ་ན་མྤི པ་ཝཱ་ར་ཎཱ ཋ་པེ་ཏ་བྦཱ. ཡོ ཋ་པེ་ཡྻ, ཨཱ་པ་ཏྟི དུ་ཀྐ་ཊ་སྶ.

༢༣༦. ཨེ་ཝཾ ཁོ, བྷི་ཀྑ་ཝེ, ཋ་པི་ཏཱ ཧོ་ཏི པ་ཝཱ་ར་ཎཱ, ཨེ་ཝཾ ཨ་ཊྛ་པི་ཏཱ. ཀ་ཐ་ཉྩ, བྷི་ཀྑ་ཝེ, ཨ་ཊྛ་པི་ཏཱ ཧོ་ཏི པ་ཝཱ་ར་ཎཱ? ཏེ་ཝཱ་ཙི་ཀཱ་ཡ ཙེ, བྷི་ཀྑ་ཝེ, པ་ཝཱ་ར་ཎཱ་ཡ བྷཱ་སི་ཏཱ་ཡ ལ་པི་ཏཱ་ཡ པ་རི་ཡོ་སི་ཏཱ་ཡ པ་ཝཱ་ར་ཎཾ ཋ་པེ་ཏི, ཨ་ཊྛ་པི་ཏཱ ཧོ་ཏི པ་ཝཱ་ར་ཎཱ. དྭེ་ཝཱ་ཙི་ཀཱ་ཡ ཙེ, བྷི་ཀྑ་ཝེ,… ཨེ་ཀ་ཝཱ་ཙི་ཀཱ་ཡ ཙེ, བྷི་ཀྑ་ཝེ,… ས་མཱ་ན་ཝ་སྶི་ཀཱ་ཡ ཙེ, བྷི་ཀྑ་ཝེ, པ་ཝཱ་ར་ཎཱ་ཡ བྷཱ་སི་ཏཱ་ཡ ལ་པི་ཏཱ་ཡ པ་རི་ཡོ་སི་ཏཱ་ཡ པ་ཝཱ་ར་ཎཾ ཋ་པེ་ཏི, ཨ་ཊྛ་པི་ཏཱ ཧོ་ཏི པ་ཝཱ་ར་ཎཱ. ཨེ་ཝཾ ཁོ, བྷི་ཀྑ་ཝེ, ཨ་ཊྛ་པི་ཏཱ ཧོ་ཏི པ་ཝཱ་ར་ཎཱ.

ཀ་ཐ་ཉྩ, བྷི་ཀྑ་ཝེ, ཋ་པི་ཏཱ ཧོ་ཏི པ་ཝཱ་ར་ཎཱ? ཏེ་ཝཱ་ཙི་ཀཱ་ཡ, ཙེ, བྷི་ཀྑ་ཝེ, པ་ཝཱ་ར་ཎཱ་ཡ བྷཱ་སི་ཏཱ་ཡ ལ་པི་ཏཱ་ཡ ཨ་པ་རི་ཡོ་སི་ཏཱ་ཡ པ་ཝཱ་ར་ཎཾ ཋ་པེ་ཏི, ཋ་པི་ཏཱ ཧོ་ཏི པ་ཝཱ་ར་ཎཱ. དྭེ་ཝཱ་ཙི་ཀཱ་ཡ ཙེ, བྷི་ཀྑ་ཝེ,… ཨེ་ཀ་ཝཱ་ཙི་ཀཱ་ཡ ཙེ, བྷི་ཀྑ་ཝེ,… ས་མཱ་ན་ཝ་སྶི་ཀཱ་ཡ ཙེ, བྷི་ཀྑ་ཝེ, པ་ཝཱ་ར་ཎཱ་ཡ བྷཱ་སི་ཏཱ་ཡ ལ་པི་ཏཱ་ཡ ཨ་པ་རི་ཡོ་སི་ཏཱ་ཡ པ་ཝཱ་ར་ཎཾ ཋ་པེ་ཏི, ཋ་པི་ཏཱ ཧོ་ཏི པ་ཝཱ་ར་ཎཱ. ཨེ་ཝཾ ཁོ, བྷི་ཀྑ་ཝེ, ཋ་པི་ཏཱ ཧོ་ཏི པ་ཝཱ་ར་ཎཱ.

༢༣༧. ཨི་དྷ པ་ན, བྷི་ཀྑ་ཝེ, ཏ་ད་ཧུ པ་ཝཱ་ར་ཎཱ་ཡ བྷི་ཀྑུ བྷི་ཀྑུ་སྶ པ་ཝཱ་ར་ཎཾ ཋ་པེ་ཏི. ཏཾ ཙེ བྷི་ཀྑུཾ ཨ་ཉྙེ བྷི་ཀྑཱུ ཛཱ་ན་ནྟི, ‘‘ཨ་ཡཾ ཁོ ཨཱ་ཡ་སྨཱ ཨ་པ་རི་སུ་དྡྷ་ཀཱ་ཡ་ས་མཱ་ཙཱ་རོ, ཨ་པ་རི་སུ་དྡྷ་ཝ་ཙཱི་ས་མཱ་ཙཱ་རོ, ཨ་པ་རི་སུ་དྡྷཱ་ཛཱི་ཝོ, བཱ་ལོ, ཨ་བྱ་ཏྟོ, ན པ་ཊི་བ་ལོ ཨ་ནུ་ཡུ་ཉྫཱི་ཡ་མཱ་ནོ ཨ་ནུ་ཡོ་གཾ དཱ་ཏུ’’ནྟི, ‘ཨ་ལཾ, བྷི་ཀྑུ, མཱ བྷ་ཎྜ་ནཾ, མཱ ཀ་ལ་ཧཾ, མཱ ཝི་གྒ་ཧཾ, མཱ ཝི་ཝཱ་ད’ནྟི ཨོ་མ་དྡི་ཏྭཱ ས་ངྒྷེ་ན པ་ཝཱ་རེ་ཏ་བྦཾ.

ཨི་དྷ པ་ན, བྷི་ཀྑ་ཝེ, ཏ་ད་ཧུ པ་ཝཱ་ར་ཎཱ་ཡ བྷི་ཀྑུ བྷི་ཀྑུ་སྶ པ་ཝཱ་ར་ཎཾ ཋ་པེ་ཏི. ཏཾ ཙེ བྷི་ཀྑུཾ ཨ་ཉྙེ བྷི་ཀྑཱུ ཛཱ་ན་ནྟི, ‘‘ཨ་ཡཾ ཁོ ཨཱ་ཡ་སྨཱ པ་རི་སུ་དྡྷ་ཀཱ་ཡ་ས་མཱ་ཙཱ་རོ, ཨ་པ་རི་སུ་དྡྷ་ཝ་ཙཱི་ས་མཱ་ཙཱ་རོ, ཨ་པ་རི་སུ་དྡྷཱ་ཛཱི་ཝོ, བཱ་ལོ, ཨ་བྱ་ཏྟོ, ན པ་ཊི་བ་ལོ ཨ་ནུ་ཡུ་ཉྫཱི་ཡ་མཱ་ནོ ཨ་ནུ་ཡོ་གཾ དཱ་ཏུ’’ནྟི, ‘ཨ་ལཾ, བྷི་ཀྑུ, མཱ བྷ་ཎྜ་ནཾ, མཱ ཀ་ལ་ཧཾ, མཱ ཝི་གྒ་ཧཾ, མཱ ཝི་ཝཱ་ད’ནྟི ཨོ་མ་དྡི་ཏྭཱ ས་ངྒྷེ་ན པ་ཝཱ་རེ་ཏ་བྦཾ.

ཨི་དྷ པ་ན, བྷི་ཀྑ་ཝེ, ཏ་ད་ཧུ པ་ཝཱ་ར་ཎཱ་ཡ བྷི་ཀྑུ བྷི་ཀྑུ་སྶ པ་ཝཱ་ར་ཎཾ ཋ་པེ་ཏི. ཏཾ ཙེ བྷི་ཀྑུཾ ཨ་ཉྙེ བྷི་ཀྑཱུ ཛཱ་ན་ནྟི, ‘‘ཨ་ཡཾ ཁོ ཨཱ་ཡ་སྨཱ པ་རི་སུ་དྡྷ་ཀཱ་ཡ་ས་མཱ་ཙཱ་རོ, པ་རི་སུ་དྡྷ་ཝ་ཙཱི་ས་མཱ་ཙཱ་རོ, པ་རི་སུ་དྡྷཱ་ཛཱི་ཝོ, པ་ཎྜི་ཏོ, བྱ་ཏྟོ, པ་ཊི་བ་ལོ ཨ་ནུ་ཡུ་ཉྫཱི་ཡ་མཱ་ནོ ཨ་ནུ་ཡོ་གཾ དཱ་ཏུ’’ནྟི, སོ ཨེ་ཝ་མ་སྶ ཝ་ཙ་ནཱི་ཡོ, ‘‘ཡཾ ཁོ ཏྭཾ, ཨཱ་ཝུ་སོ, ཨི་མ་སྶ བྷི་ཀྑུ་ནོ པ་ཝཱ་ར་ཎཾ ཋ་པེ་སི, ཀི་མྷི ནཾ ཋ་པེ་སི, སཱི་ལ་ཝི་པ་ཏྟི་ཡཱ ཝཱ ཋ་པེ་སི, ཨཱ་ཙཱ་ར་ཝི་པ་ཏྟི་ཡཱ ཝཱ ཋ་པེ་སི, དི་ཊྛི་ཝི་པ་ཏྟི་ཡཱ ཝཱ ཋ་པེ་སཱི’’ཏི? སོ ཙེ ཨེ་ཝཾ ཝ་དེ་ཡྻ – ‘‘སཱི་ལ་ཝི་པ་ཏྟི་ཡཱ ཝཱ ཋ་པེ་མི, ཨཱ་ཙཱ་ར་ཝི་པ་ཏྟི་ཡཱ ཝཱ ཋ་པེ་མི, དི་ཊྛི་ཝི་པ་ཏྟི་ཡཱ ཝཱ ཋ་པེ་མཱི’’ཏི, སོ ཨེ་ཝ་མ་སྶ ཝ་ཙ་ནཱི་ཡོ – ‘‘ཛཱ་ནཱ་སི པ་ནཱ་ཡ་སྨཱ སཱི་ལ་ཝི་པ་ཏྟིཾ, ཛཱ་ནཱ་སི ཨཱ་ཙཱ་ར་ཝི་པ་ཏྟིཾ, ཛཱ་ནཱ་སི དི་ཊྛི་ཝི་པ་ཏྟི’’ནྟི? སོ ཙེ ཨེ་ཝཾ ཝ་དེ་ཡྻ – ‘‘ཛཱ་ནཱ་མི ཁོ ཨ་ཧཾ, ཨཱ་ཝུ་སོ, སཱི་ལ་ཝི་པ་ཏྟིཾ, ཛཱ་ནཱ་མི ཨཱ་ཙཱ་ར་ཝི་པ་ཏྟིཾ, ཛཱ་ནཱ་མི དི་ཊྛི་ཝི་པ་ཏྟི’’ནྟི, སོ ཨེ་ཝ་མ་སྶ ཝ་ཙ་ནཱི་ཡོ – ‘‘ཀ་ཏ་མཱ པ་ནཱ་ཝུ་སོ, སཱི་ལ་ཝི་པ་ཏྟི, ཀ་ཏ་མཱ ཨཱ་ཙཱ་ར་ཝི་པ་ཏྟི, ཀ་ཏ་མཱ དི་ཊྛི་ཝི་པ་ཏྟཱི’’ཏི? སོ ཙེ ཨེ་ཝཾ ཝ་དེ་ཡྻ – ‘‘ཙ་ཏྟཱ་རི པཱ་རཱ་ཛི་ཀཱ་ནི, ཏེ་ར་ས ས་ངྒྷཱ་དི་སེ་སཱ, ཨ་ཡཾ སཱི་ལ་ཝི་པ་ཏྟི; ཐུ་ལླ་ཙྩ་ཡཾ, པཱ་ཙི་ཏྟི་ཡཾ, པཱ་ཊི་དེ་ས་ནཱི་ཡཾ, དུ་ཀྐ་ཊཾ, དུ་བྦྷཱ་སི་ཏཾ, ཨ་ཡཾ ཨཱ་ཙཱ་ར་ཝི་པ་ཏྟི; མི་ཙྪཱ་དི་ཊྛི, ཨ་ནྟ་གྒཱ་ཧི་ཀཱ་དི་ཊྛི, ཨ་ཡཾ དི་ཊྛི་ཝི་པ་ཏྟཱི’’ཏི, སོ ཨེ་ཝ་མ་སྶ ཝ་ཙ་ནཱི་ཡོ – ‘‘ཡཾ ཁོ ཏྭཾ, ཨཱ་ཝུ་སོ, ཨི་མ་སྶ བྷི་ཀྑུ་ནོ པ་ཝཱ་ར་ཎཾ ཋ་པེ་སི, དི་ཊྛེ་ན ཝཱ ཋ་པེ་སི, སུ་ཏེ་ན ཝཱ ཋ་པེ་སི, པ་རི་ས་ངྐཱ་ཡ ཝཱ ཋ་པེ་སཱི’’ཏི? སོ ཙེ ཨེ་ཝཾ ཝ་དེ་ཡྻ – ‘‘དི་ཊྛེ་ན ཝཱ ཋ་པེ་མི, སུ་ཏེ་ན ཝཱ ཋ་པེ་མི, པ་རི་ས་ངྐཱ་ཡ ཝཱ ཋ་པེ་མཱི’’ཏི, སོ ཨེ་ཝ་མ་སྶ ཝ་ཙ་ནཱི་ཡོ – ‘‘ཡཾ ཁོ ཏྭཾ, ཨཱ་ཝུ་སོ, ཨི་མ་སྶ བྷི་ཀྑུ་ནོ དི་ཊྛེ་ན པ་ཝཱ་ར་ཎཾ ཋ་པེ་སི, ཀིཾ ཏེ དི་ཊྛཾ, ཀི་ནྟི ཏེ དི་ཊྛཾ, ཀ་དཱ ཏེ དི་ཊྛཾ, ཀ་ཏྠ ཏེ དི་ཊྛཾ, པཱ་རཱ་ཛི་ཀཾ ཨ་ཛ྄ཛྷཱ་པ་ཛྫ་ནྟོ དི་ཊྛོ, ས་ངྒྷཱ་དི་སེ་སཾ ཨ་ཛ྄ཛྷཱ་པ་ཛྫ་ནྟོ དི་ཊྛོ, ཐུ་ལླ་ཙྩ་ཡཾ… པཱ་ཙི་ཏྟི་ཡཾ… པཱ་ཊི་དེ་ས་ནཱི་ཡཾ… དུ་ཀྐ་ཊཾ… དུ་བྦྷཱ་སི་ཏཾ ཨ་ཛ྄ཛྷཱ་པ་ཛྫ་ནྟོ དི་ཊྛོ, ཀ་ཏྠ ཙ ཏྭཾ ཨ་ཧོ་སི, ཀ་ཏྠ ཙཱ་ཡཾ བྷི་ཀྑུ ཨ་ཧོ་སི, ཀི་ཉྩ ཏྭཾ ཀ་རོ་སི, ཀི་ཉྩཱ་ཡཾ བྷི་ཀྑུ ཀ་རོ་ཏཱི’’ཏི? སོ ཙེ ཨེ་ཝཾ ཝ་དེ་ཡྻ – ‘‘ན ཁོ ཨ་ཧཾ, ཨཱ་ཝུ་སོ, ཨི་མ་སྶ བྷི་ཀྑུ་ནོ དི་ཊྛེ་ན པ་ཝཱ་ར་ཎཾ ཋ་པེ་མི, ཨ་པི་ཙ སུ་ཏེ་ན པ་ཝཱ་ར་ཎཾ ཋ་པེ་མཱི’’ཏི, སོ ཨེ་ཝ་མ་སྶ ཝ་ཙ་ནཱི་ཡོ – ‘‘ཡཾ ཁོ ཏྭཾ, ཨཱ་ཝུ་སོ, ཨི་མ་སྶ བྷི་ཀྑུ་ནོ སུ་ཏེ་ན པ་ཝཱ་ར་ཎཾ ཋ་པེ་སི, ཀིཾ ཏེ སུ་ཏཾ, ཀི་ནྟི ཏེ སུ་ཏཾ, ཀ་དཱ ཏེ སུ་ཏཾ, ཀ་ཏྠ ཏེ སུ་ཏཾ, པཱ་རཱ་ཛི་ཀཾ ཨ་ཛ྄ཛྷཱ་པ་ནྣོ་ཏི སུ་ཏཾ, ས་ངྒྷཱ་དི་སེ་སཾ ཨ་ཛ྄ཛྷཱ་པ་ནྣོ་ཏི སུ་ཏཾ, ཐུ་ལླ་ཙྩ་ཡཾ… པཱ་ཙི་ཏྟི་ཡཾ… པཱ་ཊི་དེ་ས་ནཱི་ཡཾ… དུ་ཀྐ་ཊཾ… དུ་བྦྷཱ་སི་ཏཾ ཨ་ཛ྄ཛྷཱ་པ་ནྣོ་ཏི སུ་ཏཾ, བྷི་ཀྑུ་སྶ སུ་ཏཾ, བྷི་ཀྑུ་ནི་ཡཱ སུ་ཏཾ, སི་ཀྑ་མཱ་ནཱ་ཡ སུ་ཏཾ, སཱ་མ་ཎེ་ར་སྶ སུ་ཏཾ, སཱ་མ་ཎེ་རི་ཡཱ སུ་ཏཾ, ཨུ་པཱ་ས་ཀ་སྶ སུ་ཏཾ, ཨུ་པཱ་སི་ཀཱ་ཡ སུ་ཏཾ, རཱ་ཛཱུ་ནཾ སུ་ཏཾ, རཱ་ཛ་མ་ཧཱ་མ་ཏྟཱ་ནཾ སུ་ཏཾ, ཏི་ཏྠི་ཡཱ་ནཾ སུ་ཏཾ, ཏི་ཏྠི་ཡ་སཱ་ཝ་ཀཱ་ནཾ སུ་ཏ’’ནྟི? སོ ཙེ ཨེ་ཝཾ ཝ་དེ་ཡྻ – ‘‘ན ཁོ ཨ་ཧཾ, ཨཱ་ཝུ་སོ, ཨི་མ་སྶ བྷི་ཀྑུ་ནོ སུ་ཏེ་ན པ་ཝཱ་ར་ཎཾ ཋ་པེ་མི, ཨ་པི་ཙ པ་རི་ས་ངྐཱ་ཡ པ་ཝཱ་ར་ཎཾ ཋ་པེ་མཱི’’ཏི, སོ ཨེ་ཝ་མ་སྶ ཝ་ཙ་ནཱི་ཡོ – ‘‘ཡཾ ཁོ ཏྭཾ, ཨཱ་ཝུ་སོ, ཨི་མ་སྶ བྷི་ཀྑུ་ནོ པ་རི་ས་ངྐཱ་ཡ པ་ཝཱ་ར་ཎཾ ཋ་པེ་སི, ཀིཾ པ་རི་ས་ངྐ་སི, ཀི་ནྟི པ་རི་ས་ངྐ་སི, ཀ་དཱ པ་རི་ས་ངྐ་སི, ཀ་ཏྠ པ་རི་ས་ངྐ་སི, པཱ་རཱ་ཛི་ཀཾ ཨ་ཛ྄ཛྷཱ་པ་ནྣོ་ཏི པ་རི་ས་ངྐ་སི, ས་ངྒྷཱ་དི་སེ་སཾ ཨ་ཛ྄ཛྷཱ་པ་ནྣོ་ཏི པ་རི་ས་ངྐ་སི, ཐུ་ལླ་ཙྩ་ཡཾ… པཱ་ཙི་ཏྟི་ཡཾ… པཱ་ཊི་དེ་ས་ནཱི་ཡཾ… དུ་ཀྐ་ཊཾ… དུ་བྦྷཱ་སི་ཏཾ ཨ་ཛ྄ཛྷཱ་པ་ནྣོ་ཏི པ་རི་ས་ངྐ་སི, བྷི་ཀྑུ་སྶ སུ་ཏྭཱ པ་རི་ས་ངྐ་སི, བྷི་ཀྑུ་ནི་ཡཱ སུ་ཏྭཱ པ་རི་ས་ངྐ་སི, སི་ཀྑ་མཱ་ནཱ་ཡ སུ་ཏྭཱ པ་རི་ས་ངྐ་སི, སཱ་མ་ཎེ་ར་སྶ སུ་ཏྭཱ པ་རི་ས་ངྐ་སི, སཱ་མ་ཎེ་རི་ཡཱ སུ་ཏྭཱ པ་རི་ས་ངྐ་སི, ཨུ་པཱ་ས་ཀ་སྶ སུ་ཏྭཱ པ་རི་ས་ངྐ་སི, ཨུ་པཱ་སི་ཀཱ་ཡ སུ་ཏྭཱ པ་རི་ས་ངྐ་སི, རཱ་ཛཱུ་ནཾ སུ་ཏྭཱ པ་རི་ས་ངྐ་སི, རཱ་ཛ་མ་ཧཱ་མ་ཏྟཱ་ནཾ སུ་ཏྭཱ པ་རི་ས་ངྐ་སི, ཏི་ཏྠི་ཡཱ་ནཾ སུ་ཏྭཱ པ་རི་ས་ངྐ་སི, ཏི་ཏྠི་ཡ་སཱ་ཝ་ཀཱ་ནཾ སུ་ཏྭཱ པ་རི་ས་ངྐ་སཱི’’ཏི? སོ ཙེ ཨེ་ཝཾ ཝ་དེ་ཡྻ – ‘‘ན ཁོ ཨ་ཧཾ, ཨཱ་ཝུ་སོ, ཨི་མ་སྶ བྷི་ཀྑུ་ནོ པ་རི་ས་ངྐཱ་ཡ པ་ཝཱ་ར་ཎཾ ཋ་པེ་མི, ཨ་པི ཙ ཨ་ཧ་མྤི ན ཛཱ་ནཱ་མི ཀེ་ན པ་ནཱ་ཧཾ ཨི་མ་སྶ བྷི་ཀྑུ་ནོ པ་ཝཱ་ར་ཎཾ ཋ་པེ་མཱི’’ཏི. སོ ཙེ, བྷི་ཀྑ་ཝེ, ཙོ་ད་ཀོ བྷི་ཀྑུ ཨ་ནུ་ཡོ་གེ་ན ཝི་ཉྙཱུ་ནཾ ས་བྲ་ཧྨ་ཙཱ་རཱི་ནཾ ཙི་ཏྟཾ ན ཨཱ་རཱ་དྷེ་ཏི, ཨ་ན་ནུ་ཝཱ་དོ ཙུ་དི་ཏོ བྷི་ཀྑཱུ་ཏི ཨ་ལཾ ཝ་ཙ་ནཱ་ཡ. སོ ཙེ, བྷི་ཀྑ་ཝེ, ཙོ་ད་ཀོ བྷི་ཀྑུ ཨ་ནུ་ཡོ་གེ་ན ཝི་ཉྙཱུ་ནཾ ས་བྲ་ཧྨ་ཙཱ་རཱི་ནཾ ཙི་ཏྟཾ ཨཱ་རཱ་དྷེ་ཏི, སཱ་ནུ་ཝཱ་དོ ཙུ་དི་ཏོ བྷི་ཀྑཱུ་ཏི ཨ་ལཾ ཝ་ཙ་ནཱ་ཡ. སོ ཙེ, བྷི་ཀྑ་ཝེ, ཙོ་ད་ཀོ བྷི་ཀྑུ ཨ་མཱུ་ལ་ཀེ་ན པཱ་རཱ་ཛི་ཀེ་ན ཨ་ནུ་དྡྷཾ་སི་ཏཾ པ་ཊི་ཛཱ་ནཱ་ཏི, ས་ངྒྷཱ་དི་སེ་སཾ ཨཱ་རོ་པེ་ཏྭཱ ས་ངྒྷེ་ན པ་ཝཱ་རེ་ཏ་བྦཾ. སོ ཙེ, བྷི་ཀྑ་ཝེ, ཙོ་ད་ཀོ བྷི་ཀྑུ ཨ་མཱུ་ལ་ཀེ་ན ས་ངྒྷཱ་དི་སེ་སེ་ན ཨ་ནུ་དྡྷཾ་སི་ཏཾ པ་ཊི་ཛཱ་ནཱ་ཏི, ཡ་ཐཱ་དྷ་མྨཾ ཀཱ་རཱ་པེ་ཏྭཱ ས་ངྒྷེ་ན པ་ཝཱ་རེ་ཏ་བྦཾ. སོ ཙེ, བྷི་ཀྑ་ཝེ, ཙོ་ད་ཀོ, བྷི་ཀྑུ ཨ་མཱུ་ལ་ཀེ་ན ཐུ་ལླ་ཙྩ་ཡེ་ན… པཱ་ཙི་ཏྟི་ཡེ་ན… པཱ་ཊི་དེ་ས་ནཱི་ཡེ་ན… དུ་ཀྐ་ཊེ་ན… དུ་བྦྷཱ་སི་ཏེ་ན ཨ་ནུ་དྡྷཾ་སི་ཏཾ པ་ཊི་ཛཱ་ནཱ་ཏི, ཡ་ཐཱ་དྷ་མྨཾ ཀཱ་རཱ་པེ་ཏྭཱ ས་ངྒྷེ་ན པ་ཝཱ་རེ་ཏ་བྦཾ. སོ ཙེ, བྷི་ཀྑ་ཝེ, ཙུ་དི་ཏོ བྷི་ཀྑུ པཱ་རཱ་ཛི་ཀཾ ཨ་ཛ྄ཛྷཱ་པ་ནྣོ་ཏི པ་ཊི་ཛཱ་ནཱ་ཏི, ནཱ་སེ་ཏྭཱ ས་ངྒྷེ་ན པ་ཝཱ་རེ་ཏ་བྦཾ. སོ ཙེ, བྷི་ཀྑ་ཝེ, ཙུ་དི་ཏོ བྷི་ཀྑུ ས་ངྒྷཱ་དི་སེ་སཾ ཨ་ཛ྄ཛྷཱ་པ་ནྣོ་ཏི པ་ཊི་ཛཱ་ནཱ་ཏི, ས་ངྒྷཱ་དི་སེ་སཾ ཨཱ་རོ་པེ་ཏྭཱ ས་ངྒྷེ་ན པ་ཝཱ་རེ་ཏ་བྦཾ. སོ ཙེ, བྷི་ཀྑ་ཝེ, ཙུ་དི་ཏོ བྷི་ཀྑུ ཐུ་ལླ་ཙྩ་ཡཾ… པཱ་ཙི་ཏྟི་ཡཾ… པཱ་ཊི་དེ་ས་ནཱི་ཡཾ… དུ་ཀྐ་ཊཾ… དུ་བྦྷཱ་སི་ཏཾ ཨ་ཛ྄ཛྷཱ་པ་ནྣོ་ཏི པ་ཊི་ཛཱ་ནཱ་ཏི, ཡ་ཐཱ་དྷ་མྨཾ ཀཱ་རཱ་པེ་ཏྭཱ ས་ངྒྷེ་ན པ་ཝཱ་རེ་ཏ་བྦཾ.

པ་ཝཱ་ར་ཎཱ་ཋ་པ་ནཾ ནི་ཊྛི་ཏཾ.