༥. ཙི་ཏྟཱ་གཱ་ར་ཝ་གྒ་ཝ་ཎྞ་ནཱ

༩༧༨. ཙི་ཏྟཱ་གཱ་ར་ཝ་གྒ་སྶ པ་ཋ་མེ ཀཱི་ལ༹་ན་ཨུ་པ་ཝ་ནནྟི ཨ་ནྟོ་ན་ག་རེ ཋི་ཏཾ ས་ནྡྷཱ་ཡ ཝུ་ཏྟཾ, ཀཱི་ལ༹་ནུ་ཡྻཱ་ནནྟི བ་ཧི་ན་ག་རེ ཋི་ཏཾ ས་ནྡྷཱ་ཡ. པཱ་ཊེ་ཀྐཱ ཨཱ་པ་ཏྟི་ཡོཏི གཱི་ཝཱ་ཡ པ་རི་ཝ་ཊྚ་ན་པྤ་ཡོ་ག་ག་ཎ་ནཱ་ཡ ཨཱ་པ་ཏྟི་ཡོ, ན ཨུ་མྨཱི་ལ་ན་ག་ཎ་ནཱ་ཡ. ‘‘ཨ་ཛ྄ཛྷཱ་རཱ་མེ རཱ་ཛཱ་གཱ་རཱ་དཱི་ནི ཀ་རོ་ནྟི, ཏཱ་ནི པ་སྶ་ནྟི་ཡཱ ཨ་ནཱ་པ་ཏྟཱི’’ཏི ཝ་ཙ་ན་ཏོ ‘‘ཨ་ནྟོ་ཨཱ་རཱ་མེ ཏ་ཏྠ ཏ་ཏྠ ག་ནྟྭཱ ན་ཙྩཱ་དཱི་ནི པ་སྶི་ཏུཾ ལ་བྷ་ཏཱི’’ཏི་པི སི་དྡྷཾ.

༩༨༢. དུ་ཏི་ཡཱ་དཱི་ནི ཨུ་ཏྟཱ་ན་ཏྠཱ་ནེ་ཝ.

༡༠༡༥. ན་ཝ་མེ ཧ་ཏྠི་ཨཱ་དཱི་སུ སི་པྤ-ས་དྡོ པ་ཙྩེ་ཀཾ ཡོ་ཛེ་ཏ་བྦོ, ཏ་ཐཱ ཨཱ་ཐ་བྦ་ཎཱ་དཱི་སུ མ་ནྟ-ས་དྡོ. ཏ་ཏྠ ཨཱ་ཐ་བྦ་ཎ་མ་ནྟོ ནཱ་མ ཨཱ་ཐ་བྦ་ཎ་ཝེ་ད་ཝི་ཧི་ཏོ པ་རཱུ་པ་གྷཱ་ཏ་ཀ་རོ མ་ནྟོ, ཁཱི་ལ་ན་མ་ནྟོ ནཱ་མ དཱ་རུ་སཱ་ར་ཁཱི་ལཾ མ་ནྟེ་ཏྭཱ པ་ཐ་ཝི་ཡཾ པ་ཝེ་སེ་ཏྭཱ མཱ་ར་ཎ་མ་ནྟོ, ཨ་ག་ད་པྤ་ཡོ་གོ ཝི་ས་ཡོ་ཛ་ནཾ. ནཱ་ག་མ་ཎྜ་ལནྟི ས་པྤཱ་ནཾ པ་ཝེ་ས་ནི་ཝཱ་ར་ཎ་ཏྠཾ མ་ཎྜ་ལ་བ་དྡྷ་མ་ནྟོ.

༡༠༡༨. ད་ས་མཾ ཨུ་ཏྟཱ་ན་ཏྠ་མེ་ཝ.

ཙི་ཏྟཱ་གཱ་ར་ཝ་གྒ་ཝ་ཎྞ་ནཱ ནི་ཊྛི་ཏཱ.

༡༠༢༡. ཨཱ་རཱ་མ་ཝ་གྒེ ས་བྦཾ ཨུ་ཏྟཱ་ན་ཏྠ་མེ་ཝ.

༡༠༦༧. ག་བྦྷི་ནི་ཝ་གྒེ་པི ས་བྦཾ སུ་ཝི་ཉྙེ་ཡྻ་མེ་ཝ.