༧. ཨེ་ས་ནཱ་ཝ་གྒོ

༡. ཨེ་ས་ནཱ་སུ་ཏྟཾ

༡༦༡. སཱ་ཝ་ཏྠི་ནི་དཱ་ནཾ. ‘‘ཏི་སྶོ ཨི་མཱ, བྷི་ཀྑ་ཝེ, ཨེ་ས་ནཱ. ཀ་ཏ་མཱ ཏི་སྶོ? ཀཱ་མེ་ས་ནཱ, བྷ་ཝེ་ས་ནཱ, བྲ་ཧྨ་ཙ་རི་ཡེ་ས་ནཱ – ཨི་མཱ ཁོ, བྷི་ཀྑ་ཝེ, ཏི་སྶོ ཨེ་ས་ནཱ. ཨི་མཱ་སཾ ཁོ, བྷི་ཀྑ་ཝེ, ཏི་སྶ་ནྣཾ ཨེ་ས་ནཱ་ནཾ ཨ་བྷི་ཉྙཱ་ཡ ཨ་རི་ཡོ ཨ་ཊྛ་ངྒི་ཀོ མ་གྒོ བྷཱ་ཝེ་ཏ་བྦོ. ཀ་ཏ་མོ ཨ་རི་ཡོ ཨ་ཊྛ་ངྒི་ཀོ མ་གྒོ? ཨི་དྷ, བྷི་ཀྑ་ཝེ, བྷི་ཀྑུ ས་མྨཱ་དི་ཊྛིཾ བྷཱ་ཝེ་ཏི ཝི་ཝེ་ཀ་ནི་སྶི་ཏཾ…པེ… ས་མྨཱ་ས་མཱ་དྷིཾ བྷཱ་ཝེ་ཏི ཝི་ཝེ་ཀ་ནི་སྶི་ཏཾ ཝི་རཱ་ག་ནི་སྶི་ཏཾ ནི་རོ་དྷ་ནི་སྶི་ཏཾ ཝོ་སྶ་གྒ་པ་རི་ཎཱ་མིཾ. ཨི་མཱ་སཾ ཁོ, བྷི་ཀྑ་ཝེ, ཏི་སྶ་ནྣཾ ཨེ་ས་ནཱ་ནཾ ཨ་བྷི་ཉྙཱ་ཡ ཨ་ཡཾ ཨ་རི་ཡོ ཨ་ཊྛ་ངྒི་ཀོ མ་གྒོ བྷཱ་ཝེ་ཏ་བྦོ’’ཏི.

‘‘ཏི་སྶོ ཨི་མཱ ཁོ, བྷི་ཀྑ་ཝེ, ཨེ་ས་ནཱ. ཀ་ཏ་མཱ ཏི་སྶོ? ཀཱ་མེ་ས་ནཱ, བྷ་ཝེ་ས་ནཱ, བྲ་ཧྨ་ཙ་རི་ཡེ་ས་ནཱ – ཨི་མཱ ཁོ, བྷི་ཀྑ་ཝེ, ཏི་སྶོ ཨེ་ས་ནཱ. ཨི་མཱ་སཾ ཁོ, བྷི་ཀྑ་ཝེ, ཏི་སྶ་ནྣཾ ཨེ་ས་ནཱ་ནཾ ཨ་བྷི་ཉྙཱ་ཡ ཨ་རི་ཡོ ཨ་ཊྛ་ངྒི་ཀོ མ་གྒོ བྷཱ་ཝེ་ཏ་བྦོ. ཀ་ཏ་མོ ཨ་རི་ཡོ ཨ་ཊྛ་ངྒི་ཀོ མ་གྒོ? ཨི་དྷ, བྷི་ཀྑ་ཝེ, བྷི་ཀྑུ ས་མྨཱ་དི་ཊྛིཾ བྷཱ་ཝེ་ཏི…པེ… ས་མྨཱ་ས་མཱ་དྷིཾ བྷཱ་ཝེ་ཏི རཱ་ག་ཝི་ན་ཡ་པ་རི་ཡོ་སཱ་ནཾ དོ་ས་ཝི་ན་ཡ་པ་རི་ཡོ་སཱ་ནཾ མོ་ཧ་ཝི་ན་ཡ་པ་རི་ཡོ་སཱ་ནཾ. ཨི་མཱ་སཾ ཁོ, བྷི་ཀྑ་ཝེ, ཏི་སྶ་ནྣཾ ཨེ་ས་ནཱ་ནཾ ཨ་བྷི་ཉྙཱ་ཡ ཨ་ཡཾ ཨ་རི་ཡོ ཨ་ཊྛ་ངྒི་ཀོ མ་གྒོ བྷཱ་ཝེ་ཏ་བྦོ’’ཏི.

‘‘ཏི་སྶོ ཨི་མཱ ཁོ, བྷི་ཀྑ་ཝེ, ཨེ་ས་ནཱ. ཀ་ཏ་མཱ ཏི་སྶོ? ཀཱ་མེ་ས་ནཱ, བྷ་ཝེ་ས་ནཱ, བྲ་ཧྨ་ཙ་རི་ཡེ་ས་ནཱ – ཨི་མཱ ཁོ, བྷི་ཀྑ་ཝེ, ཏི་སྶོ ཨེ་ས་ནཱ. ཨི་མཱ་སཾ ཁོ, བྷི་ཀྑ་ཝེ, ཏི་སྶ་ནྣཾ ཨེ་ས་ནཱ་ནཾ ཨ་བྷི་ཉྙཱ་ཡ ཨ་རི་ཡོ ཨ་ཊྛ་ངྒི་ཀོ མ་གྒོ བྷཱ་ཝེ་ཏ་བྦོ. ཀ་ཏ་མོ ཨ་རི་ཡོ ཨ་ཊྛ་ངྒི་ཀོ མ་གྒོ? ཨི་དྷ, བྷི་ཀྑ་ཝེ, བྷི་ཀྑུ ས་མྨཱ་དི་ཊྛིཾ བྷཱ་ཝེ་ཏི…པེ… ས་མྨཱ་ས་མཱ་དྷིཾ བྷཱ་ཝེ་ཏི ཨ་མ་ཏོ་ག་དྷཾ ཨ་མ་ཏ་པ་རཱ་ཡ་ནཾ ཨ་མ་ཏ་པ་རི་ཡོ་སཱ་ནཾ. ཨི་མཱ་སཾ ཁོ, བྷི་ཀྑ་ཝེ, ཏི་སྶ་ནྣཾ ཨེ་ས་ནཱ་ནཾ ཨ་བྷི་ཉྙཱ་ཡ ཨ་ཡཾ ཨ་རི་ཡོ ཨ་ཊྛ་ངྒི་ཀོ མ་གྒོ བྷཱ་ཝེ་ཏ་བྦོ’’ཏི.

‘‘ཏི་སྶོ ཨི་མཱ ཁོ, བྷི་ཀྑ་ཝེ, ཨེ་ས་ནཱ. ཀ་ཏ་མཱ ཏི་སྶོ? ཀཱ་མེ་ས་ནཱ, བྷ་ཝེ་ས་ནཱ, བྲ་ཧྨ་ཙ་རི་ཡེ་ས་ནཱ – ཨི་མཱ ཁོ, བྷི་ཀྑ་ཝེ, ཏི་སྶོ ཨེ་ས་ནཱ. ཨི་མཱ་སཾ ཁོ, བྷི་ཀྑ་ཝེ, ཏི་སྶ་ནྣཾ ཨེ་ས་ནཱ་ནཾ ཨ་བྷི་ཉྙཱ་ཡ ཨ་རི་ཡོ ཨ་ཊྛ་ངྒི་ཀོ མ་གྒོ བྷཱ་ཝེ་ཏ་བྦོ. ཀ་ཏ་མོ ཨ་རི་ཡོ ཨ་ཊྛ་ངྒི་ཀོ མ་གྒོ? ཨི་དྷ, བྷི་ཀྑ་ཝེ, བྷི་ཀྑུ ས་མྨཱ་དི་ཊྛིཾ བྷཱ་ཝེ་ཏི…པེ… ས་མྨཱ་ས་མཱ་དྷིཾ བྷཱ་ཝེ་ཏི ནི་བྦཱ་ན་ནི་ནྣཾ ནི་བྦཱ་ན་པོ་ཎཾ ནི་བྦཱ་ན་པ་བྦྷཱ་རཾ. ཨི་མཱ་སཾ ཁོ, བྷི་ཀྑ་ཝེ, ཏི་སྶ་ནྣཾ ཨེ་ས་ནཱ་ནཾ ཨ་བྷི་ཉྙཱ་ཡ ཨ་ཡཾ ཨ་རི་ཡོ ཨ་ཊྛ་ངྒི་ཀོ མ་གྒོ བྷཱ་ཝེ་ཏ་བྦོ’’ཏི.

‘‘ཏི་སྶོ ཨི་མཱ, བྷི་ཀྑ་ཝེ, ཨེ་ས་ནཱ. ཀ་ཏ་མཱ ཏི་སྶོ? ཀཱ་མེ་ས་ནཱ, བྷ་ཝེ་ས་ནཱ, བྲ་ཧྨ་ཙ་རི་ཡེ་ས་ནཱ – ཨི་མཱ ཁོ, བྷི་ཀྑ་ཝེ, ཏི་སྶོ ཨེ་ས་ནཱ. ཨི་མཱ་སཾ ཁོ, བྷི་ཀྑ་ཝེ, ཏི་སྶ་ནྣཾ ཨེ་ས་ནཱ་ནཾ པ་ཧཱ་ནཱ་ཡ ཨ་རི་ཡོ ཨ་ཊྛ་ངྒི་ཀོ མ་གྒོ བྷཱ་ཝེ་ཏ་བྦོ. ཀ་ཏ་མོ ཨ་རི་ཡོ ཨ་ཊྛ་ངྒི་ཀོ མ་གྒོ? ཨི་དྷ, བྷི་ཀྑ་ཝེ, བྷི་ཀྑུ ས་མྨཱ་དི་ཊྛིཾ བྷཱ་ཝེ་ཏི…པེ… ས་མྨཱ་ས་མཱ་དྷིཾ བྷཱ་ཝེ་ཏི ཝི་ཝེ་ཀ་ནི་སྶི་ཏཾ ཝི་རཱ་ག་ནི་སྶི་ཏཾ ནི་རོ་དྷ་ནི་སྶི་ཏཾ ཝོ་སྶ་གྒ་པ་རི་ཎཱ་མིཾ…པེ… ཨི་མཱ་སཾ ཁོ, བྷི་ཀྑ་ཝེ, ཏི་སྶ་ནྣཾ ཨེ་ས་ནཱ་ནཾ པ་ཧཱ་ནཱ་ཡ ཨ་ཡཾ ཨ་རི་ཡོ ཨ་ཊྛ་ངྒི་ཀོ མ་གྒོ བྷཱ་ཝེ་ཏ་བྦོ’’ཏི. (ཡ་ད་པི ཨ་བྷི་ཉྙཱ, ཏ་ད་པི པ་ཧཱ་ནཱ་ཡ ཝི་ཏྠཱ་རེ་ཏ་བྦཾ.) པ་ཋ་མཾ.

༢. ཝི་དྷཱ་སུ་ཏྟཾ

༡༦༢. ‘‘ཏི་སྶོ ཨི་མཱ, བྷི་ཀྑ་ཝེ, ཝི་དྷཱ. ཀ་ཏ་མཱ ཏི་སྶོ? ‘སེ་ཡྻོ་ཧ་མ་སྨཱི’ཏི ཝི་དྷཱ, ‘ས་དི་སོ་ཧ་མ་སྨཱི’ཏི ཝི་དྷཱ, ‘ཧཱི་ནོ་ཧ་མ་སྨཱི’ཏི ཝི་དྷཱ – ཨི་མཱ ཁོ, བྷི་ཀྑ་ཝེ, ཏི་སྶོ ཝི་དྷཱ. ཨི་མཱ་སཾ ཁོ, བྷི་ཀྑ་ཝེ, ཏི་སྶ་ནྣཾ ཝི་དྷཱ་ནཾ ཨ་བྷི་ཉྙཱ་ཡ པ་རི་ཉྙཱ་ཡ པ་རི་ཀྑ་ཡཱ་ཡ པ་ཧཱ་ནཱ་ཡ ཨ་རི་ཡོ ཨ་ཊྛ་ངྒི་ཀོ མ་གྒོ བྷཱ་ཝེ་ཏ་བྦོ. ཀ་ཏ་མོ ཨ་རི་ཡོ ཨ་ཊྛ་ངྒི་ཀོ མ་གྒོ? ཨི་དྷ, བྷི་ཀྑ་ཝེ, བྷི་ཀྑུ ས་མྨཱ་དི་ཊྛིཾ བྷཱ་ཝེ་ཏི…པེ… ས་མྨཱ་ས་མཱ་དྷིཾ བྷཱ་ཝེ་ཏི ཝི་ཝེ་ཀ་ནི་སྶི་ཏཾ ཝི་རཱ་ག་ནི་སྶི་ཏཾ ནི་རོ་དྷ་ནི་སྶི་ཏཾ ཝོ་སྶ་གྒ་པ་རི་ཎཱ་མིཾ…པེ… ཨི་མཱ་སཾ ཁོ, བྷི་ཀྑ་ཝེ ཏི་སྶ་ནྣཾ ཝི་དྷཱ་ནཾ ཨ་བྷི་ཉྙཱ་ཡ པ་རི་ཉྙཱ་ཡ པ་རི་ཀྑ་ཡཱ་ཡ པ་ཧཱ་ནཱ་ཡ ཨ་ཡཾ ཨ་རི་ཡོ ཨ་ཊྛ་ངྒི་ཀོ མ་གྒོ བྷཱ་ཝེ་ཏ་བྦོ’’ཏི. (ཡ་ཐཱ ཨེ་ས་ནཱ, ཨེ་ཝཾ ཝི་ཏྠཱ་རེ་ཏ་བྦཾ). དུ་ཏི་ཡཾ.

༣. ཨཱ་ས་ཝ་སུ་ཏྟཾ

༡༦༣. ‘‘ཏ་ཡོ་མེ, བྷི་ཀྑ་ཝེ, ཨཱ་ས་ཝཱ. ཀ་ཏ་མེ ཏ་ཡོ? ཀཱ་མཱ་ས་ཝོ, བྷ་ཝཱ་ས་ཝོ, ཨ་ཝི་ཛྫཱ་ས་ཝོ – ཨི་མེ ཁོ, བྷི་ཀྑ་ཝེ, ཏ་ཡོ ཨཱ་ས་ཝཱ. ཨི་མེ་སཾ ཁོ, བྷི་ཀྑ་ཝེ, ཏི་ཎྞ་ནྣཾ ཨཱ་ས་ཝཱ་ནཾ ཨ་བྷི་ཉྙཱ་ཡ པ་རི་ཉྙཱ་ཡ པ་རི་ཀྑ་ཡཱ་ཡ པ་ཧཱ་ནཱ་ཡ…པེ… ཨ་ཡཾ ཨ་རི་ཡོ ཨ་ཊྛ་ངྒི་ཀོ མ་གྒོ བྷཱ་ཝེ་ཏ་བྦོ’’ཏི. ཏ་ཏི་ཡཾ.

༤. བྷ་ཝ་སུ་ཏྟཾ

༡༦༤. ‘‘ཏ་ཡོ་མེ, བྷི་ཀྑ་ཝེ, བྷ་ཝཱ. ཀ་ཏ་མེ ཏ་ཡོ? ཀཱ་མ་བྷ་ཝོ, རཱུ་པ་བྷ་ཝོ, ཨ་རཱུ་པ་བྷ་ཝོ – ཨི་མེ ཁོ, བྷི་ཀྑ་ཝེ, ཏ་ཡོ བྷ་ཝཱ. ཨི་མེ་སཾ ཁོ, བྷི་ཀྑ་ཝེ, ཏི་ཎྞ་ནྣཾ བྷ་ཝཱ་ནཾ ཨ་བྷི་ཉྙཱ་ཡ པ་རི་ཉྙཱ་ཡ པ་རི་ཀྑ་ཡཱ་ཡ པ་ཧཱ་ནཱ་ཡ…པེ… ཨ་ཡཾ ཨ་རི་ཡོ ཨ་ཊྛ་ངྒི་ཀོ མ་གྒོ བྷཱ་ཝེ་ཏ་བྦོ’’ཏི. ཙ་ཏུ་ཏྠཾ.

༥. དུ་ཀྑ་ཏཱ་སུ་ཏྟཾ

༡༦༥. ‘‘ཏི་སྶོ ཨི་མཱ, བྷི་ཀྑ་ཝེ, དུ་ཀྑ་ཏཱ. ཀ་ཏ་མཱ ཏི་སྶོ? དུ་ཀྑ་དུ་ཀྑ་ཏཱ, ས་ངྑཱ་ར་དུ་ཀྑ་ཏཱ, ཝི་པ་རི་ཎཱ་མ་དུ་ཀྑ་ཏཱ – ཨི་མཱ ཁོ, བྷི་ཀྑ་ཝེ, ཏི་སྶོ དུ་ཀྑ་ཏཱ. ཨི་མཱ་སཾ ཁོ, བྷི་ཀྑ་ཝེ, ཏི་སྶ་ནྣཾ དུ་ཀྑ་ཏཱ་ནཾ ཨ་བྷི་ཉྙཱ་ཡ པ་རི་ཉྙཱ་ཡ པ་རི་ཀྑ་ཡཱ་ཡ པ་ཧཱ་ནཱ་ཡ…པེ… ཨ་ཊྛ་ངྒི་ཀོ མ་གྒོ བྷཱ་ཝེ་ཏ་བྦོ’’ཏི. པ་ཉྩ་མཾ.

༦. ཁི་ལ་སུ་ཏྟཾ

༡༦༦. ‘‘ཏ་ཡོ་མེ, བྷི་ཀྑ་ཝེ, ཁི་ལཱ. ཀ་ཏ་མེ ཏ་ཡོ? རཱ་གོ ཁི་ལོ, དོ་སོ ཁི་ལོ, མོ་ཧོ ཁི་ལོ – ཨི་མེ ཁོ, བྷི་ཀྑ་ཝེ, ཏ་ཡོ ཁི་ལཱ. ཨི་མེ་སཾ ཁོ, བྷི་ཀྑ་ཝེ, ཏི་ཎྞ་ནྣཾ ཁི་ལཱ་ནཾ ཨ་བྷི་ཉྙཱ་ཡ པ་རི་ཉྙཱ་ཡ པ་རི་ཀྑ་ཡཱ་ཡ པ་ཧཱ་ནཱ་ཡ…པེ… ཨ་ཡཾ ཨ་རི་ཡོ ཨ་ཊྛ་ངྒི་ཀོ མ་གྒོ བྷཱ་ཝེ་ཏ་བྦོ’’ཏི. ཚ་ཊྛཾ.

༧. མ་ལ་སུ་ཏྟཾ

༡༦༧. ‘‘ཏཱི་ཎི་མཱ་ནི, བྷི་ཀྑ་ཝེ, མ་ལཱ་ནི. ཀ་ཏ་མཱ་ནི ཏཱི་ཎི? རཱ་གོ མ་ལཾ, དོ་སོ མ་ལཾ, མོ་ཧོ མ་ལཾ – ཨི་མཱ་ནི ཁོ, བྷི་ཀྑ་ཝེ, ཏཱི་ཎི མ་ལཱ་ནི. ཨི་མེ་སཾ ཁོ, བྷི་ཀྑ་ཝེ, ཏི་ཎྞ་ནྣཾ མ་ལཱ་ནཾ ཨ་བྷི་ཉྙཱ་ཡ པ་རི་ཉྙཱ་ཡ པ་རི་ཀྑ་ཡཱ་ཡ པ་ཧཱ་ནཱ་ཡ…པེ… ཨ་ཡཾ ཨ་རི་ཡོ ཨ་ཊྛ་ངྒི་ཀོ མ་གྒོ བྷཱ་ཝེ་ཏ་བྦོ’’ཏི. ས་ཏྟ་མཾ.

༨. ནཱི་གྷ་སུ་ཏྟཾ

༡༦༨. ‘‘ཏ་ཡོ་མེ, བྷི་ཀྑ་ཝེ, ནཱི་གྷཱ. ཀ་ཏ་མེ ཏ་ཡོ? རཱ་གོ ནཱི་གྷོ, དོ་སོ ནཱི་གྷོ, མོ་ཧོ ནཱི་གྷོ – ཨི་མེ ཁོ, བྷི་ཀྑ་ཝེ, ཏ་ཡོ ནཱི་གྷཱ. ཨི་མེ་སཾ ཁོ, བྷི་ཀྑ་ཝེ, ཏི་ཎྞ་ནྣཾ ནཱི་གྷཱ་ནཾ ཨ་བྷི་ཉྙཱ་ཡ པ་རི་ཉྙཱ་ཡ པ་རི་ཀྑ་ཡཱ་ཡ པ་ཧཱ་ནཱ་ཡ…པེ… ཨ་ཡཾ ཨ་རི་ཡོ ཨ་ཊྛ་ངྒི་ཀོ མ་གྒོ བྷཱ་ཝེ་ཏ་བྦོ’’ཏི. ཨ་ཊྛ་མཾ.

༩. ཝེ་ད་ནཱ་སུ་ཏྟཾ

༡༦༩. ‘‘ཏི་སྶོ ཨི་མཱ, བྷི་ཀྑ་ཝེ, ཝེ་ད་ནཱ. ཀ་ཏ་མཱ ཏི་སྶོ? སུ་ཁཱ ཝེ་ད་ནཱ, དུ་ཀྑཱ ཝེ་ད་ནཱ, ཨ་དུ་ཀྑ་མ་སུ་ཁཱ ཝེ་ད་ནཱ – ཨི་མཱ ཁོ, བྷི་ཀྑ་ཝེ, ཏི་སྶོ ཝེ་ད་ནཱ. ཨི་མཱ་སཾ ཁོ, བྷི་ཀྑ་ཝེ, ཏི་སྶ་ནྣཾ ཝེ་ད་ནཱ་ནཾ ཨ་བྷི་ཉྙཱ་ཡ པ་རི་ཉྙཱ་ཡ པ་རི་ཀྑ་ཡཱ་ཡ པ་ཧཱ་ནཱ་ཡ…པེ… ཨ་ཡཾ ཨ་རི་ཡོ ཨ་ཊྛ་ངྒི་ཀོ མ་གྒོ བྷཱ་ཝེ་ཏ་བྦོ’’ཏི. ན་ཝ་མཾ.

༡༠. ཏ་ཎྷཱ་སུ་ཏྟཾ

༡༧༠. ‘‘ཏི་སྶོ ཨི་མཱ, བྷི་ཀྑ་ཝེ, ཏ་ཎྷཱ. ཀ་ཏ་མཱ ཏི་སྶོ? ཀཱ་མ་ཏ་ཎྷཱ, བྷ་ཝ་ཏ་ཎྷཱ, ཝི་བྷ་ཝ་ཏ་ཎྷཱ – ཨི་མཱ ཁོ, བྷི་ཀྑ་ཝེ, ཏི་སྶོ ཏ་ཎྷཱ. ཨི་མཱ་སཾ ཁོ, བྷི་ཀྑ་ཝེ, ཏི་སྶ་ནྣཾ ཏ་ཎྷཱ་ནཾ ཨ་བྷི་ཉྙཱ་ཡ པ་རི་ཉྙཱ་ཡ པ་རི་ཀྑ་ཡཱ་ཡ པ་ཧཱ་ནཱ་ཡ…པེ… ཨ་ཡཾ ཨ་རི་ཡོ ཨ་ཊྛ་ངྒི་ཀོ མ་གྒོ བྷཱ་ཝེ་ཏ་བྦོ. ཀ་ཏ་མོ ཨ་རི་ཡོ ཨ་ཊྛ་ངྒི་ཀོ མ་གྒོ? ཨི་དྷ, བྷི་ཀྑ་ཝེ, བྷི་ཀྑུ ས་མྨཱ་དི་ཊྛིཾ བྷཱ་ཝེ་ཏི ཝི་ཝེ་ཀ་ནི་སྶི་ཏཾ ཝི་རཱ་ག་ནི་སྶི་ཏཾ ནི་རོ་དྷ་ནི་སྶི་ཏཾ ཝོ་སྶ་གྒ་པ་རི་ཎཱ་མིཾ…པེ… ས་མྨཱ་ས་མཱ་དྷིཾ བྷཱ་ཝེ་ཏི ཝི་ཝེ་ཀ་ནི་སྶི་ཏཾ ཝི་རཱ་ག་ནི་སྶི་ཏཾ ནི་རོ་དྷ་ནི་སྶི་ཏཾ ཝོ་སྶ་གྒ་པ་རི་ཎཱ་མིཾ. ཨི་མཱ་སཾ ཁོ, བྷི་ཀྑ་ཝེ, ཏི་སྶ་ནྣཾ ཏ་ཎྷཱ་ནཾ ཨ་བྷི་ཉྙཱ་ཡ པ་རི་ཉྙཱ་ཡ པ་རི་ཀྑ་ཡཱ་ཡ པ་ཧཱ་ནཱ་ཡ…པེ… ཨ་ཡཾ ཨ་རི་ཡོ ཨ་ཊྛ་ངྒི་ཀོ མ་གྒོ བྷཱ་ཝེ་ཏ་བྦོ’’ཏི. ད་ས་མཾ.

༡༡. ཏ་སི་ནཱ་སུ་ཏྟཾ

༡༧༡. ‘‘ཏི་སྶོ ཨི་མཱ, བྷི་ཀྑ་ཝེ, ཏ་སི་ནཱ. ཀ་ཏ་མཱ ཏི་སྶོ? ཀཱ་མ་ཏ་སི་ནཱ, བྷ་ཝ་ཏ་སི་ནཱ, ཝི་བྷ་ཝ་ཏ་སི་ནཱ. ཨི་མཱ་སཾ ཁོ, བྷི་ཀྑ་ཝེ, ཏི་སྶ་ནྣཾ ཏ་སི་ནཱ་ནཾ ཨ་བྷི་ཉྙཱ་ཡ པ་རི་ཉྙཱ་ཡ པ་རི་ཀྑ་ཡཱ་ཡ པ་ཧཱ་ནཱ་ཡ…པེ… རཱ་ག་ཝི་ན་ཡ་པ་རི་ཡོ་སཱ་ནཾ དོ་ས་ཝི་ན་ཡ་པ་རི་ཡོ་སཱ་ནཾ མོ་ཧ་ཝི་ན་ཡ་པ་རི་ཡོ་སཱ་ནཾ…པེ… ཨ་མ་ཏོ་ག་དྷཾ ཨ་མ་ཏ་པ་རཱ་ཡ་ནཾ ཨ་མ་ཏ་པ་རི་ཡོ་སཱ་ནཾ…པེ… ནི་བྦཱ་ན་ནི་ནྣཾ ནི་བྦཱ་ན་པོ་ཎཾ ནི་བྦཱ་ན་པ་བྦྷཱ་རཾ. ཨི་མཱ་སཾ ཁོ, བྷི་ཀྑ་ཝེ, ཏི་སྶ་ནྣཾ ཏ་སི་ནཱ་ནཾ ཨ་བྷི་ཉྙཱ་ཡ པ་རི་ཉྙཱ་ཡ པ་རི་ཀྑ་ཡཱ་ཡ པ་ཧཱ་ནཱ་ཡ…པེ… ཨ་ཡཾ ཨ་རི་ཡོ ཨ་ཊྛ་ངྒི་ཀོ མ་གྒོ བྷཱ་ཝེ་ཏ་བྦོ’’ཏི. ཨེ་ཀཱ་ད་ས་མཾ.

ཨེ་ས་ནཱ་ཝ་གྒོ ས་ཏྟ་མོ.

ཏ་སྶུ་དྡཱ་ནཾ –

ཨེ་ས་ནཱ ཝི་དྷཱ ཨཱ་ས་ཝོ, བྷ་ཝོ ཙ དུ་ཀྑ་ཏཱ ཁི་ལཱ;

མ་ལཾ ནཱི་གྷོ ཙ ཝེ་ད་ནཱ, དྭེ ཏ་ཎྷཱ ཏ་སི་ནཱ་ཡ ཙཱ་ཏི.