༡. ཨ་ཛ྄ཛྷ་ཏྟ་ན་ནྡི་ཀྑ་ཡ་སུ་ཏྟཾ

༡༥༦. ‘‘ཨ་ནི་ཙྩཾ་ཡེ་ཝ, བྷི་ཀྑ་ཝེ, བྷི་ཀྑུ ཙ་ཀྑུཾ ཨ་ནི་ཙྩ་ནྟི པ་སྶ་ཏི, སཱ་སྶ [སཱ་ཡཾ (པཱི. ཀ.)] ཧོ་ཏི ས་མྨཱ་དི་ཊྛི. ས་མྨཱ པ་སྶཾ ནི་བྦི་ནྡ་ཏི. ན་ནྡི་ཀྑ་ཡཱ རཱ་ག་ཀྑ་ཡོ; རཱ་ག་ཀྑ་ཡཱ ན་ནྡི་ཀྑ་ཡོ. ན་ནྡི་རཱ་ག་ཀྑ་ཡཱ ཙི་ཏྟཾ སུ་ཝི་མུ་ཏྟ་ནྟི ཝུ་ཙྩ་ཏི…པེ… ཨ་ནི་ཙྩཾ་ཡེ་ཝ, བྷི་ཀྑ་ཝེ, བྷི་ཀྑུ ཛི་ཝ྄ཧཾ ཨ་ནི་ཙྩ་ནྟི པ་སྶ་ཏི, སཱ་སྶ ཧོ་ཏི ས་མྨཱ་དི་ཊྛི. ས་མྨཱ པ་སྶཾ ནི་བྦི་ནྡ་ཏི. ན་ནྡི་ཀྑ་ཡཱ རཱ་ག་ཀྑ་ཡོ; རཱ་ག་ཀྑ་ཡཱ…པེ… ཙི་ཏྟཾ སུ་ཝི་མུ་ཏྟ་ནྟི ཝུ་ཙྩ་ཏི…པེ… ཨ་ནི་ཙྩཾ་ཡེ་ཝ, བྷི་ཀྑ་ཝེ, བྷི་ཀྑུ མ་ནཾ ཨ་ནི་ཙྩ་ནྟི པ་སྶ་ཏི, སཱ་སྶ ཧོ་ཏི ས་མྨཱ་དི་ཊྛི. ས་མྨཱ པ་སྶཾ ནི་བྦི་ནྡ་ཏི. ན་ནྡི་ཀྑ་ཡཱ རཱ་ག་ཀྑ་ཡོ; རཱ་ག་ཀྑ་ཡཱ ན་ནྡི་ཀྑ་ཡོ. ན་ནྡི་རཱ་ག་ཀྑ་ཡཱ ཙི་ཏྟཾ སུ་ཝི་མུ་ཏྟ་ནྟི ཝུ་ཙྩ་ཏཱི’’ཏི. པ་ཋ་མཾ.