༧. ཨ་ན་ཏྟ་ནི་ཡ་སུ་ཏྟཾ

༦༩. སཱ་ཝ་ཏྠི་ནི་དཱ་ནཾ. ཨ་ཐ ཁོ ཨ་ཉྙ་ཏ་རོ བྷི་ཀྑུ…པེ… ཨེ་ཀ་མ་ནྟཾ ནི་སི་ནྣོ ཁོ སོ བྷི་ཀྑུ བྷ་ག་ཝ་ནྟཾ ཨེ་ཏ་ད་ཝོ་ཙ – ‘‘སཱ་དྷུ མེ, བྷ་ནྟེ, བྷ་ག་ཝཱ སཾ་ཁི་ཏྟེ་ན དྷ་མྨཾ དེ་སེ་ཏུ…པེ… ཝི་ཧ་རེ་ཡྻ’’ནྟི. ‘‘ཡཾ ཁོ, བྷི་ཀྑུ, ཨ་ན་ཏྟ་ནི་ཡཾ; ཏ་ཏྲ ཏེ ཚ་ནྡོ པ་ཧཱ་ཏ་བྦོ’’ཏི. ‘‘ཨ་ཉྙཱ་ཏཾ, བྷ་ག་ཝཱ; ཨ་ཉྙཱ་ཏཾ, སུ་ག་ཏཱ’’ཏི.

‘‘ཡ་ཐཱ ཀ་ཐཾ པ་ན ཏྭཾ, བྷི་ཀྑུ, མ་ཡཱ སཾ་ཁི་ཏྟེ་ན བྷཱ་སི་ཏ་སྶ ཝི་ཏྠཱ་རེ་ན ཨ་ཏྠཾ ཨཱ་ཛཱ་ནཱ་སཱི’’ཏི? ‘‘རཱུ་པཾ ཁོ, བྷ་ནྟེ, ཨ་ན་ཏྟ་ནི་ཡཾ; ཏ་ཏྲ མེ ཚ་ནྡོ པ་ཧཱ་ཏ་བྦོ. ཝེ་ད་ནཱ… ས་ཉྙཱ… ས་ངྑཱ་རཱ… ཝི་ཉྙཱ་ཎཾ ཨ་ན་ཏྟ་ནི་ཡཾ; ཏ་ཏྲ མེ ཚ་ནྡོ པ་ཧཱ་ཏ་བྦོ. ཨི་མ་སྶ ཁྭཱ་ཧཾ, བྷ་ནྟེ, བྷ་ག་ཝ་ཏཱ སཾ་ཁི་ཏྟེ་ན བྷཱ་སི་ཏ་སྶ ཨེ་ཝཾ ཝི་ཏྠཱ་རེ་ན ཨ་ཏྠཾ ཨཱ་ཛཱ་ནཱ་མཱི’’ཏི.

‘‘སཱ་དྷུ སཱ་དྷུ, བྷི་ཀྑུ! སཱ་དྷུ ཁོ ཏྭཾ, བྷི་ཀྑུ, མ་ཡཱ སཾ་ཁི་ཏྟེ་ན བྷཱ་སི་ཏ་སྶ ཝི་ཏྠཱ་རེ་ན ཨ་ཏྠཾ ཨཱ་ཛཱ་ནཱ་སི. རཱུ་པཾ ཁོ, བྷི་ཀྑུ, ཨ་ན་ཏྟ་ནི་ཡཾ; ཏ་ཏྲ ཏེ ཚ་ནྡོ པ་ཧཱ་ཏ་བྦོ. ཝེ་ད་ནཱ … ས་ཉྙཱ… ས་ངྑཱ་རཱ… ཝི་ཉྙཱ་ཎཾ ཨ་ན་ཏྟ་ནི་ཡཾ; ཏ་ཏྲ ཏེ ཚ་ནྡོ པ་ཧཱ་ཏ་བྦོ. ཨི་མ་སྶ ཁོ, བྷི་ཀྑུ, མ་ཡཱ སཾ་ཁི་ཏྟེ་ན བྷཱ་སི་ཏ་སྶ ཨེ་ཝཾ ཝི་ཏྠཱ་རེ་ན ཨ་ཏྠོ ད་ཊྛ་བྦོ’’ཏི…པེ… ཨ་ཉྙ་ཏ་རོ ཙ པ་ན སོ བྷི་ཀྑུ ཨ་ར་ཧ་ཏཾ ཨ་ཧོ་སཱི་ཏི. ས་ཏྟ་མཾ.