༡༤. ས་མཱ་པ་ཏྟི་མཱུ་ལ་ཀ་ཨཱ་ར་མྨ་ཎ་སུ་ཏྟཾ

༦༧༥. སཱ་ཝ་ཏྠི་ནི་དཱ་ནཾ. ‘‘ཙ་ཏྟཱ་རོ་མེ, བྷི་ཀྑ་ཝེ, ཛྷཱ་ཡཱི. ཀ་ཏ་མེ ཙ་ཏྟཱ་རོ? ཨི་དྷ, བྷི་ཀྑ་ཝེ, ཨེ་ཀ་ཙྩོ ཛྷཱ་ཡཱི ས་མཱ་དྷི་སྨིཾ ས་མཱ་པ་ཏྟི་ཀུ་ས་ལོ ཧོ་ཏི, ན ས་མཱ་དྷི་སྨིཾ ཨཱ་ར་མྨ་ཎ་ཀུ་ས་ལོ. ཨི་དྷ པ་ན, བྷི་ཀྑ་ཝེ, ཨེ་ཀ་ཙྩོ ཛྷཱ་ཡཱི ས་མཱ་དྷི་སྨིཾ ཨཱ་ར་མྨ་ཎ་ཀུ་ས་ལོ ཧོ་ཏི, ན ས་མཱ་དྷི་སྨིཾ ས་མཱ་པ་ཏྟི་ཀུ་ས་ལོ. ཨི་དྷ པ་ན, བྷི་ཀྑ་ཝེ, ཨེ་ཀ་ཙྩོ ཛྷཱ་ཡཱི ནེ་ཝ ས་མཱ་དྷི་སྨིཾ ས་མཱ་པ་ཏྟི་ཀུ་ས་ལོ ཧོ་ཏི, ན ཙ ས་མཱ་དྷི་སྨིཾ ཨཱ་ར་མྨ་ཎ་ཀུ་ས་ལོ. ཨི་དྷ པ་ན, བྷི་ཀྑ་ཝེ, ཨེ་ཀ་ཙྩོ ཛྷཱ་ཡཱི ས་མཱ་དྷི་སྨིཾ ས་མཱ་པ་ཏྟི་ཀུ་ས་ལོ ཙ ཧོ་ཏི, ས་མཱ་དྷི་སྨིཾ ཨཱ་ར་མྨ་ཎ་ཀུ་ས་ལོ ཙ. ཏ་ཏྲ…པེ… པ་ཝ་རོ ཙཱ’’ཏི. ཙུ་དྡ་ས་མཾ.