༡༡. ཨེ་ཀཱ་ད་ས་མོ པ་རི་ཙྪེ་དོ

ནི་བྦཱ་ན་ནི་དྡེ་ས་ཝ་ཎྞ་ནཱ

༧༦༩. བྷ་ཝཱ་བྷ་ཝཾ ཝི་ན་ན་ཏོཏི ཁུ་དྡ་ཀཾ, མ་ཧ་ནྟཾ བྷ་ཝཾ སི་བྦ་ན་ཏོ. ས་བྦཱུ་པ་དྷི་པ་ཊི་ནི་སྶ་གྒོཏི ས་བྦེ་ཧི ས་ངྑཱ་རཱུ་པ་དྷི་ཀི་ལེ་སཱུ་པ་དྷི་ཁ་ནྡྷཱུ་པ་དྷཱི་ཧི པ་ཊི་ནི་སྶ་ཛྫ་ནཾ. ཨ་ཙྩུ་ཏི་ར་སཾ ཨ་ཙུ་ཏི་ས་མྤ་ཏྟི་ཀཾ. ནི་བྦཱ་ནཾ པུ་ཊྛེ་ནཱཏི སུ་ག་ཏེ་ན ནི་བྦཱ་ནཾ པུ་ཊྛེ་ན སཱ་རི་པུ་ཏྟ་ཏྠེ་རེ་ན. ཨུ་བྷི་ནྣཾ སུ་ཏྟཱ་ནནྟི དྷ་མྨ་སེ་ནཱ་པ་ཏི་ཝུ་ཏྟཱ་ནཾ དྭི་ནྣཾ སུ་ཏྟཱ་ན་ནྟི ཨ་ཏྠོ. ཁ་ཡ་སྶ ཨུ་པ་ནི་སྶ་ཡ་ཏྟཱཏི ཁ་ཡ་སྶ བ་ལ་ཝ་ཀཱ་ར་ཎ་ཏྟཱ. པུ་ཐཱུ་ནཾ དྷ་མྨཱ་ནཾ ཨ་པྤ་མ་ཏྟ་ཀྑ་ཎེ རཱ་གཱ་དི་ཀྑ་ཡ་མ་ཏྟཾ ནི་བྦཱ་ནཾ བྷ་ཝེ་ཡྻ. ས་བྦེ བཱ་ལ་པུ་ཐུ་ཛྫ་ནཱ ས་མ་དྷི་ག་ཏ་ནི་བྦཱ་ནཱ ས་ཙྪི་ཀ་ཏ་ནི་རོ་དྷཱ བྷ་ཝེ་ཡྻུཾ. ཀི་ཉྩ བྷི་ཡྻོ ཀིཾ ཨུ་ཏྟ་རི ཀཱ་ར་ཎ་ཉྩ ཨ་ཏྠཱི་ཏི ཨ་ཏྠོ. རཱ་གཱ་དཱི་ནཾ ས་ངྑ་ཏ་ཏྟཱ ཏེ་སཾ ས་ངྑ་ཏཱ་ནཾ ནི་བྦཱ་ནཾ ས་ངྑ་ཏ་ལ་ཀྑ་ཎཾ བྷ་ཝེ་ཡྻ. ཀིཾ པ་ནེ་ཏྠཱཏི ཨེ་ཏེ་སུ ཁ་ཎེ་སུ ཀིཾ པ་ན ཁ་ཎེ ཏྭཾ ཝ་དེ་སི. ཁཱི་ཎེ་སྭེ་ཝཱཏི བྷ་ཝཱ་དཱི་སུ ཁཱི་ཎེ་སུ ཨེ་ཝ. ནི་རུ་ཏྟ་རོཏི ནི་པྥ་ནྣ་ཧཱ་རོ.

༧༧༡. ཨ་སྶ་དྡྷོཏི བཱ་ཧི་ར་ས་དྡྷཱ་ཡ ཝི་ར་ཧི་ཏོ. ཝ་ནྟཱ་སོཏི ཝ་ནྟཱ ཝ་མི་ཏཱ ཨཱ་སཱ ཏ་ཎྷཱ ཡེ་ནཱ་ཏི ཝ་ནྟཱ་སོ.

ནི་སྶ་ར་ཎི་ཡཱཏི ནི་སྶ་ར་ཎེ ནི་ཡུ་ཏྟཱ. ཡ་དི་དཾ ནེ་ཀྑ་མྨཾ ཡཾ ཨི་དཾ ཀཱ་མཱ་ནཾ ཨེ་ཏཾ ནི་སྶ་ར་ཎཾ ནི་རོ་དྷོ, ཏ་སྶ ཀི་ཉྩི་བྷཱུ་ཏ་སྶ ས་ངྑ་ཏ་སྶ པ་ཊི་ཙྩ་ས་མུ་པྤ་ནྣ་དྷ་མྨ་ཛཱ་ཏ་སྶ ནི་རོ་དྷོ ནི་སྶ་ར་ཎ་ནྟི, ཨེ་ཝཾ ཨི་མི་ནཱ པ་ཀཱ་རེ་ན ཝུ་ཏྟ་སྶ ཏ་སྶ ནི་སྶ་ར་ཎ་ནཱ་མ་ཀ་སྶ ཨ་བྷཱ་ཝ་པྤ་ཏྟི་དོ་ས་ཏོ ནི་སྶ་ར་ཎ་ནཱ་མ་ཀཱ་ནཾ པ་ཋ་མ་ཛ྄ཛྷཱ་ན་ཨཱ་ཀཱ་སཱ་ན་ཉྩཱ་ཡ་ཏ་ནཱ་ན་མྤི ཨ་བྷཱ་ཝོ བྷ་ཝེ་ཡྻ. ཨ་ཏྠི ནི་སྶ་ར་ཎནྟི ཨ་ཏྠི ནི་བྦཱ་ནཾ. ཨུ་པྤཱ་དཱ་དཱི་ནནྟི ཨུ་པྤཱ་ད་ཊྛི་ཏི་བྷ་ངྒཱ་ནཾ. པ་པ་ཉྩཱ་བྷཱ་ཝ་ཏོཏི ཏ་ཎྷཱ་མཱ་ན་དི་ཊྛཱི་ནཾ ཨ་བྷཱ་ཝ་ཏོ.

༧༧༢. ཨ་པ་ལོ་ཀི་ཏནྟི ཨ་ད་སྶ་ན་དྷ་མྨཾ.

༧༧༤. ཨ་བྱཱ་པ་ཛ྄ཛྷནྟི ནི་དུ་ཀྑཾ. ཨ་ཀྑ་རནྟི ཨ་ཁ་རཾ.

༧༧༧. ས་དྡྷཱ་བུ་དྡྷི་ཀ་རཾ ཏ་ཐཱ་ག་ཏ་མ་ཏེ ཛི་ན་ཝ་ཙ་ནེ ས་མྨོ་ཧ་ཝི་དྡྷཾ་ས་ནཾ པ་ཉྙཱ་ས་མྦྷ་ཝཾ པ་ཉྙཱ་ཀཱ་ར་ཎཾ ས་མྤ་སཱ་ད་ན་ཀ་རཾ. ཨ་ཏྠ་བྱ་ཉྫ་ན་སཱ་ལི་ནནྟི ཨ་ཏྠ་བྱ་ཉྫ་ན་སཱ་ར་ཝ་ནྟཾ སུ་མ་དྷུ་རཾ སཱ་ར་ཉྙུ ཛི་ན་སཱ་ས་ན་སཱ་ར་ཉྙཱུ ཝི་མྷཱ་པ་ནཾ ཨ་ཙྪེ་ར་ཀ་རཾ ཨི་མཾ ཨེ་ཝཾ ཝུ་ཏྟ་པྤ་ཀཱ་རཾ ཨ་བྷི་དྷ་མྨཱ་ཝ་ཏཱ་རཾ ཡོ ཛཱ་ནཱ་ཏི, སོ ཛ་ནོ ག་མྦྷཱི་རེ ནི་པུ་ཎེ ནི་པུ་ཎ་ཉཱ་ཎ་གོ་ཙ་རེ ཨ་བྷི་དྷ་མྨ་པི་ཊ་ཀེ པ་དཾ ནི་ཊྛཾ ཨུ་ཏྟ་མ་ས་ནྣི་ཊྛཱ་ནཾ ཡཱ་ཏི པཱ་པུ་ཎཱ་ཏི.

ཨི་ཏི ཨ་བྷི་དྷ་མྨཱ་ཝ་ཏཱ་ར་ཊཱི་ཀཱ་ཡ

ནི་བྦཱ་ན་ནི་དྡེ་ས་ཝ་ཎྞ་ནཱ ནི་ཊྛི་ཏཱ.

ཨེ་ཀཱ་ད་ས་མོ པ་རི་ཙྪེ་དོ.