༡. ཀོ་སི་ཡ་སི་ཀྑཱ་པ་ད་ཝ་ཎྞ་ནཱ

༥༤༢. དུ་ཏི་ཡ་སྶ པ་ཋ་མེ པཱ་ལི༹་ཡཾ ཀོ་སི་ཡ་ཀཱ་ར་ཀེཏི ཀོ་ས་ཀཱ་ར་ཀ་པཱ་ཎཱ་ནཾ ཀོ་ས་ཏོ ནི་བྦ་ཏྟ་ཏྟཱ ཀོ་སི་ཡེ་ན སུ་ཏྟེ་ན ཝ་ཏྠཱ་དིཾ ཀ་རོ་ནྟེ. ས་ངྒྷཱ་ཏནྟི ཝི་ནཱ་སཾ.

༥༤༤. ‘‘ཨ་ཝཱ་ཡི་མ’’ནྟི ཝུ་ཏྟ་ཏྟཱ ཝཱ་ཡི་ཏྭཱ ཀ་ར་ཎེ ཨ་ནཱ་པ་ཏྟི. མི་སྶེ་ཏྭཱཏི ཨེ་ལ༹་ཀ་ལོ་མེ་ཧི མི་སྶེ་ཏྭཱ. པ་ཊི་ལཱ་བྷེ་ནཱཏི པ་རི་ནི་ཊྛཱ་ནེ་ན ‘‘པ་རི་ཡོ་སཱ་པེ་ཏི, ནི་སྶ་གྒི་ཡ’’ནྟི (པཱ་རཱ. ༥༤༥) ཝུ་ཏྟ་ཏྟཱ, ཀོ་སི་ཡ་མི་སྶ་ཀ་ཏཱ, ཨ་ཏྟ་ནོ ཨ་ཏྠཱ་ཡ ས་ནྠ་ཏ་སྶ ཀ་ར་ཎ་ཀཱ་རཱ་པ་ནཾ, པ་ཊི་ལཱ་བྷོ ཙཱ་ཏི ཨི་མཱ་ནེ་ཏྠ ཏཱི་ཎི ཨ་ངྒཱ་ནི.

ཀོ་སི་ཡ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.

༥༤༧-༥༥༢. དུ་ཏི་ཡ་ཉྩ ཏ་ཏི་ཡ་ཉྩ ཨུ་ཏྟཱ་ན་མེ་ཝ. ཏ་ཏྠ པ་ན ཨོ་དཱ་ཏཱ་དི་མི་སྶ་ཀ་ས་ཉྙཱ་ཡ སུ་དྡྷ་ཀཱ་ལ༹་ཀཱ་ན་ཉྙེ་ཝ ས་ནྠ་ཏ་སྶ ཀ་ར་ཎ་ཝ་སེ་ན ཙེ་ཏྠ དྭེ་བྷཱ་ག་ཏོ ཨ་དྷི་ཀེ་སུ སུ་དྡྷ་ཀཱ་ལ༹་ཀེ་སུ ཨ་ན་དྷི་ཀ་ས་ཉྙཱ་ཡ ས་ནྠ་ཏ་སྶ ཀ་ར་ཎ་ཝ་སེ་ན ཙ ཨ་ཙི་ཏྟ་ཀ་ཏཱ ཝེ་དི་ཏ་བྦཱ.