༣. པཱི་ཏི་སུ་ཏྟཾ

༣༣༤. སཱ་ཝ་ཏྠི་ནི་དཱ་ནཾ. ཨ་དྡ་སཱ ཁོ ཨཱ་ཡ་སྨཱ ཨཱ་ན་ནྡོ…པེ… ‘‘ཝི་པྤ་ས་ནྣཱ་ནི ཁོ ཏེ, ཨཱ་ཝུ་སོ སཱ་རི་པུ་ཏྟ, ཨི་ནྡྲི་ཡཱ་ནི; པ་རི་སུ་དྡྷོ མུ་ཁ་ཝ་ཎྞོ པ་རི་ཡོ་དཱ་ཏོ. ཀ་ཏ་མེ་ནཱ་ཡ་སྨཱ སཱ་རི་པུ་ཏྟོ ཨ་ཛྫ ཝི་ཧཱ་རེ་ན ཝི་ཧཱ་སཱི’’ཏི?

‘‘ཨི་དྷཱ་ཧཾ, ཨཱ་ཝུ་སོ, པཱི་ཏི་ཡཱ ཙ ཝི་རཱ་གཱ ཨུ་པེ་ཀྑ་ཀོ ཙ ཝི་ཧཱ་སིཾ ས་ཏོ ཙ ས་མྤ་ཛཱ་ནོ སུ་ཁ་ཉྩ ཀཱ་ཡེ་ན པ་ཊི་སཾ་ཝེ་དེ་མི; ཡཾ ཏཾ ཨ་རི་ཡཱ ཨཱ་ཙི་ཀྑ་ནྟི ‘ཨུ་པེ་ཀྑ་ཀོ ས་ཏི་མཱ སུ་ཁ་ཝི་ཧཱ་རཱི’ཏི ཏ་ཏི་ཡཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་རཱ་མི. ཏ་སྶ མ་ཡ྄ཧཾ, ཨཱ་ཝུ་སོ, ན ཨེ་ཝཾ ཧོ་ཏི – ‘ཨ་ཧཾ ཏ་ཏི་ཡཾ ཛྷཱ་ནཾ ས་མཱ་པ་ཛྫཱ་མཱི’ཏི ཝཱ ‘ཨ་ཧཾ ཏ་ཏི་ཡཾ ཛྷཱ་ནཾ ས་མཱ་པ་ནྣོ’ཏི ཝཱ ‘ཨ་ཧཾ ཏ་ཏི་ཡཱ ཛྷཱ་ནཱ ཝུ་ཊྛི་ཏོ’ཏི ཝཱ’’ཏི. ‘‘ཏ་ཐཱ ཧི པ་ནཱ་ཡ་སྨ་ཏོ སཱ་རི་པུ་ཏྟ་སྶ དཱི་གྷ་ར་ཏྟཾ ཨ་ཧ་ངྐཱ་ར་མ་མ་ངྐཱ་ར་མཱ་ནཱ་ནུ་ས་ཡཱ སུ་ས་མཱུ་ཧ་ཏཱ. ཏ་སྨཱ ཨཱ་ཡ་སྨ་ཏོ སཱ་རི་པུ་ཏྟ་སྶ ན ཨེ་ཝཾ ཧོ་ཏི – ‘ཨ་ཧཾ ཏ་ཏི་ཡཾ ཛྷཱ་ནཾ ས་མཱ་པ་ཛྫཱ་མཱི’ཏི ཝཱ ‘ཨ་ཧཾ ཏ་ཏི་ཡཾ ཛྷཱ་ནཾ ས་མཱ་པ་ནྣོ’ཏི ཝཱ ‘ཨ་ཧཾ ཏ་ཏི་ཡཱ ཛྷཱ་ནཱ ཝུ་ཊྛི་ཏོ’ཏི ཝཱ’’ཏི. ཏ་ཏི་ཡཾ.