༢. མ་ཉྙ་མཱ་ན་སུ་ཏྟཾ

༦༤. སཱ་ཝ་ཏྠི་ནི་དཱ་ནཾ. ཨ་ཐ ཁོ ཨ་ཉྙ་ཏ་རོ བྷི་ཀྑུ…པེ… ཨེ་ཀ་མ་ནྟཾ ནི་སི་ནྣོ ཁོ སོ བྷི་ཀྑུ བྷ་ག་ཝ་ནྟཾ ཨེ་ཏ་ད་ཝོ་ཙ – ‘‘སཱ་དྷུ མེ, བྷ་ནྟེ, བྷ་ག་ཝཱ སཾ་ཁི་ཏྟེ་ན དྷ་མྨཾ དེ་སེ་ཏུ…པེ… ཨཱ་ཏཱ་པཱི པ་ཧི་ཏ་ཏྟོ ཝི་ཧ་རེ་ཡྻ’’ནྟི. ‘‘མ་ཉྙ་མཱ་ནོ ཁོ, བྷི་ཀྑུ, བ་དྡྷོ མཱ་ར་སྶ; ཨ་མ་ཉྙ་མཱ་ནོ མུ་ཏྟོ པཱ་པི་མ་ཏོ’’ཏི. ‘‘ཨ་ཉྙཱ་ཏཾ བྷ་ག་ཝཱ, ཨ་ཉྙཱ་ཏཾ སུ་ག་ཏཱ’’ཏི.

‘‘ཡ་ཐཱ ཀ་ཐཾ པ་ན ཏྭཾ, བྷི་ཀྑུ, མ་ཡཱ སཾ་ཁི་ཏྟེ་ན བྷཱ་སི་ཏ་སྶ ཝི་ཏྠཱ་རེ་ན ཨ་ཏྠཾ ཨཱ་ཛཱ་ནཱ་སཱི’’ཏི? ‘‘རཱུ་པཾ ཁོ, བྷ་ནྟེ, མ་ཉྙ་མཱ་ནོ བ་དྡྷོ མཱ་ར་སྶ; ཨ་མ་ཉྙ་མཱ་ནོ མུ་ཏྟོ པཱ་པི་མ་ཏོ. ཝེ་ད་ནཾ… ས་ཉྙཾ… ས་ངྑཱ་རེ… ཝི་ཉྙཱ་ཎཾ མ་ཉྙ་མཱ་ནོ བ་དྡྷོ མཱ་ར་སྶ; ཨ་མ་ཉྙ་མཱ་ནོ མུ་ཏྟོ པཱ་པི་མ་ཏོ. ཨི་མ་སྶ ཁྭཱ་ཧཾ, བྷ་ནྟེ, བྷ་ག་ཝ་ཏཱ སཾ་ཁི་ཏྟེ་ན བྷཱ་སི་ཏ་སྶ ཨེ་ཝཾ ཝི་ཏྠཱ་རེ་ན ཨ་ཏྠཾ ཨཱ་ཛཱ་ནཱ་མཱི’’ཏི.

‘‘སཱ་དྷུ སཱ་དྷུ, བྷི་ཀྑུ! སཱ་དྷུ ཁོ ཏྭཾ, བྷི་ཀྑུ, མ་ཡཱ སཾ་ཁི་ཏྟེ་ན བྷཱ་སི་ཏ་སྶ ཝི་ཏྠཱ་རེ་ན ཨ་ཏྠཾ ཨཱ་ཛཱ་ནཱ་སི. རཱུ་པཾ ཁོ, བྷི་ཀྑུ, མ་ཉྙ་མཱ་ནོ བ་དྡྷོ མཱ་ར་སྶ; ཨ་མ་ཉྙ་མཱ་ནོ མུ་ཏྟོ པཱ་པི་མ་ཏོ. ཝེ་ད་ནཾ… ས་ཉྙཾ… ས་ངྑཱ་རེ… ཝི་ཉྙཱ་ཎཾ མ་ཉྙ་མཱ་ནོ བ་དྡྷོ མཱ་ར་སྶ; ཨ་མ་ཉྙ་མཱ་ནོ མུ་ཏྟོ པཱ་པི་མ་ཏོ. ཨི་མ་སྶ ཁོ, བྷི་ཀྑུ, མ་ཡཱ སཾ་ཁི་ཏྟེ་ན བྷཱ་སི་ཏ་སྶ ཨེ་ཝཾ ཝི་ཏྠཱ་རེ་ན ཨ་ཏྠོ ད་ཊྛ་བྦོ’’ཏི…པེ… ཨ་ཉྙ་ཏ་རོ ཙ པ་ན སོ བྷི་ཀྑུ ཨ་ར་ཧ་ཏཾ ཨ་ཧོ་སཱི་ཏི. དུ་ཏི་ཡཾ.