༡༡༥. ཝ་ཛཱ་དཱི་སུ ཝ་སྶཱུ་པ་ག་མ་ནཾ

༢༠༣. ཏེ་ན ཁོ པ་ན ས་མ་ཡེ་ན ཨ་ཉྙ་ཏ་རོ བྷི་ཀྑུ ཝ་ཛེ ཝ་སྶཾ ཨུ་པ་ག་ནྟུ་ཀཱ་མོ ཧོ་ཏི. བྷ་ག་ཝ་ཏོ ཨེ་ཏ་མ་ཏྠཾ ཨཱ་རོ་ཙེ་སུཾ. ཨ་ནུ་ཛཱ་ནཱ་མི, བྷི་ཀྑ་ཝེ, ཝ་ཛེ ཝ་སྶཾ ཨུ་པ་ག་ནྟུ་ནྟི. ཝ་ཛོ ཝུ་ཊྛཱ་སི. བྷ་ག་ཝ་ཏོ ཨེ་ཏ་མ་ཏྠཾ ཨཱ་རོ་ཙེ་སུཾ. ཨ་ནུ་ཛཱ་ནཱ་མི, བྷི་ཀྑ་ཝེ, ཡེ་ན ཝ་ཛོ ཏེ་ན ག་ནྟུ་ནྟི.

ཏེ་ན ཁོ པ་ན ས་མ་ཡེ་ན ཨ་ཉྙ་ཏ་རོ བྷི་ཀྑུ ཨུ་པ་ཀ་ཊྛཱ་ཡ ཝ་སྶཱུ་པ་ནཱ་ཡི་ཀཱ་ཡ ས་ཏྠེ་ན ག་ནྟུ་ཀཱ་མོ ཧོ་ཏི. བྷ་ག་ཝ་ཏོ ཨེ་ཏ་མ་ཏྠཾ ཨཱ་རོ་ཙེ་སུཾ. ཨ་ནུ་ཛཱ་ནཱ་མི, བྷི་ཀྑ་ཝེ, ས་ཏྠེ ཝ་སྶཾ ཨུ་པ་ག་ནྟུ་ནྟི.

ཏེ་ན ཁོ པ་ན ས་མ་ཡེ་ན ཨ་ཉྙ་ཏ་རོ བྷི་ཀྑུ ཨུ་པ་ཀ་ཊྛཱ་ཡ ཝ་སྶཱུ་པ་ནཱ་ཡི་ཀཱ་ཡ ནཱ་ཝཱ་ཡ ག་ནྟུ་ཀཱ་མོ ཧོ་ཏི. བྷ་ག་ཝ་ཏོ ཨེ་ཏ་མ་ཏྠཾ ཨཱ་རོ་ཙེ་སུཾ. ཨ་ནུ་ཛཱ་ནཱ་མི, བྷི་ཀྑ་ཝེ, ནཱ་ཝཱ་ཡ ཝ་སྶཾ ཨུ་པ་ག་ནྟུ་ནྟི.

ཝ་ཛཱ་དཱི་སུ ཝ་སྶཱུ་པ་ག་མ་ནཾ ནི་ཊྛི་ཏཾ.