༡༠. མི་ཙྪཱ་དི་ཊྛི་པ་ཧཱ་ན་སུ་ཏྟཾ

༡༦༥. ཨ་ཐ ཁོ ཨ་ཉྙ་ཏ་རོ བྷི་ཀྑུ ཡེ་ན བྷ་ག་ཝཱ ཏེ་ནུ་པ་ས་ངྐ་མི…པེ… ཨེ་ཀ་མ་ནྟཾ ནི་སི་ནྣོ སོ བྷི་ཀྑུ བྷ་ག་ཝ་ནྟཾ ཨེ་ཏ་ད་ཝོ་ཙ – ‘‘ཀ་ཐཾ ནུ ཁོ, བྷ་ནྟེ, ཛཱ་ན་ཏོ ཀ་ཐཾ པ་སྶ་ཏོ མི་ཙྪཱ་དི་ཊྛི པ་ཧཱི་ཡ་ཏཱི’’ཏི?

‘‘ཙ་ཀྑུཾ ཁོ, བྷི་ཀྑུ, ཨ་ནི་ཙྩ་ཏོ ཛཱ་ན་ཏོ པ་སྶ་ཏོ མི་ཙྪཱ་དི་ཊྛི པ་ཧཱི་ཡ་ཏི. རཱུ་པེ ཨ་ནི་ཙྩ་ཏོ ཛཱ་ན་ཏོ པ་སྶ་ཏོ མི་ཙྪཱ་དི་ཊྛི པ་ཧཱི་ཡ་ཏི. ཙ་ཀྑུ་ཝི་ཉྙཱ་ཎཾ ཨ་ནི་ཙྩ་ཏོ ཛཱ་ན་ཏོ པ་སྶ་ཏོ མི་ཙྪཱ་དི་ཊྛི པ་ཧཱི་ཡ་ཏི. ཙ་ཀྑུ་ས་མྥ་སྶཾ ཨ་ནི་ཙྩ་ཏོ ཛཱ་ན་ཏོ པ་སྶ་ཏོ མི་ཙྪཱ་དི་ཊྛི པ་ཧཱི་ཡ་ཏི…པེ… ཡ་མྤི་དཾ མ་ནོ་ས་མྥ་སྶ་པ་ཙྩ་ཡཱ ཨུ་པྤ་ཛྫ་ཏི ཝེ་ད་ཡི་ཏཾ སུ་ཁཾ ཝཱ དུ་ཀྑཾ ཝཱ ཨ་དུ་ཀྑ་མ་སུ་ཁཾ ཝཱ ཏ་མྤི ཨ་ནི་ཙྩ་ཏོ ཛཱ་ན་ཏོ པ་སྶ་ཏོ མི་ཙྪཱ་དི་ཊྛི པ་ཧཱི་ཡ་ཏི. ཨེ་ཝཾ ཁོ, བྷི་ཀྑུ, ཛཱ་ན་ཏོ ཨེ་ཝཾ པ་སྶ་ཏོ མི་ཙྪཱ་དི་ཊྛི པ་ཧཱི་ཡ་ཏཱི’’ཏི. ད་ས་མཾ.