༦. ཀི་ལེ་ས་སཾ་ཡུ་ཏྟ་ཝ་ཎྞ་ནཱ

༣༢༢-༣༣༡. ཨེ་སོཏི ཙ་ཀྑུ་སྨིཾ ཚ་ནྡ་རཱ་གོ. ཨུ་པེ་ཙྩ ཀི་ལེ་སེ་ཏཱི་ཏི ཨུ་པ་ཀྐི་ལེ་སོ. ཙི་ཏྟ་སྶཱཏི སཱ་མ་ཉྙ་ཝ་ཙ་ནཾ ཨ་ནི་ཙྪ་ནྟོ ཙོ་ད་ཀོ ‘‘ཀ་ཏ་ར་ཙི་ཏྟ་སྶཱ’’ཏི ཨཱ་ཧ. ཨི་ཏ་རོ ཀཱ་མཾ ཨུ་པ་ཏཱ་པ་ན་མ་ལཱི་ན་བྷཱ་ཝ་ཀ་ར་ཎ་ཝ་སེ་ན ཨུ་པ་ཀྐི་ལེ་སོ ལོ་ཀུ་ཏྟ་ར་སྶ ན་ཏྠི, ཝི་བཱ་དྷ་ན་ཊྛོ པ་ན ཨ་ཏྠེ་ཝ ཨུ་པྤ་ཏྟི་ནི་ཝཱ་ར་ཎ་ཏོ་ཏི ཨ་དྷི་པྤཱ་ཡེ་ནཱ་ཧ ‘‘ཙ་ཏུ་བྷཱུ་མ་ཀ་ཙི་ཏྟ་སྶཱ’’ཏི. ཙོ་ད་ཀོ ‘‘ཏེ་བྷཱུ་མ་ཀཱ’’ཏི་ཨཱ་དི་ནཱ ཨ་ཏྟ་ནོ ཨ་དྷི་པྤཱ་ཡཾ ཝི་ཝ་ར་ཏི, ཨི་ཏ་རོ ‘‘ཨུ་པྤ་ཏྟི་ནི་ཝཱ་ར་ཎ་ཏོ’’ཏི་ཨཱ་དི་ནཱ. ཨ་རི་ཡ་ཕ་ལ་པ་ཊི་པྤ་སྶ་དྡྷི་པ་ཧཱ་ན་ཝ་སེ་ན པ་ཝ་ཏྟི་ཡཱ ས་བྦ་སཾ་ཀི་ལེ་ས་ཏོ ནི་ཀྑ་ནྟ་ཏྟཱ ནེ་ཀྑ་མྨཾ, མ་གྒ་ནི་བྦཱ་ནཱ་ནཾ པ་ན ནེ་ཀྑ་མྨ་བྷཱ་ཝོ ཨུ་ཀྐཾ་ས་ཏོ ག་ཧི་ཏོ ཨེ་ཝཱ་ཏི ཨཱ་ཧ ‘‘ནེ་ཀྑ་མྨ་ནི་ནྣ་ནྟི ན་ཝ་ལོ་ཀུ་ཏྟ་ར་དྷ་མྨ་ནི་ནྣ’’ནྟི. ཨ་བྷི་ཛཱ་ནི་ཏྭཱཏི ཨ་བྷི་མུ་ཁ་བྷཱ་ཝེ་ན ཛཱ་ནི་ཏྭཱ. ས་ཙྪི་ཀཱ་ཏ་བྦེ་སཱུཏི པ་ཙྩ་ཀྑ་ཀཱ་ཏ་བྦེ་སུ. ཚ་ལ༹་བྷི་ཉྙཱ་དྷ་མྨེ་སཱུཏི ཨ་རི་ཡ་མ་གྒ་ས་མྤ་ཡུ་ཏྟ་དྷ་མྨེ་སུ.

ཀི་ལེ་ས་སཾ་ཡུ་ཏྟ་ཝ་ཎྞ་ནཱ ནི་ཊྛི་ཏཱ.