༡. ས་མཱ་དྷི་མཱུ་ལ་ཀ་ས་མཱ་པ་ཏྟི་སུ་ཏྟ་ཝ་ཎྞ་ནཱ

༦༦༢. ས་མཱ་དྷི་ཀུ་ས་ལོཏི ས་མཱ་དྷི་སྨིཾ ཀུ་ས་ལོ. ཏ་ཡི་དཾ ས་མཱ་དྷི་ཀོ་ས་ལླ་ཏྟཾ ས་ཧ ཛྷཱ་ན་ངྒ་ཡོ་གེ་ན ཙ་ཏུ་བྦི་དྷོ ཛྷཱ་ན་ས་མཱ་དྷི, ཏ་སྨཱ ཏཾ ཏཾ ཝི་བྷཱ་གཾ ཛཱ་ན་ནྟ་སྶ སི་དྡྷཾ ཧོ་ཏཱི་ཏི ཨཱ་ཧ – ‘‘པ་ཋ་མཾ ཛྷཱ་ན’’ནྟི་ཨཱ་དི. ཏ་ཏྠ ཝི་ཏ་ཀྐ་ཝི་ཙཱ་ར་པཱི་ཏི་སུ་ཁེ་ཀ་གྒ་ཏཱ་ཝ་སེ་ན པ་ཋ་མཾ པ་ཉྩ་ངྒི་ཀཾ, པཱི་ཏི་སུ་ཁེ་ཀ་གྒ་ཏཱ་ཝ་སེ་ན དུ་ཏི་ཡཾ ཏི་ཝ་ངྒི་ཀཾ, སུ་ཁེ་ཀ་གྒ་ཏཱ་ཝ་སེ་ན ཏ་ཏི་ཡཾ དུ་ཝ་ངྒི་ཀཾ, ཨུ་པེ་ཀྑེ་ཀ་གྒ་ཏཱ་ཝ་སེ་ན ཙ་ཏུ་ཏྠཾ དུ་ཝ་ངྒི་ཀ་མེ་ཝཱ་ཏི ཨེ་ཝཾ ཏ་སྨིཾ ཏ་སྨིཾ ཛྷཱ་ནེ ཏཾ་ཏཾ་ཨ་ངྒཱ་ནཾ ཝ་ཝ་ཏྠཱ་ནེ ཀུ་ས་ལོ. ས་མཱ་པ་ཏྟི་ཀུ་ས་ལོཏི ས་མཱ་པ་ཛྫ་ནེ ཀུ་ས་ལོ. ཧཱ་སེ་ཏྭཱཏི ཏོ་སེ་ཏྭཱ. ཀ་ལླཾ ཀ་ཏྭཱཏི ས་མཱ་དྷཱ་ན་སྶ པ་ཊི་པ་ཀྑ་དྷ་མྨཱ་ནཾ དཱུ་རཱི་ཀ་ར་ཎེ་ན ས་ཧ་ཀཱ་རཱི་ཀཱ་ར་ཎ་ཉྩ ས་མཱ་དྷཱ་ནེ་ན ས་མཱ་པ་ཛྫ་ནེ ཙི་ཏྟཾ ས་མ་ཏྠཾ ཀ་ཏྭཱ. སེ་ས་པ་དཱ་ནཱིཏི སེ་སཱ ཏ་ཡོ ཀོ་ཊྛཱ་སཱ. ཏ་ཏི་ཡཱ་དཱི་སུ ན་ཡེ་སུ ཨ་ཀུ་ས་ལོ་པི ཛྷཱ་ན་ཏྠཱ་ཡ པ་ཊི་པ་ནྣ་ཏྟཱ ‘‘ཛྷཱ་ཡཱི་ཏེ་ཝཱ’’ཏི ཝུ་ཏྟོ.

ས་མཱ་དྷི་མཱུ་ལ་ཀ་ས་མཱ་པ་ཏྟི་སུ་ཏྟ་ཝ་ཎྞ་ནཱ ནི་ཊྛི་ཏཱ.