༡༠. ག་ནྡྷ་བྦ་ཀཱ་ཡ་སཾ་ཡུ་ཏྟ་ཝ་ཎྞ་ནཱ

༤༣༨-༥༤༩. མཱུ་ལ་ག་ནྡྷཱ་དི་བྷེ་དཾ ག་ནྡྷཾ ཨ་ཝ་ནྟི ཨ་པ་ཡུ་ཉྫ་ནྟཱི་ཏི ག་ནྡྷ་བྦཱ, ཏེ་སཾ ཀཱ་ཡོ ས་མཱུ་ཧོ ག་ནྡྷ་བྦ་ཀཱ་ཡོ, ག་ནྡྷ་བྦ་དེ་ཝ་ནི་ཀཱ་ཡོ. ཙཱ་ཏུ་མ་ཧཱ་རཱ་ཛི་ཀེ་སུ ཨེ་ཀི་ཡཱ་ཝ ཏེ ད་ཊྛ་བྦཱ, ཏ་པྤ་རི་ཡཱ་པ་ནྣ་ཏཱ་ཡ ཏ་ཏྠ ཝཱ ནི་ཡུ་ཏྟཱ་ཏི ག་ནྡྷ་བྦ་ཀཱ་ཡི་ཀཱ. ཏེ་སཾ ཏེ་སཾ རུ་ཀྑ་ག་ཙྪ་ལ་ཏཱ་ནཾ མཱུ་ལཾ པ་ཊི་ཙྩ པ་ཝ་ཏྟོ ག་ནྡྷོ མཱུ་ལ་ག་ནྡྷོ, ཏ་སྨིཾ མཱུ་ལ་ག་ནྡྷེ. ཨ་དྷི་ཝ་ཏྠཱཏི མཱུ་ལ་ག་ནྡྷཾ ཨ་དྷི་ཊྛཱ་ཡ, ཨ་བྷི་བྷུ་ཡྻ ཝཱ ཝ་ས་ནྟཱ. ཨེ་ས ན་ཡོ སེ་སེ་སུ་པི. ཏཾ ནི་སྶཱ་ཡཱཏི ཏཾ མཱུ་ལ་ག་ནྡྷཾ རུ་ཀྑཾ པ་ཙྩ་ཡཾ ཀ་ཏྭཱ ནི་བྦ་ཏྟཱ. ན ཀེ་ཝ་ལཾ ཏ་ཏྠ ག་ནྡྷོ ཨེ་ཝ, མཱུ་ལ་མེ་ཝ ཝཱ ཏེ་སཾ པ་ཙྩ་ཡོ་ཏི ད་སྶེ་ནྟོ ‘‘སོ ཧཱི’’ཏི་ཨཱ་དི་མཱ་ཧ. ཨུ་པ་ཀ་པྤ་ཏཱིཏི ནི་ཝཱ་ས་ཊྛཱ་ན་བྷཱ་ཝེ་ན ཝི་ནི་ཡུ་ཉྫ་ཏི. ག་ནྡྷ་ག་ནྡྷེཏི ག་ནྡྷཱ་ནཾ ག་ནྡྷ་ས་མུ་དཱ་ཡེ. མཱུ་ལཱ་དི་ག་ནྡྷཱ་ནཾ ག་ནྡྷེཏི མཱུ་ལཱ་དི་ག་ཏ་ཨ་ཝ་ཡ་ཝ་ག་ནྡྷཱ་ནཾ ག་ནྡྷེ, ཏི་མཱུ་ལཱ་དི་ག་ཏ་ས་མུ་དཱ་ཡ་བྷཱུ་ཏེ་ཏི ཨ་ཏྠོ. པུ་བྦེ ཧི ‘‘མཱུ་ལ་ག་ནྡྷེ’’ཏི་ཨཱ་དི་ནཱ རུ་ཀྑཱ་ནཾ ཨ་ཝ་ཡ་ཝ་ག་ནྡྷོ ག་ཧི་ཏོ, ཨི་དྷ པ་ན ས་བྦ་སོ ག་ཧི་ཏ་ཏྟཱ ས་མུ་དཱ་ཡ་ག་ནྡྷོ ཝེ་དི་ཏ་བྦོ. ཏེ་ནཱ་ཧ ‘‘ཡ་སྶ ཧི རུ་ཀྑ་སྶཱ’’ཏི་ཨཱ་དི. སོཏི སོ ས་བྦོ མཱུ་ལཱ་དི་ག་ཏོ ག་ནྡྷོ ག་ནྡྷ་ས་མུ་དཱ་ཡོ ཨི་དྷ ག་ནྡྷ་ག་ནྡྷོ ནཱ་མ. ཏ་སྶ ག་ནྡྷ་སྶ ག་ནྡྷེཏི ཏ་སྶ ས་མུ་དཱ་ཡ་ག་ནྡྷ་སྶ ཏ་ཐཱ་བྷཱུ་ཏེ ག་ནྡྷེ. ས་རི་ཀྑཾ ས་དི་སཾ པ་ཊི་དཱ་ནཾ ཨེ་ཏི་སྶཱ་ཏི ས་རི་ཀྑ་དཱ་ནཾ, པ་ཏྠ་ནཱ. ཡ་ཐཱ་དྷི་པྤེ་ཏ་ཕ་ལཱ་ནི ས་རི་ཀྑ་དཱ་ན་ཏྟཱ་ཝ ཨ་དྷི་པྤེ་ཏ་ཕ་ལཾ དེ་ནྟུ, ཨ་ས་རི་ཀྑ་དཱ་ནཾ ཀ་ཐ་ནྟི? ཏ་མྤི དེ་ཏི་ཡེ་ཝ པུ་ཉྙ་སྶ ས་བྦ་ཀཱ་མ་ད་ད་ཏྟཱ་ཏི ཨཱ་ཧ ‘‘ཨ་ས་རི་ཀྑ་དཱ་ན་མྤཱི’’ཏི་ཨཱ་དི.

ག་ནྡྷ་བྦ་ཀཱ་ཡ་སཾ་ཡུ་ཏྟ་ཝ་ཎྞ་ནཱ ནི་ཊྛི་ཏཱ.