༤. ས་མཱ་དྷི་མཱུ་ལ་ཀ་ཀ་ལླི་ཏ་སུ་ཏྟཾ

༦༦༥. སཱ་ཝ་ཏྠི་ནི་དཱ་ནཾ. ‘‘ཙ་ཏྟཱ་རོ་མེ, བྷི་ཀྑ་ཝེ, ཛྷཱ་ཡཱི. ཀ་ཏ་མེ ཙ་ཏྟཱ་རོ? ཨི་དྷ, བྷི་ཀྑ་ཝེ, ཨེ་ཀ་ཙྩོ ཛྷཱ་ཡཱི ས་མཱ་དྷི་སྨིཾ ས་མཱ་དྷི་ཀུ་ས་ལོ ཧོ་ཏི, ན ས་མཱ་དྷི་སྨིཾ ཀ་ལླི་ཏ་ཀུ་ས་ལོ. ཨི་དྷ པ་ན, བྷི་ཀྑ་ཝེ, ཨེ་ཀ་ཙྩོ ཛྷཱ་ཡཱི ས་མཱ་དྷི་སྨིཾ ཀ་ལླི་ཏ་ཀུ་ས་ལོ ཧོ་ཏི, ན ས་མཱ་དྷི་སྨིཾ ས་མཱ་དྷི་ཀུ་ས་ལོ. ཨི་དྷ པ་ན, བྷི་ཀྑ་ཝེ, ཨེ་ཀ་ཙྩོ ཛྷཱ་ཡཱི ནེ་ཝ ས་མཱ་དྷི་སྨིཾ ས་མཱ་དྷི་ཀུ་ས་ལོ ཧོ་ཏི, ན ཙ ས་མཱ་དྷི་སྨིཾ ཀ་ལླི་ཏ་ཀུ་ས་ལོ. ཨི་དྷ པ་ན, བྷི་ཀྑ་ཝེ, ཨེ་ཀ་ཙྩོ ཛྷཱ་ཡཱི ས་མཱ་དྷི་སྨིཾ ས་མཱ་དྷི་ཀུ་ས་ལོ ཙ ཧོ་ཏི, ས་མཱ་དྷི་སྨིཾ ཀ་ལླི་ཏ་ཀུ་ས་ལོ ཙ. ཏ་ཏྲ, བྷི་ཀྑ་ཝེ, ཡྭཱ་ཡཾ ཛྷཱ་ཡཱི ས་མཱ་དྷི་སྨིཾ ས་མཱ་དྷི་ཀུ་ས་ལོ ཙ ཧོ་ཏི ས་མཱ་དྷི་སྨིཾ ཀ་ལླི་ཏ་ཀུ་ས་ལོ ཙ ཨ་ཡཾ ཨི་མེ་སཾ ཙ་ཏུ་ནྣཾ ཛྷཱ་ཡཱི་ནཾ ཨ་གྒོ ཙ སེ་ཊྛོ ཙ མོ་ཀྑོ ཙ ཨུ་ཏྟ་མོ ཙ པ་ཝ་རོ ཙ. སེ་ཡྻ་ཐཱ་པི, བྷི་ཀྑ་ཝེ, ག་ཝཱ ཁཱི་རཾ…པེ… པ་ཝ་རོ ཙཱ’’ཏི. ཙ་ཏུ་ཏྠཾ.