༡༠. ཁ་ནྡྷ་སུ་ཏྟཾ

༣༢༡. སཱ་ཝ་ཏྠི་ནི་དཱ་ནཾ. ‘‘ཡོ ཁོ, བྷི་ཀྑ་ཝེ, རཱུ་པ་སྶ ཨུ་པྤཱ་དོ ཋི་ཏི ཨ་བྷི་ནི་བྦ་ཏྟི པཱ་ཏུ་བྷཱ་ཝོ, དུ་ཀྑ་སྶེ་སོ ཨུ་པྤཱ་དོ, རོ་གཱ་ནཾ ཋི་ཏི, ཛ་རཱ་མ་ར་ཎ་སྶ པཱ་ཏུ་བྷཱ་ཝོ. ཡོ ཝེ་ད་ནཱ་ཡ… ཡོ ས་ཉྙཱ་ཡ… ཡོ ས་ངྑཱ་རཱ་ནཾ… ཡོ ཝི་ཉྙཱ་ཎ་སྶ ཨུ་པྤཱ་དོ ཋི་ཏི ཨ་བྷི་ནི་བྦ་ཏྟི པཱ་ཏུ་བྷཱ་ཝོ, དུ་ཀྑ་སྶེ་སོ ཨུ་པྤཱ་དོ, རོ་གཱ་ནཾ ཋི་ཏི, ཛ་རཱ་མ་ར་ཎ་སྶ པཱ་ཏུ་བྷཱ་ཝོ. ཡོ ཙ ཁོ, བྷི་ཀྑ་ཝེ, རཱུ་པ་སྶ ནི་རོ་དྷོ ཝཱུ་པ་ས་མོ ཨ་ཏྠ་ངྒ་མོ, དུ་ཀྑ་སྶེ་སོ ནི་རོ་དྷོ, རོ་གཱ་ནཾ ཝཱུ་པ་ས་མོ, ཛ་རཱ་མ་ར་ཎ་སྶ ཨ་ཏྠ་ངྒ་མོ. ཡོ ཝེ་ད་ནཱ་ཡ… ཡོ ས་ཉྙཱ་ཡ… ཡོ ས་ངྑཱ་རཱ་ནཾ… ཡོ ཝི་ཉྙཱ་ཎ་སྶ ནི་རོ་དྷོ ཝཱུ་པ་ས་མོ ཨ་ཏྠ་ངྒ་མོ, དུ་ཀྑ་སྶེ་སོ ནི་རོ་དྷོ, རོ་གཱ་ནཾ ཝཱུ་པ་ས་མོ, ཛ་རཱ་མ་ར་ཎ་སྶ ཨ་ཏྠ་ངྒ་མོ’’ཏི. ད་ས་མཾ.

ཨུ་པྤཱ་ད་སཾ་ཡུ་ཏྟཾ ས་མ་ཏྟཾ.