༡. ཀ་ལྱཱ་ཎ་མི་ཏྟ་སུ་ཏྟཾ

༧༠. སཱ་ཝ་ཏྠི་ནི་དཱ་ནཾ. ‘‘ཨེ་ཀ་དྷ་མྨོ, བྷི་ཀྑ་ཝེ, བ་ཧཱུ་པ་ཀཱ་རོ ཨ་རི་ཡ་སྶ ཨ་ཊྛ་ངྒི་ཀ་སྶ མ་གྒ་སྶ ཨུ་པྤཱ་དཱ་ཡ. ཀ་ཏ་མོ ཨེ་ཀ་དྷ་མྨོ? ཡ་དི་དཾ – ཀ་ལྱཱ་ཎ་མི་ཏྟ་ཏཱ. ཀ་ལྱཱ་ཎ་མི་ཏྟ་སྶེ་ཏཾ, བྷི་ཀྑ་ཝེ, བྷི་ཀྑུ་ནོ པཱ་ཊི་ཀ་ངྑཾ – ཨ་རི་ཡཾ ཨ་ཊྛ་ངྒི་ཀཾ མ་གྒཾ བྷཱ་ཝེ་སྶ་ཏི, ཨ་རི་ཡཾ ཨ་ཊྛ་ངྒི་ཀཾ མ་གྒཾ བ་ཧུ་ལཱི་ཀ་རི་སྶ་ཏི. ཀ་ཐ་ཉྩ, བྷི་ཀྑ་ཝེ, བྷི་ཀྑུ ཀ་ལྱཱ་ཎ་མི་ཏྟོ ཨ་རི་ཡཾ ཨ་ཊྛ་ངྒི་ཀཾ མ་གྒཾ བྷཱ་ཝེ་ཏི, ཨ་རི་ཡཾ ཨ་ཊྛ་ངྒི་ཀཾ མ་གྒཾ བ་ཧུ་ལཱི་ཀ་རོ་ཏི? ཨི་དྷ, བྷི་ཀྑ་ཝེ, བྷི་ཀྑུ ས་མྨཱ་དི་ཊྛིཾ བྷཱ་ཝེ་ཏི རཱ་ག་ཝི་ན་ཡ་པ་རི་ཡོ་སཱ་ནཾ དོ་ས་ཝི་ན་ཡ་པ་རི་ཡོ་སཱ་ནཾ མོ་ཧ་ཝི་ན་ཡ་པ་རི་ཡོ་སཱ་ནཾ…པེ… ས་མྨཱ་ས་མཱ་དྷིཾ བྷཱ་ཝེ་ཏི རཱ་ག་ཝི་ན་ཡ་པ་རི་ཡོ་སཱ་ནཾ དོ་ས་ཝི་ན་ཡ་པ་རི་ཡོ་སཱ་ནཾ མོ་ཧ་ཝི་ན་ཡ་པ་རི་ཡོ་སཱ་ནཾ. ཨེ་ཝཾ ཁོ, བྷི་ཀྑ་ཝེ, བྷི་ཀྑུ ཀ་ལྱཱ་ཎ་མི་ཏྟོ ཨ་རི་ཡཾ ཨ་ཊྛ་ངྒི་ཀཾ མ་གྒཾ བྷཱ་ཝེ་ཏི, ཨ་རི་ཡཾ ཨ་ཊྛ་ངྒི་ཀཾ མ་གྒཾ བ་ཧུ་ལཱི་ཀ་རོ་ཏཱི’’ཏི. པ་ཋ་མཾ.