༢༠. ཝཱི་ས་ཏི་མོ པ་རི་ཙྪེ་དོ

མ་གྒཱ་མ་གྒ་ཉཱ་ཎ་ད་སྶ་ན་ཝི་སུ་དྡྷི་ནི་དྡེ་ས་ཝ་ཎྞ་ནཱ

༡༢༦༤. པ་ཙྩུ་པྤ་ནྣ་སྶ དྷ་མྨ་སྶཱཏི པ་ཙྩུ་པྤ་ནྣ་སྶ ནཱ་མ་རཱུ་པ་དྷ་མྨ་སྶ.

༡༢༦༦-༨. ཨུ་པྤ་ཛྫ་ཏོ ཨུ་པྤ་ཛྫ་ནྟ་སྶ ནཱ་མ་རཱུ་པ་དྷ་མྨ་སྶ རཱ་སི་ཏོ ནི་ཙ་ཡ་ཏོ ཨཱ་ག་མ་ན་ཉྩ ན་ཏྠི. དི་སཱ་ག་མ་ནནྟི དི་སཱ་ཡ ག་མ་ནཾ. ནི་རུ་དྡྷ་སྶཱ་པི ནཱ་མ་རཱུ་པ་དྷ་མྨ་སྶ ཨེ་ཀ་སྨིཾ ཋཱ་ནེ ནི་ཙ་ཡོ་ཏི ཙ ན་ཏྠི.

༡༢༧༠-༡. ཨ་ཝི་ཛྫཱ་ས་མུ་ད་ཡཱ རཱུ་པ་ས་མུ་ད་ཡོ, ཨ་ཝི་ཛྫཱ་ནི་རོ་དྷཱ རཱུ་པ་ནི་རོ་དྷོ. ཏ་ཎྷཱ་ས་མུ་ད་ཡཱ རཱུ་པ་ས་མུ་ད་ཡོ, ཏ་ཎྷཱ་ནི་རོ་དྷཱ རཱུ་པ་ནི་རོ་དྷོ. ཀ་མྨ་ས་མུ་ད་ཡཱ རཱུ་པ་ས་མུ་ད་ཡོ, ཀ་མྨ་ནི་རོ་དྷཱ རཱུ་པ་ནི་རོ་དྷོ. ཨཱ་ཧཱ་ར་ནི་རོ་དྷཱ རཱུ་པ་ནི་རོ་དྷོ. དྷ་མྨེཏི ས་ངྑཱ་ར་དྷ་མྨེ.

༡༢༨༠. ས་མྤ་ཏྟ་པ་ཊི་ཝེ་དྷ་སྶཱཏི ས་མྤ་ཏྟ་ལོ་ཀུ་ཏྟ་ར་ས་ངྑཱ་ཏ་མ་གྒ་ཕ་ལ་སྶ སོ་ཏཱ་པ་ནྣཱ་དི་པུ་གྒ་ལ་སྶ. ཝི་པྤ་ཊི་པ་ནྣ་སྶཱཏི པ་ཊི་པ་ཏྟི་ཡཾ ཨ་པྤ་ཊི་པ་ནྣ་སྶ, ཝི་རུ་དྡྷ་ཝ་སེ་ན པ་ཊི་པ་ནྣ་སྶ ཝཱ.

༡༢༨༦. ཀཱ་ཡ་ཙི་ཏྟཱ་ནཱིཏི ཀཱ་ཡཱཏི ཝེ་ད་ནཱ་ས་ཉྙཱ་ས་ངྑཱ་རཱ. ཙི་ཏྟནྟི ཝི་ཉྙཱ་ཎཾ.

༡༢༩༠. ཡ་ཏོ ཡ་ཏོ པ་ཙྩ་ཡཱ་དི་ཏོ. ཡཾ ཨ་མ་ཏཾ ནི་བྦཱ་ནཾ ཝི་ཛཱ་ན་ཏཾ ཝི་ཛཱ་ན་ནྟཱ་ནཾ པཱི་ཏི་པཱ་མོ་ཛྫཾ, ཏེ་ཧི ལ་བྷི་ཏ་བྦཾ ཨ་མ་ཏཾ, ཨ་མ་ཏཾ ཝི་ཡ པཱི་ཏི་པཱ་མོ་ཛྫཾ ཝཱ.

༡༢༩༣. ཨ་པྤ་ཏྟེཏི ཨ་ཏྟ་ནི མ་གྒ་ཕ་ལ་སྨིཾ ཨ་པྤ་ཏྟེ. པ་ཏྟ་ས་ཉྙཱིཏི མ་གྒ་ཕ་ལེ ཨ་ཧཾ པ་ཏྟོ ཨ་སྨི ཨི་ཏི ས་ཉྙི་ཏོ ཧོ་ཏི.

༡༢༩༧. སཱ་ར་ཝེ་དི་ནོཏི སཱ་ར་ཛཱ་ན་ན་སཱི་ལཱ. ཏནྟི ཏཾ མ་གྒཱ་མ་གྒ་ཉཱ་ཎ་ད་སྶ་ནཾ. ཨི་དཾ ཉཱ་ཎཾ མ་གྒཱ་མ་གྒ་ཉཱ་ཎ་ད་སྶ་ན་ནྟི མ་གྒཱ་མ་གྒ་ཉཱ་ཎ་ད་སྶ་ནཾ ནཱ་མ.

ཨི་ཏི ཨ་བྷི་དྷ་མྨཱ་ཝ་ཏཱ་ར་ཊཱི་ཀཱ་ཡ

མ་གྒཱ་མ་གྒ་ཉཱ་ཎ་ད་སྶ་ན་ཝི་སུ་དྡྷི་ནི་དྡེ་ས་ཝ་ཎྞ་ནཱ ནི་ཊྛི་ཏཱ.

ཝཱི་ས་ཏི་མོ པ་རི་ཙྪེ་དོ.