༡. པ་ཋ་མ་པུ་བྦེ་ས་མྦོ་དྷ་སུ་ཏྟཾ

༡༣. སཱ་ཝ་ཏྠི་ནི་དཱ་ནཾ. ‘‘པུ་བྦེ་ཝ མེ, བྷི་ཀྑ་ཝེ, ས་མྦོ་དྷཱ ཨ་ན་བྷི་ས་མྦུ་དྡྷ་སྶ བོ་དྷི་ས་ཏྟ་སྶེ་ཝ ས་ཏོ ཨེ་ཏ་ད་ཧོ་སི – ‘ཀོ ནུ ཁོ ཙ་ཀྑུ་སྶ ཨ་སྶཱ་དོ, ཀོ ཨཱ་དཱི་ན་ཝོ, ཀིཾ ནི་སྶ་ར་ཎཾ? ཀོ སོ་ཏ་སྶ…པེ… ཀོ གྷཱ་ན་སྶ… ཀོ ཛི་ཝ྄ཧཱ་ཡ… ཀོ ཀཱ་ཡ་སྶ… ཀོ མ་ན་སྶ ཨ་སྶཱ་དོ, ཀོ ཨཱ་དཱི་ན་ཝོ, ཀིཾ ནི་སྶ་ར་ཎ’ནྟི? ཏ་སྶ མ་ཡ྄ཧཾ, བྷི་ཀྑ་ཝེ, ཨེ་ཏ་ད་ཧོ་སི – ‘ཡཾ ཁོ ཙ་ཀྑུཾ པ་ཊི་ཙྩ ཨུ་པྤ་ཛྫ་ཏི སུ་ཁཾ སོ་མ་ན་སྶཾ, ཨ་ཡཾ ཙ་ཀྑུ་སྶ ཨ་སྶཱ་དོ. ཡཾ ཙ་ཀྑུཾ ཨ་ནི་ཙྩཾ དུ་ཀྑཾ ཝི་པ་རི་ཎཱ་མ་དྷ་མྨཾ, ཨ་ཡཾ ཙ་ཀྑུ་སྶ ཨཱ་དཱི་ན་ཝོ. ཡོ ཙ་ཀྑུ་སྨིཾ ཚ་ནྡ་རཱ་ག་ཝི་ན་ཡོ ཚ་ནྡ་རཱ་ག་པྤ་ཧཱ་ནཾ, ཨི་དཾ ཙ་ཀྑུ་སྶ ནི་སྶ་ར་ཎཾ. ཡཾ སོ་ཏཾ…པེ… ཡཾ གྷཱ་ནཾ…པེ… ཡཾ ཛི་ཝ྄ཧཾ པ་ཊི་ཙྩ ཨུ་པྤ་ཛྫ་ཏི སུ་ཁཾ སོ་མ་ན་སྶཾ, ཨ་ཡཾ ཛི་ཝ྄ཧཱ་ཡ ཨ་སྶཱ་དོ. ཡཾ [ཡཱ (སཱི. སྱཱ. ཀཾ. པཱི.)] ཛི་ཝ྄ཧཱ ཨ་ནི་ཙྩཱ དུ་ཀྑཱ ཝི་པ་རི་ཎཱ་མ་དྷ་མྨཱ, ཨ་ཡཾ ཛི་ཝ྄ཧཱ་ཡ ཨཱ་དཱི་ན་ཝོ. ཡོ ཛི་ཝ྄ཧཱ་ཡ ཚ་ནྡ་རཱ་ག་ཝི་ན་ཡོ ཚ་ནྡ་རཱ་ག་པྤ་ཧཱ་ནཾ, ཨི་དཾ ཛི་ཝ྄ཧཱ་ཡ ནི་སྶ་ར་ཎཾ. ཡཾ ཀཱ་ཡཾ…པེ… ཡཾ མ་ནཾ པ་ཊི་ཙྩ ཨུ་པྤ་ཛྫ་ཏི སུ་ཁཾ སོ་མ་ན་སྶཾ, ཨ་ཡཾ མ་ན་སྶ ཨ་སྶཱ་དོ. ཡཾ [ཡོ (སཱི. སྱཱ. ཀཾ. ཀ.)] མ་ནོ ཨ་ནི་ཙྩོ དུ་ཀྑོ ཝི་པ་རི་ཎཱ་མ་དྷ་མྨོ, ཨ་ཡཾ མ་ན་སྶ ཨཱ་དཱི་ན་ཝོ. ཡོ མ་ན་སྨིཾ ཚ་ནྡ་རཱ་ག་ཝི་ན་ཡོ ཚ་ནྡ་རཱ་ག་པྤ་ཧཱ་ནཾ, ཨི་དཾ མ་ན་སྶ ནི་སྶ་ར་ཎ’’’ནྟི.

‘‘ཡཱ་ཝ་ཀཱི་ཝ་ཉྩཱ་ཧཾ, བྷི་ཀྑ་ཝེ, ཨི་མེ་སཾ ཚ་ནྣཾ ཨ་ཛ྄ཛྷ་ཏྟི་ཀཱ་ནཾ ཨཱ་ཡ་ཏ་ནཱ་ནཾ ཨེ་ཝཾ ཨ་སྶཱ་ད་ཉྩ ཨ་སྶཱ་ད་ཏོ, ཨཱ་དཱི་ན་ཝ་ཉྩ ཨཱ་དཱི་ན་ཝ་ཏོ, ནི་སྶ་ར་ཎ་ཉྩ ནི་སྶ་ར་ཎ་ཏོ ཡ་ཐཱ་བྷཱུ་ཏཾ ནཱ་བྦྷ་ཉྙཱ་སིཾ, ནེ་ཝ ཏཱ་ཝཱ་ཧཾ, བྷི་ཀྑ་ཝེ, ས་དེ་ཝ་ཀེ ལོ་ཀེ ས་མཱ་ར་ཀེ ས་བྲ་ཧྨ་ཀེ ས་སྶ་མ་ཎ་བྲཱ་ཧྨ་ཎི་ཡཱ པ་ཛཱ་ཡ ས་དེ་ཝ་མ་ནུ་སྶཱ་ཡ ‘ཨ་ནུ་ཏྟ་རཾ ས་མྨཱ་ས་མྦོ་དྷིཾ ཨ་བྷི་ས་མྦུ་དྡྷོ’ཏི [ས་བྦ་ཏྠཱ་པི ཨེ་ཝ་མེ་ཝ ཨི་ཏི་ས་དྡེ་ན ས་ཧ དི་སྶ་ཏི] པ་ཙྩ་ཉྙཱ་སིཾ. ཡ་ཏོ ཙ ཁྭཱ་ཧཾ, བྷི་ཀྑ་ཝེ, ཨི་མེ་སཾ ཚ་ནྣཾ ཨ་ཛ྄ཛྷ་ཏྟི་ཀཱ་ནཾ ཨཱ་ཡ་ཏ་ནཱ་ནཾ ཨེ་ཝཾ ཨ་སྶཱ་ད་ཉྩ ཨ་སྶཱ་ད་ཏོ, ཨཱ་དཱི་ན་ཝ་ཉྩ ཨཱ་དཱི་ན་ཝ་ཏོ, ནི་སྶ་ར་ཎ་ཉྩ ནི་སྶ་ར་ཎ་ཏོ ཡ་ཐཱ་བྷཱུ་ཏཾ ཨ་བྦྷ་ཉྙཱ་སིཾ, ཨ་ཐཱ་ཧཾ, བྷི་ཀྑ་ཝེ, ས་དེ་ཝ་ཀེ ལོ་ཀེ ས་མཱ་ར་ཀེ ས་བྲ་ཧྨ་ཀེ ས་སྶ་མ་ཎ་བྲཱ་ཧྨ་ཎི་ཡཱ པ་ཛཱ་ཡ ས་དེ་ཝ་མ་ནུ་སྶཱ་ཡ ‘ཨ་ནུ་ཏྟ་རཾ ས་མྨཱ་ས་མྦོ་དྷིཾ ཨ་བྷི་ས་མྦུ་དྡྷོ’ཏི པ་ཙྩ་ཉྙཱ་སིཾ. ཉཱ་ཎ་ཉྩ པ་ན མེ ད་སྶ་ནཾ ཨུ་ད་པཱ་དི – ‘ཨ་ཀུ་པྤཱ མེ ཝི་མུ་ཏྟི [ཙེ་ཏོ་ཝི་མུ་ཏྟི (སཱི. པཱི. ཀ.) ཨེ་ཝ་མུ་པ་རི་པི], ཨ་ཡ་མ་ནྟི་མཱ ཛཱ་ཏི, ན་ཏྠི དཱ་ནི པུ་ན་བྦྷ་ཝོ’’’ཏི. པ་ཋ་མཾ.