༣. ཝི་ར་དྡྷ་སུ་ཏྟཾ

༣༣. སཱ་ཝ་ཏྠི་ནི་དཱ་ནཾ. ‘‘ཡེ་སཾ ཀེ་ས་ཉྩི, བྷི་ཀྑ་ཝེ, ཨ་རི་ཡོ ཨ་ཊྛ་ངྒི་ཀོ མ་གྒོ ཝི་ར་དྡྷོ, ཝི་ར་དྡྷོ ཏེ་སཾ ཨ་རི་ཡོ ཨ་ཊྛ་ངྒི་ཀོ མ་གྒོ ས་མྨཱ དུ་ཀྑ་ཀྑ་ཡ་གཱ་མཱི. ཡེ་སཾ ཀེ་ས་ཉྩི, བྷི་ཀྑ་ཝེ, ཨ་རི་ཡོ ཨ་ཊྛ་ངྒི་ཀོ མ་གྒོ ཨཱ་ར་དྡྷོ, ཨཱ་ར་དྡྷོ ཏེ་སཾ ཨ་རི་ཡོ ཨ་ཊྛ་ངྒི་ཀོ མ་གྒོ ས་མྨཱ དུ་ཀྑ་ཀྑ་ཡ་གཱ་མཱི. ཀ་ཏ་མོ ཙ, བྷི་ཀྑ་ཝེ, ཨ་རི་ཡོ ཨ་ཊྛ་ངྒི་ཀོ མ་གྒོ? སེ་ཡྻ་ཐི་དཾ – ས་མྨཱ་དི་ཊྛི…པེ… ས་མྨཱ་ས་མཱ་དྷི. ཡེ་སཾ ཀེ་ས་ཉྩི, བྷི་ཀྑ་ཝེ, ཨ་ཡཾ ཨ་རི་ཡོ ཨ་ཊྛ་ངྒི་ཀོ མ་གྒོ ཝི་ར་དྡྷོ, ཝི་ར་དྡྷོ ཏེ་སཾ ཨ་རི་ཡོ ཨ་ཊྛ་ངྒི་ཀོ མ་གྒོ ས་མྨཱ དུ་ཀྑ་ཀྑ་ཡ་གཱ་མཱི. ཡེ་སཾ ཀེ་ས་ཉྩི, བྷི་ཀྑ་ཝེ, ཨ་ཡཾ ཨ་རི་ཡོ ཨ་ཊྛ་ངྒི་ཀོ མ་གྒོ ཨཱ་ར་དྡྷོ, ཨཱ་ར་དྡྷོ ཏེ་སཾ ཨ་རི་ཡོ ཨ་ཊྛ་ངྒི་ཀོ མ་གྒོ ས་མྨཱ དུ་ཀྑ་ཀྑ་ཡ་གཱ་མཱི’’ཏི. ཏ་ཏི་ཡཾ.