༡. ས་པྤི་ཝི་ཉྙཱ་པ་ན་སི་ཀྑཱ་པ་ད་ཝ་ཎྞ་ནཱ

པཱ་ཊི་དེ་ས་ནཱི་ཡེ་སུ པ་ཋ་མེ ས་པྤིནྟི པུ་བྦེ ཝུ་ཏྟ་ཝི་ནི་ཙྪ་ཡཾ པཱ་ལི༹་ཨཱ་ག་ཏཾ (པཱ་ཙི. ༡༢༣༠) གོ་ས་པྤི་ཨཱ་དི་མེ་ཝ. ཝི་ཉྙཱ་པེ་ཏྭཱ བྷུ་ཉྫེ་ཡྻཱཏི ཨེ་ཏྠ ‘‘ཝི་ཉྙ་ཏྟི་ཡཱ པ་ཊི་ལ་དྡྷཾ བྷུ་ཉྫི་སྶཱ་མཱི’’ཏི ག་ཧ་ཎེ དུ་ཀྐ་ཊཾ, ག་ཧི་ཏ་སྶ ཨ་ཛ྄ཛྷོ་ཧཱ་རེ ཨ་ཛ྄ཛྷོ་ཧཱ་རེ པཱ་ཊི་དེ་ས་ནཱི་ཡཾ.

སཱ་ཝ་ཏྠི་ཡཾ ཚ་བྦ་གྒི་ཡཱ བྷི་ཀྑུ་ནི་ཡོ ཨཱ་ར་བྦྷ ས་པྤིཾ ཝི་ཉྙཱ་པེ་ཏྭཱ བྷུ་ཉྫ་ན་ཝ་ཏྠུ་སྨིཾ པ་ཉྙ་ཏྟཾ, ‘‘ཨ་གི་ལཱ་ནཱ’’ཏི ཨ་ཡ་མེ་ཏྠ ཨ་ནུ་པ་ཉྙ་ཏྟི, ཏི་ཀ་པཱ་ཊི་དེ་ས་ནཱི་ཡཾ, གི་ལཱ་ནཱ་ཡ དྭི་ཀ་དུ་ཀྐ་ཊཾ. ཡཱ པ་ན གི་ལཱ་ནཱ གི་ལཱ་ན་ས་ཉྙཱ, གི་ལཱ་ན་ཀཱ་ལེ ཝཱ ཝི་ཉྙཱ་པེ་ཏྭཱ པ་ཙྪཱ ཨ་གི་ལཱ་ནཱ ཧུ་ཏྭཱ བྷུ་ཉྫ་ཏི, གི་ལཱ་ནཱ་ཡ ཝཱ སེ་ས་ཀཾ, ཉཱ་ཏ་ཀ་པྤ་ཝཱ་རི་ཏ་ཊྛཱ་ན་ཏོ ཝཱ ཝི་ཉྙ་ཏྟཾ, ཨ་ཉྙ་སྶ ཝཱ ཨ་ཏྠཱ་ཡ, ཨ་ཏྟ་ནོ ཝཱ དྷ་ནེ་ན ག་ཧི་ཏཾ བྷུ་ཉྫ་ཏི, ཏ་སྶཱ, ཨུ་མྨ་ཏྟི་ཀཱ་དཱི་ན་ཉྩ ཨ་ནཱ་པ་ཏྟི. ཝུ་ཏྟ་ལ་ཀྑ་ཎ་ས་པྤི་ཏཱ, ཨ་ནུ་ཉྙཱ་ཏ་ཀཱ་ར་ཎཱ་བྷཱ་ཝོ, ཝི་ཉྙ་ཏྟི, ཨ་ཛ྄ཛྷོ་ཧཱ་རོ་ཏི ཨི་མཱ་ནེ་ཏྠ ཙ་ཏྟཱ་རི ཨ་ངྒཱ་ནི. ས་མུ་ཊྛཱ་ནཱ་དཱི་ནི ཨ་དྡྷཱ་ན་ས་དི་སཱ་ནཱི་ཏི.

ས་པྤི་ཝི་ཉྙཱ་པ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.