༡༠. སཱུ་ཙི་མུ་ཁཱི་སུ་ཏྟ་ཝ་ཎྞ་ནཱ

༣༤༡. ཏ་སྨིཾ ཝ་ཙ་ནེ པ་ཊི་ཀྑི་ཏྟེཏི – ‘‘ཨ་དྷོ་མུ་ཁོ བྷུ་ཉྫ་སཱི’’ཏི པ་རི་བྦཱ་ཛི་ཀཱ་ཡ ཝུ་ཏྟ་ཝ་ཙ་ནེ – ‘‘ན ཁྭཱ་ཧཾ བྷ་གི་ནཱི’’ཏི པ་ཊི་ཀྑི་ཏྟེ. ཝཱ་དནྟི དོ་སཾ. ཨུ་བྦྷ་མུ་ཁོཏི ཨུ་པ་རི་མུ་ཁོ. པུ་ར་ཏྠི་མཱ་དི་ཀཱ ཙ་ཏ་སྶོ དི་སཱ. ད་ཀྑི་ཎ་པུ་ར་ཏྠི་མཱ་དི་ཀཱ ཙ་ཏ་སྶོ ཝི་དི་སཱ.

ཨཱ་རཱ་མ་ཨཱ་རཱ་མ་ཝ་ཏྠུ་ཨཱ་དཱི་སུ བྷཱུ་མི་པ་རི་ཀ་མྨ་བཱི་ཛཱ་བྷི་ས་ངྑ་ར་ཎཱ་དི་པ་ཊི་སཾ་ཡུ་ཏྟཱ ཝི་ཛྫཱ ཝ་ཏྠུ་ཝི་ཛྫཱ, ཏ་སྶཱ པ་ན མི་ཙྪཱ་ཛཱི་ཝ་བྷཱ་ཝཾ ད་སྶེ་ཏུཾ ‘‘ཏེ་ས’’ནྟི་ཨཱ་དི ཝུ་ཏྟཾ. ཏེ་སཾ ཏེ་སཾ ཨ་ཏྟ་ནོ པ་ཙྩ་ཡ་དཱ་ཡ་ཀཱ་ནཾ. ཏ་ཏྠ ཏ་ཏྠ ག་མ་ནནྟི ཏེ་སཾ སཱ་ས་ན་ཧ་ར་ཎ་ཝ་སེ་ན ཏཾ ཏཾ གཱ་མ་ནྟ་ར་དེ་ས་ནྟ་རཾ. ཨེ་ཝ་མཱ་རོ་ཙེ་སཱིཏི ཨ་ཏྟུ་ཀྐཾ་ས་ན་པ་ར་ཝ་མྦྷ་ན་ར་ཧི་ཏཾ ཀ་ཎྞ་སུ་ཁཾ པེ་མ་ནཱི་ཡཾ ཧ་ད་ཡ་ངྒ་མཾ ཐེ་ར་སྶ དྷ་མྨ་ཀ་ཐཾ སུ་ཏྭཱ པ་ས་ནྣ་མཱ་ན་སཱ ཨེ་ཝཾ ‘‘དྷ་མྨི་ཀཾ ས་མ་ཎཱ ས་ཀྱ་པུ་ཏྟི་ཡཱ’’ཏི་ཨཱ་དི་ནཱ སཱ་ས་ན་སྶ གུ་ཎ་སཾ་ཀི་ཏྟ་ན་ཝཱ་ཙཾ ཀུ་ལཱ་ནཾ ཨཱ་རོ་ཙེ་སི.

སཱུ་ཙི་མུ་ཁཱི་སུ་ཏྟ་ཝ་ཎྞ་ནཱ ནི་ཊྛི་ཏཱ.

སཱ་རི་པུ་ཏྟ་སཾ་ཡུ་ཏྟ་ཝ་ཎྞ་ནཱ ནི་ཊྛི་ཏཱ.