(༩.) ན་ཝ་ཀ་ནི་དྡེ་ས་ཝ་ཎྞ་ནཱ

༩༦༠. ད་ས་མ་སྶ ཨ་ཝུ་ཏྟ་ཏྟཱ ‘‘ས་ཏྟེ་སུ ཨུ་པྤ་ཏྟི་ཝ་སེ་ནེ་ཝ ཀ་ཐི་ཏཱ་ནཱི’’ཏི ཝུ་ཏྟཾ.

༩༦༣. སུ་ཁ་ཝི་ནི་ཙྪ་ཡནྟི སེ་ཝི་ཏ་བྦཱ་སེ་ཝི་ཏ་བྦ་སུ་ཁ་ས་ནྣི་ཊྛཱ་ན་ནྟི ཨ་ཏྠོ. ཨ་ཛ྄ཛྷ་ཏྟཾ སུ་ཁནྟི སེ་ཝི་ཏ་བྦཾ ནེ་ཀྑ་མྨ་སུ་ཁཾ. ཝི་ནི་ཙྪ་ཡཱ་ཏི དྭེ ཝི་ནི་ཙྪ་ཡཱཏི ཨི་དཾ –

‘‘སཱ་ཏཾ ཨ་སཱ་ཏ་ནྟི ཡ་མཱ་ཧུ ལོ་ཀེ,

ཏ་མཱུ་པ་ནི་སྶཱ་ཡ པ་ཧོ་ཏི ཚ་ནྡོ;

རཱུ་པེ་སུ དི་སྭཱ ཝི་བྷ་ཝཾ བྷ་ཝ་ཉྩ,

ཝི་ནི་ཙྪ་ཡཾ ཀུ་བྦ་ཏི ཛ་ནྟུ ལོ་ཀེ’’ཏི. (སུ. ནི. ༨༧༣; མ་ཧཱ་ནི. ༡༠༢) –

ཨེ་ཏ་སྶ ནི་དྡེ་སེ ཝུ་ཏྟཾ.

ཨི་དྷ ཝི་ནི་ཙྪ་ཡོ་ཏི ཝུ་ཏྟོཏི ཨི་མི་སྶཱ ཝི་བྷ་ངྒ་པཱ་ལི༹་ཡཱ ཡོ ཚ་ནྡ་རཱ་ག་སྶ པ་ཙྩ་ཡ་ས་བྷཱ་ཝེ་ན ཝི་ནི་ཙྪ་ཡ-ས་དྡེ་ན ཝུ་ཏྟོ, ས་ཀྐ་པ་ཉྷེ་པི (དཱི. ནི. ༢.༣༥༧) ཚ་ནྡ་སྶ ནི་དཱ་ན་བྷཱ་ཝེ་ན ཝི་ཏ་ཀྐ-ས་དྡེ་ན སོ ཨེ་ཝ ཨཱ་ག་ཏོ་ཏི ཨེ་ཝཾ ཝི་ཏ་ཀྐ་སྶ ཝི་ནི་ཙྪ་ཡ་བྷཱ་ཝཾ ཏ་སྶེ་ཝ ཨི་དྷ ག་ཧི་ཏ་ཏ་ཉྩ ད་སྶེ་ཏི. བ་ལ་ཝ་ས་ནྣི་ཊྛཱ་ནནྟི བ་ལ་ཝ་ཏི་ཡཱ ཏ་ཎྷཱ་ཡ ཨཱ་ར་མྨ་ཎ་སྶ ནི་ཊྛ་པེ་ཏྭཱ ག་ཧ་ཎཾ.

༩༦༤. ས་ཏི་པི ཨ་ཉྙེ་ས་ཉྩ ས་ངྑ་ཏ་བྷཱ་ཝེ ཨ་ཧ་ནྟི ཨ་སྨཱི་ཏི ཙ སཱ་ཏི་ས་ཡཱ མཱ་ན་སྶ ས་ངྑ་ཏ་ཏཱ་ཏི ཀ་ཏྭཱ ‘‘ས་ངྑ་ཏ’’ནྟི མཱ་ནོ ཝུ་ཏྟོ. སེ་ཡྻཱ་དི་ཝ་སེ་ན ‘‘ཨ་ཧ་མ་སྨཱི’’ཏི ཨ་ཏྟ་ནོ ས་ངྑ་ར་ཎཾ ཝཱ ས་ངྑ་ཏཾ. ཨེ་ཏྠ ‘‘བྷ་ཝི་སྶ་ནྟཱི’’ཏི་ཨཱ་དི་ཀཱ པ་ཝ་ཏྟི ཏ་ཎྷཱ་དི་ཊྛཱི་ནཾ ཝི་སེ་ས་ཝ་ཏཱི་ཏི ཏཱ་ས་མྤི ཨི་ཉྫི་ཏཱ་དི་བྷཱ་ཝོ ཝུ་ཏྟོ.

ན་ཝ་ཀ་ནི་དྡེ་ས་ཝ་ཎྞ་ནཱ ནི་ཊྛི་ཏཱ.