༡. ཨ་ས་ངྑ་ཏ་སུ་ཏྟཾ
༣༧༧. ‘‘ཨ་ས་ངྑ་ཏ་ཉྩ ཝོ, བྷི་ཀྑ་ཝེ, དེ་སེ་སྶཱ་མི ཨ་ས་ངྑ་ཏ་གཱ་མི་ཉྩ མ་གྒཾ. ཏཾ སུ་ཎཱ་ཐ. ཀ་ཏ་མ་ཉྩ, བྷི་ཀྑ་ཝེ, ཨ་ས་ངྑ་ཏཾ? ཡོ, བྷི་ཀྑ་ཝེ, རཱ་ག་ཀྑ་ཡོ དོ་ས་ཀྑ་ཡོ མོ་ཧ་ཀྑ་ཡོ – ཨི་དཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏཾ. ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ས་མ་ཐོ. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ. ཨི་ཏི ཁོ, བྷི་ཀྑ་ཝེ, དེ་སི་ཏཾ ཝོ མ་ཡཱ ཨ་ས་ངྑ་ཏཾ, དེ་སི་ཏོ ཨ་ས་ངྑ་ཏ་གཱ་མི་མ་གྒོ. ཡཾ, བྷི་ཀྑ་ཝེ, ས་ཏྠཱ་རཱ ཀ་ར་ཎཱི་ཡཾ སཱ་ཝ་ཀཱ་ནཾ ཧི་ཏེ་སི་ནཱ ཨ་ནུ་ཀ་མྤ་ཀེ་ན ཨ་ནུ་ཀ་མྤཾ ཨུ་པཱ་དཱ་ཡ, ཀ་ཏཾ ཝོ ཏཾ མ་ཡཱ. ཨེ་ཏཱ་ནི, བྷི་ཀྑ་ཝེ, རུ་ཀྑ་མཱུ་ལཱ་ནི, ཨེ་ཏཱ་ནི སུ་ཉྙཱ་གཱ་རཱ་ནི. ཛྷཱ་ཡ་ཐ, བྷི་ཀྑ་ཝེ, མཱ པ་མཱ་ད་ཏྠ; མཱ པ་ཙྪཱ ཝི་པྤ་ཊི་སཱ་རི་ནོ ཨ་ཧུ་ཝ་ཏྠ. ཨ་ཡཾ ཝོ ཨ་མྷཱ་ཀཾ ཨ་ནུ་སཱ་ས་ནཱི་ཏི.
‘‘ཨ་ས་ངྑ་ཏ་ཉྩ ཝོ, བྷི་ཀྑ་ཝེ, དེ་སེ་སྶཱ་མི ཨ་ས་ངྑ་ཏ་གཱ་མི་ཉྩ མ་གྒཾ. ཏཾ སུ་ཎཱ་ཐ. ཀ་ཏ་མ་ཉྩ, བྷི་ཀྑ་ཝེ, ཨ་ས་ངྑ་ཏཾ? ཡོ, བྷི་ཀྑ་ཝེ, རཱ་ག་ཀྑ་ཡོ དོ་ས་ཀྑ་ཡོ མོ་ཧ་ཀྑ་ཡོ – ཨི་དཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏཾ. ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ཝི་པ་སྶ་ནཱ. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ. ཨི་ཏི ཁོ, བྷི་ཀྑ་ཝེ, དེ་སི་ཏཾ ཝོ མ་ཡཱ ཨ་ས་ངྑ་ཏཾ…པེ… ཨ་ཡཾ ཝོ ཨ་མྷཱ་ཀཾ ཨ་ནུ་སཱ་ས་ནཱི་ཏི.
‘‘ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ས་ཝི་ཏ་ཀྐོ ས་ཝི་ཙཱ་རོ ས་མཱ་དྷི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ…པེ… ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ཨ་ཝི་ཏ་ཀྐོ ཝི་ཙཱ་ར་མ་ཏྟོ ས་མཱ་དྷི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ…པེ… ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ཨ་ཝི་ཏ་ཀྐོ ཨ་ཝི་ཙཱ་རོ ས་མཱ་དྷི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ…པེ….
‘‘ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? སུ་ཉྙ་ཏོ ས་མཱ་དྷི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ…པེ… ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ཨ་ནི་མི་ཏྟོ ས་མཱ་དྷི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ…པེ… ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ཨ་པྤ་ཎི་ཧི་ཏོ ས་མཱ་དྷི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ…པེ….
‘‘ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ཨི་དྷ, བྷི་ཀྑ་ཝེ, བྷི་ཀྑུ ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ…པེ… ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ཨི་དྷ, བྷི་ཀྑ་ཝེ, བྷི་ཀྑུ ཝེ་ད་ནཱ་སུ ཝེ་ད་ནཱ་ནུ་པ་སྶཱི ཝི་ཧ་ར་ཏི…པེ… ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ…པེ… ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ཨི་དྷ, བྷི་ཀྑ་ཝེ, བྷི་ཀྑུ ཙི་ཏྟེ ཙི་ཏྟཱ་ནུ་པ་སྶཱི…པེ… ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ…པེ… ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ཨི་དྷ, བྷི་ཀྑ་ཝེ, བྷི་ཀྑུ དྷ་མྨེ་སུ དྷ་མྨཱ་ནུ་པ་སྶཱི ཝི་ཧ་ར་ཏི…པེ… ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ…པེ….
‘‘ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ཨི་དྷ, བྷི་ཀྑ་ཝེ, བྷི་ཀྑུ ཨ་ནུ་པྤ་ནྣཱ་ནཾ པཱ་པ་ཀཱ་ནཾ ཨ་ཀུ་ས་ལཱ་ནཾ དྷ་མྨཱ་ནཾ ཨ་ནུ་པྤཱ་དཱ ཚ་ནྡཾ ཛ་ནེ་ཏི ཝཱ་ཡ་མ་ཏི ཝཱི་རི་ཡཾ ཨཱ་ར་བྷ་ཏི ཙི་ཏྟཾ པ་གྒ་ཎྷཱ་ཏི པ་ད་ཧ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ…པེ… ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ཨི་དྷ, བྷི་ཀྑ་ཝེ, བྷི་ཀྑུ ཨུ་པྤ་ནྣཱ་ནཾ པཱ་པ་ཀཱ་ནཾ ཨ་ཀུ་ས་ལཱ་ནཾ དྷ་མྨཱ་ནཾ པ་ཧཱ་ནཱ ཚ་ནྡཾ ཛ་ནེ་ཏི ཝཱ་ཡ་མ་ཏི ཝཱི་རི་ཡཾ ཨཱ་ར་བྷ་ཏི ཙི་ཏྟཾ པ་གྒ་ཎྷཱ་ཏི པ་ད་ཧ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ…པེ… ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ཨི་དྷ, བྷི་ཀྑ་ཝེ, བྷི་ཀྑུ ཨ་ནུ་པྤ་ནྣཱ་ནཾ ཀུ་ས་ལཱ་ནཾ དྷ་མྨཱ་ནཾ ཨུ་པྤཱ་དཱ ཚ་ནྡཾ ཛ་ནེ་ཏི ཝཱ་ཡ་མ་ཏི ཝཱི་རི་ཡཾ ཨཱ་ར་བྷ་ཏི ཙི་ཏྟཾ པ་གྒ་ཎྷཱ་ཏི པ་ད་ཧ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ…པེ… ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ཨི་དྷ, བྷི་ཀྑ་ཝེ, བྷི་ཀྑུ ཨུ་པྤ་ནྣཱ་ནཾ ཀུ་ས་ལཱ་ནཾ དྷ་མྨཱ་ནཾ ཋི་ཏི་ཡཱ ཨ་ས་མྨོ་སཱ་ཡ བྷི་ཡྻོ་བྷཱ་ཝཱ་ཡ ཝེ་པུ་ལླཱ་ཡ བྷཱ་ཝ་ནཱ་ཡ པཱ་རི་པཱུ་རི་ཡཱ ཚ་ནྡཾ ཛ་ནེ་ཏི ཝཱ་ཡ་མ་ཏི ཝཱི་རི་ཡཾ ཨཱ་ར་བྷ་ཏི ཙི་ཏྟཾ པ་གྒ་ཎྷཱ་ཏི པ་ད་ཧ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ…པེ….
‘‘ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ཨི་དྷ, བྷི་ཀྑ་ཝེ, བྷི་ཀྑུ ཚ་ནྡ་ས་མཱ་དྷི་པ་དྷཱ་ན་ས་ངྑཱ་ར་ས་མ་ནྣཱ་ག་ཏཾ ཨི་དྡྷི་པཱ་དཾ བྷཱ་ཝེ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ …པེ… ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ཨི་དྷ, བྷི་ཀྑ་ཝེ, བྷི་ཀྑུ ཝཱི་རི་ཡ་ས་མཱ་དྷི་པ་དྷཱ་ན་ས་ངྑཱ་ར་ས་མ་ནྣཱ་ག་ཏཾ ཨི་དྡྷི་པཱ་དཾ བྷཱ་ཝེ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ…པེ… ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ཨི་དྷ, བྷི་ཀྑ་ཝེ, བྷི་ཀྑུ ཙི་ཏྟ་ས་མཱ་དྷི་པ་དྷཱ་ན་ས་ངྑཱ་ར་ས་མ་ནྣཱ་ག་ཏཾ ཨི་དྡྷི་པཱ་དཾ བྷཱ་ཝེ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ…པེ… ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ཨི་དྷ, བྷི་ཀྑ་ཝེ, བྷི་ཀྑུ ཝཱི་མཾ་ས་ས་མཱ་དྷི་པ་དྷཱ་ན་ས་ངྑཱ་ར་ས་མ་ནྣཱ་ག་ཏཾ ཨི་དྡྷི་པཱ་དཾ བྷཱ་ཝེ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ…པེ….
‘‘ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ཨི་དྷ, བྷི་ཀྑ་ཝེ, བྷི་ཀྑུ ས་དྡྷི་ནྡྲི་ཡཾ བྷཱ་ཝེ་ཏི ཝི་ཝེ་ཀ་ནི་སྶི་ཏཾ ཝི་རཱ་ག་ནི་སྶི་ཏཾ ནི་རོ་དྷ་ནི་སྶི་ཏཾ ཝོ་སྶ་གྒ་པ་རི་ཎཱ་མིཾ. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ…པེ… ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ཨི་དྷ, བྷི་ཀྑ་ཝེ, བྷི་ཀྑུ ཝཱི་རི་ཡི་ནྡྲི་ཡཾ བྷཱ་ཝེ་ཏི ཝི་ཝེ་ཀ་ནི་སྶི་ཏཾ…པེ… ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ…པེ… ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ཨི་དྷ, བྷི་ཀྑ་ཝེ, བྷི་ཀྑུ ས་ཏི་ནྡྲི་ཡཾ བྷཱ་ཝེ་ཏི…པེ… ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ…པེ… ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ཨི་དྷ, བྷི་ཀྑ་ཝེ, བྷི་ཀྑུ ས་མཱ་དྷི་ནྡྲི་ཡཾ བྷཱ་ཝེ་ཏི…པེ… ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ…པེ… ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ཨི་དྷ, བྷི་ཀྑ་ཝེ, བྷི་ཀྑུ པ་ཉྙི་ནྡྲི་ཡཾ བྷཱ་ཝེ་ཏི ཝི་ཝེ་ཀ་ནི་སྶི་ཏཾ ཝི་རཱ་ག་ནི་སྶི་ཏཾ ནི་རོ་དྷ་ནི་སྶི་ཏཾ ཝོ་སྶ་གྒ་པ་རི་ཎཱ་མིཾ. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ…པེ….
‘‘ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ཨི་དྷ, བྷི་ཀྑ་ཝེ, བྷི་ཀྑུ ས་དྡྷཱ་བ་ལཾ བྷཱ་ཝེ་ཏི ཝི་ཝེ་ཀ་ནི་སྶི་ཏཾ…པེ… ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ…པེ… ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ཨི་དྷ, བྷི་ཀྑ་ཝེ, བྷི་ཀྑུ ཝཱི་རི་ཡ་བ་ལཾ བྷཱ་ཝེ་ཏི…པེ… ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ…པེ… ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ཨི་དྷ, བྷི་ཀྑ་ཝེ, བྷི་ཀྑུ ས་ཏི་བ་ལཾ བྷཱ་ཝེ་ཏི…པེ… ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ…པེ… ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ཨི་དྷ, བྷི་ཀྑ་ཝེ, བྷི་ཀྑུ ས་མཱ་དྷི་བ་ལཾ བྷཱ་ཝེ་ཏི…པེ… ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ…པེ… ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ཨི་དྷ, བྷི་ཀྑ་ཝེ, བྷི་ཀྑུ པ་ཉྙཱ་བ་ལཾ བྷཱ་ཝེ་ཏི ཝི་ཝེ་ཀ་ནི་སྶི་ཏཾ ཝི་རཱ་ག་ནི་སྶི་ཏཾ ནི་རོ་དྷ་ནི་སྶི་ཏཾ ཝོ་སྶ་གྒ་པ་རི་ཎཱ་མིཾ. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ…པེ….
‘‘ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ཨི་དྷ, བྷི་ཀྑ་ཝེ, བྷི་ཀྑུ ས་ཏི་ས་མྦོ་ཛ྄ཛྷ་ངྒཾ བྷཱ་ཝེ་ཏི…པེ… ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ…པེ… ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ཨི་དྷ, བྷི་ཀྑ་ཝེ, བྷི་ཀྑུ དྷ་མྨ་ཝི་ཙ་ཡ་ས་མྦོ་ཛ྄ཛྷ་ངྒཾ བྷཱ་ཝེ་ཏི…པེ… ཝཱི་རི་ཡ་ས་མྦོ་ཛ྄ཛྷ་ངྒཾ བྷཱ་ཝེ་ཏི…པེ… པཱི་ཏི་ས་མྦོ་ཛ྄ཛྷ་ངྒཾ བྷཱ་ཝེ་ཏི…པེ… པ་སྶ་དྡྷི་ས་མྦོ་ཛ྄ཛྷ་ངྒཾ བྷཱ་ཝེ་ཏི…པེ… ས་མཱ་དྷི་ས་མྦོ་ཛ྄ཛྷ་ངྒཾ བྷཱ་ཝེ་ཏི…པེ… ཨུ་པེ་ཀྑཱ་ས་མྦོ་ཛ྄ཛྷ་ངྒཾ བྷཱ་ཝེ་ཏི ཝི་ཝེ་ཀ་ནི་སྶི་ཏཾ ཝི་རཱ་ག་ནི་སྶི་ཏཾ ནི་རོ་དྷ་ནི་སྶི་ཏཾ ཝོ་སྶ་གྒ་པ་རི་ཎཱ་མིཾ. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ…པེ….
‘‘ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ཨི་དྷ, བྷི་ཀྑ་ཝེ, བྷི་ཀྑུ ས་མྨཱ་དི་ཊྛིཾ བྷཱ་ཝེ་ཏི ཝི་ཝེ་ཀ་ནི་སྶི་ཏཾ ཝི་རཱ་ག་ནི་སྶི་ཏཾ ནི་རོ་དྷ་ནི་སྶི་ཏཾ ཝོ་སྶ་གྒ་པ་རི་ཎཱ་མིཾ. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ…པེ… ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ཨི་དྷ, བྷི་ཀྑ་ཝེ, བྷི་ཀྑུ ས་མྨཱ་ས་ངྐ་པྤཾ བྷཱ་ཝེ་ཏི …པེ… ས་མྨཱ་ཝཱ་ཙཾ བྷཱ་ཝེ་ཏི…པེ… ས་མྨཱ་ཀ་མྨ་ནྟཾ བྷཱ་ཝེ་ཏི…པེ… ས་མྨཱ་ཨཱ་ཛཱི་ཝཾ བྷཱ་ཝེ་ཏི…པེ… ས་མྨཱ་ཝཱ་ཡཱ་མཾ བྷཱ་ཝེ་ཏི…པེ… ས་མྨཱ་ས་ཏིཾ བྷཱ་ཝེ་ཏི…པེ… ཨ་ས་ངྑ་ཏ་ཉྩ ཝོ བྷི་ཀྑ་ཝེ, དེ་སེ་སྶཱ་མི ཨ་ས་ངྑ་ཏ་གཱ་མི་ཉྩ མ་གྒཾ. ཏཾ སུ་ཎཱ་ཐ. ཀ་ཏ་མ་ཉྩ, བྷི་ཀྑ་ཝེ, ཨ་ས་ངྑ་ཏཾ…པེ…? ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ཨི་དྷ, བྷི་ཀྑ་ཝེ, བྷི་ཀྑུ ས་མྨཱ་ས་མཱ་དྷིཾ བྷཱ་ཝེ་ཏི ཝི་ཝེ་ཀ་ནི་སྶི་ཏཾ ཝི་རཱ་ག་ནི་སྶི་ཏཾ ནི་རོ་དྷ་ནི་སྶི་ཏཾ ཝོ་སྶ་གྒ་པ་རི་ཎཱ་མིཾ. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ. ཨི་ཏི ཁོ, བྷི་ཀྑ་ཝེ, དེ་སི་ཏཾ ཝོ མ་ཡཱ ཨ་ས་ངྑ་ཏཾ, དེ་སི་ཏོ ཨ་ས་ངྑ་ཏ་གཱ་མི་མ་གྒོ. ཡཾ, བྷི་ཀྑ་ཝེ, ས་ཏྠཱ་རཱ ཀ་ར་ཎཱི་ཡཾ སཱ་ཝ་ཀཱ་ནཾ ཧི་ཏེ་སི་ནཱ ཨ་ནུ་ཀ་མྤ་ཀེ་ན ཨ་ནུ་ཀ་མྤཾ ཨུ་པཱ་དཱ་ཡ, ཀ་ཏཾ ཝོ ཏཾ མ་ཡཱ. ཨེ་ཏཱ་ནི, བྷི་ཀྑ་ཝེ, རུ་ཀྑ་མཱུ་ལཱ་ནི, ཨེ་ཏཱ་ནི སུ་ཉྙཱ་གཱ་རཱ་ནི. ཛྷཱ་ཡ་ཐ, བྷི་ཀྑ་ཝེ, མཱ པ་མཱ་ད་ཏྠ; མཱ པ་ཙྪཱ ཝི་པྤ་ཊི་སཱ་རི་ནོ ཨ་ཧུ་ཝ་ཏྠ. ཨ་ཡཾ ཝོ ཨ་མྷཱ་ཀཾ ཨ་ནུ་སཱ་ས་ནཱི’’ཏི. པ་ཋ་མཾ.