༣. ས་ཉྙཱ་ཨ་ཉྙཱ་ཎ་སུ་ཏྟཾ

༦༠༩. སཱ་ཝ་ཏྠི་ནི་དཱ་ནཾ. ཨེ་ཀ་མ་ནྟཾ ནི་སི་ནྣོ ཁོ ཝ་ཙྪ་གོ་ཏྟོ པ་རི་བྦཱ་ཛ་ཀོ བྷ་ག་ཝ་ནྟཾ ཨེ་ཏ་ད་ཝོ་ཙ – ‘‘ཀོ ནུ ཁོ, བྷོ གོ་ཏ་མ, ཧེ་ཏུ, ཀོ པ་ཙྩ་ཡོ, ཡཱ་ནི་མཱ་ནི ཨ་ནེ་ཀ་ཝི་ཧི་ཏཱ་ནི དི་ཊྛི་ག་ཏཱ་ནི ལོ་ཀེ ཨུ་པྤ་ཛྫ་ནྟི – ས་སྶ་ཏོ ལོ་ཀོ་ཏི ཝཱ, ཨ་ས་སྶ་ཏོ ལོ་ཀོ་ཏི ཝཱ…པེ… ནེ་ཝ ཧོ་ཏི ན ན ཧོ་ཏི ཏ་ཐཱ་ག་ཏོ པ་རཾ མ་ར་ཎཱ་ཏི ཝཱ’’ཏི? ‘‘ས་ཉྙཱ་ཡ ཁོ, ཝ་ཙྪ, ཨ་ཉྙཱ་ཎཱ, ས་ཉྙཱ་ས་མུ་ད་ཡེ ཨ་ཉྙཱ་ཎཱ, ས་ཉྙཱ་ནི་རོ་དྷེ ཨ་ཉྙཱ་ཎཱ, ས་ཉྙཱ་ནི་རོ་དྷ་གཱ་མི་ནི་ཡཱ པ་ཊི་པ་དཱ་ཡ ཨ་ཉྙཱ་ཎཱ; ཨེ་ཝ་མི་མཱ་ནི ཨ་ནེ་ཀ་ཝི་ཧི་ཏཱ་ནི དི་ཊྛི་ག་ཏཱ་ནི ལོ་ཀེ ཨུ་པྤ་ཛྫ་ནྟི – ས་སྶ་ཏོ ལོ་ཀོ་ཏི ཝཱ, ཨ་ས་སྶ་ཏོ ལོ་ཀོ་ཏི ཝཱ…པེ… ནེ་ཝ ཧོ་ཏི ན ན ཧོ་ཏི ཏ་ཐཱ་ག་ཏོ པ་རཾ མ་ར་ཎཱ་ཏི ཝཱ་ཏི. ཨ་ཡཾ ཁོ, ཝ་ཙྪ, ཧེ་ཏུ, ཨ་ཡཾ པ་ཙྩ་ཡོ, ཡཱ་ནི་མཱ་ནི ཨ་ནེ་ཀ་ཝི་ཧི་ཏཱ་ནི དི་ཊྛི་ག་ཏཱ་ནི ལོ་ཀེ ཨུ་པྤ་ཛྫ་ནྟི – ས་སྶ་ཏོ ལོ་ཀོ་ཏི ཝཱ, ཨ་ས་སྶ་ཏོ ལོ་ཀོ་ཏི ཝཱ…པེ… ནེ་ཝ ཧོ་ཏི ན ན ཧོ་ཏི ཏ་ཐཱ་ག་ཏོ པ་རཾ མ་ར་ཎཱ་ཏི ཝཱ’’ཏི. ཏ་ཏི་ཡཾ.