༥༥. སཱ་ཏ་ཙྩ་མཱུ་ལ་ཀ་ས་པྤཱ་ཡ་ཀཱ་རཱི་སུ་ཏྟཾ

༧༡༦. སཱ་ཝ་ཏྠི་ནི་དཱ་ནཾ. ‘‘ཙ་ཏཱ་རོ་མེ, བྷི་ཀྑ་ཝེ, ཛྷཱ་ཡཱི. ཀ་ཏ་མེ ཙ་ཏྟཱ་རོ? ཨི་དྷ, བྷི་ཀྑ་ཝེ, ཨེ་ཀ་ཙྩོ ཛྷཱ་ཡཱི ས་མཱ་དྷི་སྨིཾ སཱ་ཏ་ཙྩ་ཀཱ་རཱི ཧོ་ཏི, ན ས་མཱ་དྷི་སྨིཾ ས་པྤཱ་ཡ་ཀཱ་རཱི. ཨི་དྷ པ་ན, བྷི་ཀྑ་ཝེ, ཨེ་ཀ་ཙྩོ ཛྷཱ་ཡཱི ས་མཱ་དྷི་སྨིཾ ས་པྤཱ་ཡ་ཀཱ་རཱི ཧོ་ཏི, ན ས་མཱ་དྷི་སྨིཾ སཱ་ཏ་ཙྩ་ཀཱ་རཱི. ཨི་དྷ པ་ན, བྷི་ཀྑ་ཝེ, ཨེ་ཀ་ཙྩོ ཛྷཱ་ཡཱི ནེ་ཝ ས་མཱ་དྷི་སྨིཾ སཱ་ཏ་ཙྩ་ཀཱ་རཱི ཧོ་ཏི, ན ཙ ས་མཱ་དྷི་སྨིཾ ས་པྤཱ་ཡ་ཀཱ་རཱི. ཨི་དྷ པ་ན, བྷི་ཀྑ་ཝེ, ཨེ་ཀ་ཙྩོ ཛྷཱ་ཡཱི ས་མཱ་དྷི་སྨིཾ སཱ་ཏ་ཙྩ་ཀཱ་རཱི ཙ ཧོ་ཏི, ས་མཱ་དྷི་སྨིཾ ས་པྤཱ་ཡ་ཀཱ་རཱི ཙ. ཏ་ཏྲ, བྷི་ཀྑ་ཝེ, ཡྭཱ་ཡཾ ཛྷཱ་ཡཱི ས་མཱ་དྷི་སྨིཾ སཱ་ཏ་ཙྩ་ཀཱ་རཱི ཙ ཧོ་ཏི ས་མཱ་དྷི་སྨིཾ ས་པྤཱ་ཡ་ཀཱ་རཱི ཙ ཨ་ཡཾ ཨི་མེ་སཾ ཙ་ཏུ་ནྣཾ ཛྷཱ་ཡཱི་ནཾ ཨ་གྒོ ཙ སེ་ཊྛོ ཙ མོ་ཀྑོ ཙ ཨུ་ཏྟ་མོ ཙ པ་ཝ་རོ ཙ. སེ་ཡྻ་ཐཱ་པི, བྷི་ཀྑ་ཝེ, ག་ཝཱ ཁཱི་རཾ, ཁཱི་ར་མྷཱ ད་དྷི, ད་དྷི་མྷཱ ན་ཝ་ནཱི་ཏཾ, ན་ཝ་ནཱི་ཏ་མྷཱ ས་པྤི, ས་པྤི་མྷཱ ས་པྤི་མ་ཎྜོ ཏ་ཏྲ ཨ་གྒ་མ་ཀྑཱ་ཡ་ཏི; ཨེ་ཝ་མེ་ཝ ཁོ, བྷི་ཀྑ་ཝེ, ཡྭཱ་ཡཾ ཛྷཱ་ཡཱི ས་མཱ་དྷི་སྨིཾ སཱ་ཏ་ཙྩ་ཀཱ་རཱི ཙ ཧོ་ཏི, ས་མཱ་དྷི་སྨིཾ ས་པྤཱ་ཡ་ཀཱ་རཱི ཨ་ཡཾ ཨི་མེ་སཾ ཙ་ཏུ་ནྣཾ ཛྷཱ་ཡཱི་ནཾ ཨ་གྒོ ཙ སེ་ཊྛོ ཙ མོ་ཀྑོ ཙ ཨུ་ཏྟ་མོ ཙ པ་ཝ་རོ ཙཱ’’ཏི. ཨི་ད་མ་ཝོ་ཙ བྷ་ག་ཝཱ. ཨ་ཏྟ་མ་ནཱ ཏེ བྷི་ཀྑཱུ བྷ་ག་ཝ་ཏོ བྷཱ་སི་ཏཾ ཨ་བྷི་ན་ནྡུ་ནྟི. པ་ཉྩ་པ་ཉྙཱ་ས་མཾ. (ཡ་ཐཱ པ་ཉྩ་པ་ཉྙཱ་སཾ ཝེ་ཡྻཱ་ཀ་ར་ཎཱ་ནི ཧོ་ནྟི ཏ་ཐཱ ཝི་ཏྠཱ་རེ་ཏ་བྦཱ་ནི.)

ཛྷཱ་ན་སཾ་ཡུ་ཏྟཾ [ས་མཱ་དྷི་སཾ་ཡུ་ཏྟཾ (སྱཱ. ཀཾ.)] ས་མ་ཏྟཾ.