༩. ཚ་ཏྟུ་པཱ་ཧ་ན་ཝ་གྒ་ཝ་ཎྞ་ནཱ

༡༢༡༤. ཚ་ཏྟུ་པཱ་ཧ་ན་ཝ་གྒ་སྶ ཨེ་ཀཱ་ད་ས་མེ ཨུ་པ་ཙཱ་རཾ ས་ནྡྷཱ་ཡཱཏི ས་མ་ནྟཱ དྭཱ་ད་ས་ཧ་ཏྠུ་པ་ཙཱ་རཾ ས་ནྡྷཱ་ཡ. སེ་སཾ ས་བྦ་ཏྠ ཨུ་ཏྟཱ་ན་མེ་ཝ.

ཚ་ཏྟུ་པཱ་ཧ་ན་ཝ་གྒ་ཝ་ཎྞ་ནཱ ནི་ཊྛི་ཏཱ.

གི་ར་གྒ་ས་མ་ཛྫཱ་དཱི་ནི ཨ་ཙི་ཏྟ་ཀཱ་ནི ལོ་ཀ་ཝ་ཛྫཱ་ནཱི་ཏི ཝུ་ཏྟ་ཏྟཱ ན་ཙྩ་ནྟི ཝཱ ཝ་ཎྞ་ཀ་ནྟི ཝཱ ཨ་ཛཱ་ནི་ཏྭཱ་ཝ པ་སྶ་ནྟི་ཡཱ ཝཱ ན་ཧཱ་ཡ་ནྟི་ཡཱ ཝཱ ཨཱ་པ་ཏྟི་ས་མྦྷ་ཝ་ཏོ ཝ་ཏྠུ་ཨ་ཛཱ་ན་ན་ཙི་ཏྟེ་ན ཨ་ཙི་ཏྟ་ཀཱ་ནི, ན་ཙྩ་ནྟི ཝཱ ཝ་ཎྞ་ཀ་ནྟི ཝཱ ཛཱ་ནི་ཏྭཱ པ་སྶ་ནྟི་ཡཱ ཝཱ ན་ཧཱ་ཡ་ནྟི་ཡཱ ཝཱ ཨ་ཀུ་ས་ལེ་ནེ་ཝ ཨཱ་པ་ཛྫ་ན་ཏོ ལོ་ཀ་ཝ་ཛྫཱ་ནཱིཏི ཝེ་དི་ཏ་བྦཱ་ནི. ཙོ་རཱི་ཝུ་ཊྛཱ་པ་ནཱ་དཱི་ནི ཙོ་རཱིཏི་ཨཱ་དི་ནཱ ཝ་ཏྠུཾ ཛཱ་ནི་ཏྭཱ ཀ་ར་ཎེ ཨེ་ཝ ཨཱ་པ་ཏྟི་ས་མྦྷ་ཝ་ཏོ ས་ཙི་ཏྟ་ཀཱ་ནི, ཨུ་པ་ས་མྤ་དཱ་དཱི་ནཾ ཨེ་ཀ་ནྟ་ཨ་ཀུ་ས་ལ་ཙི་ཏྟེ་ནེ་ཝ ཨ་ཀ་ཏྟ་བྦ་ཏྟཱ པ་ཎྞ་ཏྟི་ཝ་ཛྫཱ་ནི. ‘‘ཨི་དྷ ས་ཙི་ཏྟ་ཀཱ་ཙི་ཏྟ་ཀ་ཏཱ པ་ཎྞ་ཏྟི་ཛཱ་ན་ནཱ་ཛཱ་ན་ན་ཏཱ་ཡ ཨ་གྒ་ཧེ་ཏྭཱ ཝ་ཏྠུ་ཛཱ་ན་ནཱ་ཛཱ་ན་ན་ཏཱ་ཡ ག་ཧེ་ཏ་བྦཱ’’ཏི ཏཱི་སུ་པི ག་ཎྛི་པ་དེ་སུ ཝུ་ཏྟཾ. སེ་ས་མེ་ཏྠ ཨུ་ཏྟཱ་ན་ཏྠ་མེ་ཝ.

བྷི་ཀྑུ་ནཱི་ཝི་བྷ་ངྒེ ཁུ་དྡ་ཀ་ཝ་ཎྞ་ནཱ ནི་ཊྛི་ཏཱ.

པཱ་ཙི་ཏྟི་ཡ་ཀ་ཎྜཾ ནི་ཊྛི་ཏཾ.