༡༠. དུ་ཏི་ཡ་བྲ་ཧྨ་ཙ་རི་ཡ་སུ་ཏྟཾ

༤༠. སཱ་ཝ་ཏྠི་ནི་དཱ་ནཾ. ‘‘བྲ་ཧྨ་ཙ་རི་ཡ་ཉྩ ཝོ, བྷི་ཀྑ་ཝེ, དེ་སེ་སྶཱ་མི, བྲ་ཧྨ་ཙ་རི་ཡ་ཏྠ་ཉྩ. ཏཾ སུ་ཎཱ་ཐ. ཀ་ཏ་མ་ཉྩ, བྷི་ཀྑ་ཝེ, བྲ་ཧྨ་ཙ་རི་ཡཾ? ཨ་ཡ་མེ་ཝ ཨ་རི་ཡོ ཨ་ཊྛ་ངྒི་ཀོ མ་གྒོ, སེ་ཡྻ་ཐི་དཾ – ས་མྨཱ་དི་ཊྛི…པེ… ས་མྨཱ་ས་མཱ་དྷི. ཨི་དཾ ཝུ་ཙྩ་ཏི, བྷི་ཀྑ་ཝེ, བྲ་ཧྨ་ཙ་རི་ཡཾ. ཀ་ཏ་མོ ཙ, བྷི་ཀྑ་ཝེ, བྲ་ཧྨ་ཙ་རི་ཡ་ཏྠོ? ཡོ ཁོ, བྷི་ཀྑ་ཝེ, རཱ་ག་ཀྑ་ཡོ དོ་ས་ཀྑ་ཡོ མོ་ཧ་ཀྑ་ཡོ – ཨ་ཡཾ ཝུ་ཙྩ་ཏི, བྷི་ཀྑ་ཝེ, བྲ་ཧྨ་ཙ་རི་ཡ་ཏྠོ’’ཏི. ད་ས་མཾ.

པ་ཊི་པ་ཏྟི་ཝ་གྒོ ཙ་ཏུ་ཏྠོ.

ཏ་སྶུ་དྡཱ་ནཾ –

པ་ཊི་པ་ཏྟི པ་ཊི་པ་ནྣོ ཙ, ཝི་ར་དྡྷ་ཉྩ པཱ་རཾ་ག་མཱ;

སཱ་མ་ཉྙེ་ན ཙ དྭེ ཝུ་ཏྟཱ, བྲ་ཧྨ་ཉྙཱ ཨ་པ་རེ དུ་ཝེ;

བྲ་ཧྨ་ཙ་རི་ཡེ་ན དྭེ ཝུ་ཏྟཱ, ཝ་གྒོ ཏེ་ན པ་ཝུ་ཙྩ་ཏཱི་ཏི.