༡༣. ཨ་ཝི་ཛྫཱ་ཝ་གྒོ

༡. ས་མུ་ད་ཡ་དྷ་མྨ་སུ་ཏྟཾ

༡༢༦. སཱ་ཝ་ཏྠི་ནི་དཱ་ནཾ. ཨ་ཐ ཁོ ཨ་ཉྙ་ཏ་རོ བྷི་ཀྑུ ཡེ་ན བྷ་ག་ཝཱ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ…པེ… ཨེ་ཀ་མ་ནྟཾ ནི་སི་ནྣོ ཁོ སོ བྷི་ཀྑུ བྷ་ག་ཝ་ནྟཾ ཨེ་ཏ་ད་ཝོ་ཙ – ‘‘‘ཨ་ཝི་ཛྫཱ ཨ་ཝི་ཛྫཱ’ཏི, བྷ་ནྟེ, ཝུ་ཙྩ་ཏི. ཀ་ཏ་མཱ ནུ ཁོ, བྷ་ནྟེ, ཨ་ཝི་ཛྫཱ, ཀི་ཏྟཱ་ཝ་ཏཱ ཙ ཨ་ཝི་ཛྫཱ་ག་ཏོ ཧོ་ཏཱི’’ཏི?

‘‘ཨི་དྷ, བྷི་ཀྑུ, ཨ་སྶུ་ཏ་ཝཱ པུ་ཐུ་ཛྫ་ནོ ས་མུ་ད་ཡ་དྷ་མྨཾ རཱུ་པཾ ‘ས་མུ་ད་ཡ་དྷ་མྨཾ རཱུ་པ’ནྟི ཡ་ཐཱ་བྷཱུ་ཏཾ ན་པྤ་ཛཱ་ནཱ་ཏི; ཝ་ཡ་དྷ་མྨཾ རཱུ་པཾ ‘ཝ་ཡ་དྷ་མྨཾ རཱུ་པ’ནྟི ཡ་ཐཱ་བྷཱུ་ཏཾ ན་པྤ་ཛཱ་ནཱ་ཏི; ས་མུ་ད་ཡ་ཝ་ཡ་དྷ་མྨཾ རཱུ་པཾ ‘ས་མུ་ད་ཡ་ཝ་ཡ་དྷ་མྨཾ རཱུ་པ’ནྟི ཡ་ཐཱ་བྷཱུ་ཏཾ ན་པྤ་ཛཱ་ནཱ་ཏི. ས་མུ་ད་ཡ་དྷ་མྨཾ ཝེ་ད་ནཾ ‘ས་མུ་ད་ཡ་དྷ་མྨཱ ཝེ་ད་ནཱ’ཏི ཡ་ཐཱ་བྷཱུ་ཏཾ ན་པྤ་ཛཱ་ནཱ་ཏི; ཝ་ཡ་དྷ་མྨཾ ཝེ་ད་ནཾ ‘ཝ་ཡ་དྷ་མྨཱ ཝེ་ད་ནཱ’ཏི ཡ་ཐཱ་བྷཱུ་ཏཾ ན་པྤ་ཛཱ་ནཱ་ཏི; ས་མུ་ད་ཡ་ཝ་ཡ་དྷ་མྨཾ ཝེ་ད་ནཾ ‘ས་མུ་ད་ཡ་ཝ་ཡ་དྷ་མྨཱ ཝེ་ད་ནཱ’ཏི ཡ་ཐཱ་བྷཱུ་ཏཾ ན་པྤ་ཛཱ་ནཱ་ཏི. ས་མུ་ད་ཡ་དྷ་མྨཾ ས་ཉྙཾ…པེ… ས་མུ་ད་ཡ་དྷ་མྨེ ས་ངྑཱ་རེ ‘ས་མུ་ད་ཡ་དྷ་མྨཱ ས་ངྑཱ་རཱ’ཏི ཡ་ཐཱ་བྷཱུ་ཏཾ ན་པྤ་ཛཱ་ནཱ་ཏི; ཝ་ཡ་དྷ་མྨེ ས་ངྑཱ་རེ ‘ཝ་ཡ་དྷ་མྨཱ ས་ངྑཱ་རཱ’ཏི ཡ་ཐཱ་བྷཱུ་ཏཾ ན་པྤ་ཛཱ་ནཱ་ཏི; ས་མུ་ད་ཡ་ཝ་ཡ་དྷ་མྨེ ས་ངྑཱ་རེ ‘ས་མུ་ད་ཡ་ཝ་ཡ་དྷ་མྨཱ ས་ངྑཱ་རཱ’ཏི ཡ་ཐཱ་བྷཱུ་ཏཾ ན་པྤ་ཛཱ་ནཱ་ཏི. ས་མུ་ད་ཡ་དྷ་མྨཾ ཝི་ཉྙཱ་ཎཾ ‘ས་མུ་ད་ཡ་དྷ་མྨཾ ཝི་ཉྙཱ་ཎ’ནྟི ཡ་ཐཱ་བྷཱུ་ཏཾ ན་པྤ་ཛཱ་ནཱ་ཏི; ཝ་ཡ་དྷ་མྨཾ ཝི་ཉྙཱ་ཎཾ ‘ཝ་ཡ་དྷ་མྨཾ ཝི་ཉྙཱ་ཎ’ནྟི ཡ་ཐཱ་བྷཱུ་ཏཾ ན་པྤ་ཛཱ་ནཱ་ཏི; ས་མུ་ད་ཡ་ཝ་ཡ་དྷ་མྨཾ ཝི་ཉྙཱ་ཎཾ ‘ས་མུ་ད་ཡ་ཝ་ཡ་དྷ་མྨཾ ཝི་ཉྙཱ་ཎ’ནྟི ཡ་ཐཱ་བྷཱུ་ཏཾ ན་པྤ་ཛཱ་ནཱ་ཏི. ཨ་ཡཾ ཝུ་ཙྩ་ཏི, བྷི་ཀྑུ, ཨ་ཝི་ཛྫཱ; ཨེ་ཏྟཱ་ཝ་ཏཱ ཙ ཨ་ཝི་ཛྫཱ་ག་ཏོ ཧོ་ཏཱི’’ཏི.

ཨེ་ཝཾ ཝུ་ཏྟེ, སོ བྷི་ཀྑུ བྷ་ག་ཝ་ནྟཾ ཨེ་ཏ་ད་ཝོ་ཙ – ‘‘‘ཝི་ཛྫཱ ཝི་ཛྫཱ’ཏི, བྷ་ནྟེ, ཝུ་ཙྩ་ཏི. ཀ་ཏ་མཱ ནུ ཁོ, བྷ་ནྟེ, ཝི་ཛྫཱ, ཀི་ཏྟཱ་ཝ་ཏཱ ཙ ཝི་ཛྫཱ་ག་ཏོ ཧོ་ཏཱི’’ཏི?

‘‘ཨི་དྷ, བྷི་ཀྑུ, སུ་ཏ་ཝཱ ཨ་རི་ཡ་སཱ་ཝ་ཀོ ས་མུ་ད་ཡ་དྷ་མྨཾ རཱུ་པཾ ‘ས་མུ་ད་ཡ་དྷ་མྨཾ རཱུ་པ’ནྟི ཡ་ཐཱ་བྷཱུ་ཏཾ པ་ཛཱ་ནཱ་ཏི; ཝ་ཡ་དྷ་མྨཾ རཱུ་པཾ ‘ཝ་ཡ་དྷ་མྨཾ རཱུ་པ’ནྟི ཡ་ཐཱ་བྷཱུ་ཏཾ པ་ཛཱ་ནཱ་ཏི; ས་མུ་ད་ཡ་ཝ་ཡ་དྷ་མྨཾ རཱུ་པཾ ‘ས་མུ་ད་ཡ་ཝ་ཡ་དྷ་མྨཾ རཱུ་པ’ནྟི ཡ་ཐཱ་བྷཱུ་ཏཾ པ་ཛཱ་ནཱ་ཏི. ས་མུ་ད་ཡ་དྷ་མྨཾ ཝེ་ད་ནཾ ‘ས་མུ་ད་ཡ་དྷ་མྨཱ ཝེ་ད་ནཱ’ཏི ཡ་ཐཱ་བྷཱུ་ཏཾ པ་ཛཱ་ནཱ་ཏི; ཝ་ཡ་དྷ་མྨཾ ཝེ་ད་ནཾ ‘ཝ་ཡ་དྷ་མྨཱ ཝེ་ད་ནཱ’ཏི ཡ་ཐཱ་བྷཱུ་ཏཾ པ་ཛཱ་ནཱ་ཏི; ས་མུ་ད་ཡ་ཝ་ཡ་དྷ་མྨཾ ཝེ་ད་ནཾ ‘ས་མུ་ད་ཡ་ཝ་ཡ་དྷ་མྨཱ ཝེ་ད་ནཱ’ཏི ཡ་ཐཱ་བྷཱུ་ཏཾ པ་ཛཱ་ནཱ་ཏི. ས་མུ་ད་ཡ་དྷ་མྨཾ ས་ཉྙཾ… ས་མུ་ད་ཡ་དྷ་མྨེ ས་ངྑཱ་རེ ‘ས་མུ་ད་ཡ་དྷ་མྨཱ ས་ངྑཱ་རཱ’ཏི ཡ་ཐཱ་བྷཱུ་ཏཾ པ་ཛཱ་ནཱ་ཏི; ཝ་ཡ་དྷ་མྨེ ས་ངྑཱ་རེ ‘ཝ་ཡ་དྷ་མྨཱ ས་ངྑཱ་རཱ’ཏི ཡ་ཐཱ་བྷཱུ་ཏཾ པ་ཛཱ་ནཱ་ཏི; ས་མུ་ད་ཡ་ཝ་ཡ་དྷ་མྨེ ས་ངྑཱ་རེ ‘ས་མུ་ད་ཡ་ཝ་ཡ་དྷ་མྨཱ ས་ངྑཱ་རཱ’ཏི ཡ་ཐཱ་བྷཱུ་ཏཾ པ་ཛཱ་ནཱ་ཏི. ས་མུ་ད་ཡ་དྷ་མྨཾ ཝི་ཉྙཱ་ཎཾ ‘ས་མུ་ད་ཡ་དྷ་མྨཾ ཝི་ཉྙཱ་ཎ’ནྟི ཡ་ཐཱ་བྷཱུ་ཏཾ པ་ཛཱ་ནཱ་ཏི; ཝ་ཡ་དྷ་མྨཾ ཝི་ཉྙཱ་ཎཾ ‘ཝ་ཡ་དྷ་མྨཾ ཝི་ཉྙཱ་ཎ’ནྟི ཡ་ཐཱ་བྷཱུ་ཏཾ པ་ཛཱ་ནཱ་ཏི; ས་མུ་ད་ཡ་ཝ་ཡ་དྷ་མྨཾ ཝི་ཉྙཱ་ཎཾ ‘ས་མུ་ད་ཡ་ཝ་ཡ་དྷ་མྨཾ ཝི་ཉྙཱ་ཎ’ནྟི ཡ་ཐཱ་བྷཱུ་ཏཾ པ་ཛཱ་ནཱ་ཏི. ཨ་ཡཾ ཝུ་ཙྩ་ཏི, བྷི་ཀྑུ, ཝི་ཛྫཱ; ཨེ་ཏྟཱ་ཝ་ཏཱ ཙ ཝི་ཛྫཱ་ག་ཏོ ཧོ་ཏཱི’’ཏི. པ་ཋ་མཾ.

༢. དུ་ཏི་ཡ་ས་མུ་ད་ཡ་དྷ་མྨ་སུ་ཏྟཾ

༡༢༧. ཨེ་ཀཾ ས་མ་ཡཾ ཨཱ་ཡ་སྨཱ ཙ སཱ་རི་པུ་ཏྟོ ཨཱ་ཡ་སྨཱ ཙ མ་ཧཱ་ཀོ་ཊྛི་ཀོ བཱ་རཱ་ཎ་སི་ཡཾ ཝི་ཧ་ར་ནྟི ཨི་སི་པ་ཏ་ནེ མི་ག་དཱ་ཡེ. ཨ་ཐ ཁོ ཨཱ་ཡ་སྨཱ མ་ཧཱ་ཀོ་ཊྛི་ཀོ སཱ་ཡ་ནྷ་ས་མ་ཡཾ པ་ཊི་ས་ལླཱ་ནཱ ཝུ་ཊྛི་ཏོ…པེ… ཨེ་ཀ་མ་ནྟཾ ནི་སི་ནྣོ ཁོ ཨཱ་ཡ་སྨཱ མ་ཧཱ་ཀོ་ཊྛི་ཀོ ཨཱ་ཡ་སྨ་ནྟཾ སཱ་རི་པུ་ཏྟཾ ཨེ་ཏ་ད་ཝོ་ཙ – ‘‘‘ཨ་ཝི་ཛྫཱ, ཨ་ཝི་ཛྫཱ’ཏི, ཨཱ་ཝུ་སོ སཱ་རི་པུ་ཏྟ, ཝུ་ཙྩ་ཏི. ཀ་ཏ་མཱ ནུ ཁོ, ཨཱ་ཝུ་སོ, ཨ་ཝི་ཛྫཱ, ཀི་ཏྟཱ་ཝ་ཏཱ ཙ ཨ་ཝི་ཛྫཱ་ག་ཏོ ཧོ་ཏཱི’’ཏི?

‘‘ཨི་དྷཱ་ཝུ་སོ ཨ་སྶུ་ཏ་ཝཱ པུ་ཐུ་ཛྫ་ནོ ས་མུ་ད་ཡ་དྷ་མྨཾ རཱུ་པཾ ‘ས་མུ་ད་ཡ་དྷ་མྨཾ རཱུ་པ’ནྟི ཡ་ཐཱ་བྷཱུ་ཏཾ ན་པྤ་ཛཱ་ནཱ་ཏི; ཝ་ཡ་དྷ་མྨཾ རཱུ་པཾ…པེ… ‘ས་མུ་ད་ཡ་ཝ་ཡ་དྷ་མྨཾ རཱུ་པ’ནྟི ཡ་ཐཱ་བྷཱུ་ཏཾ ན་པྤ་ཛཱ་ནཱ་ཏི. ས་མུ་ད་ཡ་དྷ་མྨཾ ཝེ་ད་ནཾ…པེ… ཝ་ཡ་དྷ་མྨཾ ཝེ་ད་ནཾ…པེ… ‘ས་མུ་ད་ཡ་ཝ་ཡ་དྷ་མྨཱ ཝེ་ད་ནཱ’ཏི ཡ་ཐཱ་བྷཱུ་ཏཾ ན་པྤ་ཛཱ་ནཱ་ཏི. ས་མུ་ད་ཡ་དྷ་མྨཾ ས་ཉྙཾ…པེ… ས་མུ་ད་ཡ་དྷ་མྨེ ས་ངྑཱ་རེ…པེ… ཝ་ཡ་དྷ་མྨེ ས་ངྑཱ་རེ…པེ… ས་མུ་ད་ཡ་ཝ་ཡ་དྷ་མྨེ ས་ངྑཱ་རེ ‘ས་མུ་ད་ཡ་ཝ་ཡ་དྷ་མྨཱ ས་ངྑཱ་རཱ’ཏི ཡ་ཐཱ་བྷཱུ་ཏཾ ན་པྤ་ཛཱ་ནཱ་ཏི. ས་མུ་ད་ཡ་དྷ་མྨཾ ཝི་ཉྙཱ་ཎཾ…པེ… ས་མུ་ད་ཡ་ཝ་ཡ་དྷ་མྨཾ ཝི་ཉྙཱ་ཎཾ ‘ས་མུ་ད་ཡ་ཝ་ཡ་དྷ་མྨཾ ཝི་ཉྙཱ་ཎ’ནྟི ཡ་ཐཱ་བྷཱུ་ཏཾ ན་པྤ་ཛཱ་ནཱ་ཏི. ཨ་ཡཾ ཝུ་ཙྩ་ཏི, ཨཱ་ཝུ་སོ, ཨ་ཝི་ཛྫཱ; ཨེ་ཏྟཱ་ཝ་ཏཱ ཙ ཨ་ཝི་ཛྫཱ་ག་ཏོ ཧོ་ཏཱི’’ཏི. དུ་ཏི་ཡཾ.

༣. ཏ་ཏི་ཡ་ས་མུ་ད་ཡ་དྷ་མྨ་སུ་ཏྟཾ

༡༢༨. ཨེ་ཀཾ ས་མ་ཡཾ ཨཱ་ཡ་སྨཱ ཙ སཱ་རི་པུ་ཏྟོ ཨཱ་ཡ་སྨཱ ཙ མ་ཧཱ་ཀོ་ཊྛི་ཀོ བཱ་རཱ་ཎ་སི་ཡཾ ཝི་ཧ་ར་ནྟི ཨི་སི་པ་ཏ་ནེ མི་ག་དཱ་ཡེ…པེ… ཨེ་ཀ་མ་ནྟཾ ནི་སི་ནྣོ ཁོ ཨཱ་ཡ་སྨཱ མ་ཧཱ་ཀོ་ཊྛི་ཀོ ཨཱ་ཡ་སྨ་ནྟཾ སཱ་རི་པུ་ཏྟཾ ཨེ་ཏ་ད་ཝོ་ཙ – ‘‘‘ཝི་ཛྫཱ, ཝི་ཛྫཱ’ཏི, ཨཱ་ཝུ་སོ སཱ་རི་པུ་ཏྟ, ཝུ་ཙྩ་ཏི. ཀ་ཏ་མཱ ནུ ཁོ, ཨཱ་ཝུ་སོ, ཝི་ཛྫཱ, ཀི་ཏྟཱ་ཝ་ཏཱ ཙ ཝི་ཛྫཱ་ག་ཏོ ཧོ་ཏཱི’’ཏི?

‘‘ཨི་དྷཱ་ཝུ་སོ, སུ་ཏ་ཝཱ ཨ་རི་ཡ་སཱ་ཝ་ཀོ ས་མུ་ད་ཡ་དྷ་མྨཾ རཱུ་པཾ ‘ས་མུ་ད་ཡ་དྷ་མྨཾ རཱུ་པ’ནྟི ཡ་ཐཱ་བྷཱུ་ཏཾ པ་ཛཱ་ནཱ་ཏི; ཝ་ཡ་དྷ་མྨཾ རཱུ་པཾ…པེ… ས་མུ་ད་ཡ་ཝ་ཡ་དྷ་མྨཾ རཱུ་པཾ ‘ས་མུ་ད་ཡ་ཝ་ཡ་དྷ་མྨཾ རཱུ་པ’ནྟི ཡ་ཐཱ་བྷཱུ་ཏཾ པ་ཛཱ་ནཱ་ཏི; ས་མུ་ད་ཡ་དྷ་མྨཾ ཝེ་ད་ནཾ…པེ… ས་མུ་ད་ཡ་ཝ་ཡ་དྷ་མྨཱ ཝེ་ད་ནཱ … ས་མུ་ད་ཡ་དྷ་མྨཾ ས་ཉྙཾ…པེ… ས་མུ་ད་ཡ་དྷ་མྨེ ས་ངྑཱ་རེ… ཝ་ཡ་དྷ་མྨེ ས་ངྑཱ་རེ… ས་མུ་ད་ཡ་ཝ་ཡ་དྷ་མྨེ ས་ངྑཱ་རེ ‘ས་མུ་ད་ཡ་ཝ་ཡ་དྷ་མྨཱ ས་ངྑཱ་རཱ’ཏི ཡ་ཐཱ་བྷཱུ་ཏཾ པ་ཛཱ་ནཱ་ཏི. ས་མུ་ད་ཡ་དྷ་མྨཾ ཝི་ཉྙཱ་ཎཾ… ཝ་ཡ་དྷ་མྨཾ ཝི་ཉྙཱ་ཎཾ… ས་མུ་ད་ཡ་ཝ་ཡ་དྷ་མྨཾ ཝི་ཉྙཱ་ཎཾ ‘ས་མུ་ད་ཡ་ཝ་ཡ་དྷ་མྨཾ ཝི་ཉྙཱ་ཎ’ནྟི ཡ་ཐཱ་བྷཱུ་ཏཾ པ་ཛཱ་ནཱ་ཏི. ཨ་ཡཾ ཝུ་ཙྩ་ཏཱ་ཝུ་སོ, ཝི་ཛྫཱ; ཨེ་ཏྟཱ་ཝ་ཏཱ ཙ ཝི་ཛྫཱ་ག་ཏོ ཧོ་ཏཱི’’ཏི. ཏ་ཏི་ཡཾ.

༤. ཨ་སྶཱ་ད་སུ་ཏྟཾ

༡༢༩. བཱ་རཱ་ཎ་སི་ཡཾ ཝི་ཧ་ར་ནྟི ཨི་སི་པ་ཏ་ནེ མི་ག་དཱ་ཡེ…པེ… ཨེ་ཀ་མ་ནྟཾ ནི་སི་ནྣོ ཁོ ཨཱ་ཡ་སྨཱ མ་ཧཱ་ཀོ་ཊྛི་ཀོ ཨཱ་ཡ་སྨ་ནྟཾ སཱ་རི་པུ་ཏྟཾ ཨེ་ཏ་ད་ཝོ་ཙ – ‘‘‘ཨ་ཝི་ཛྫཱ, ཨ་ཝི་ཛྫཱ’ཏི, ཨཱ་ཝུ་སོ སཱ་རི་པུ་ཏྟ, ཝུ་ཙྩ་ཏི. ཀ་ཏ་མཱ ནུ ཁོ, ཨཱ་ཝུ་སོ, ཨ་ཝི་ཛྫཱ, ཀི་ཏྟཱ་ཝ་ཏཱ ཙ ཨ་ཝི་ཛྫཱ་ག་ཏོ ཧོ་ཏཱི’’ཏི?

‘‘ཨི་དྷཱ་ཝུ་སོ ཨ་སྶུ་ཏ་ཝཱ པུ་ཐུ་ཛྫ་ནོ རཱུ་པ་སྶ ཨ་སྶཱ་ད་ཉྩ ཨཱ་དཱི་ན་ཝ་ཉྩ ནི་སྶ་ར་ཎ་ཉྩ ཡ་ཐཱ་བྷཱུ་ཏཾ ན་པྤ་ཛཱ་ནཱ་ཏི. ཝེ་ད་ནཱ་ཡ…པེ… ས་ཉྙཱ་ཡ… ས་ངྑཱ་རཱ་ནཾ… ཝི་ཉྙཱ་ཎ་སྶ ཨ་སྶཱ་ད་ཉྩ ཨཱ་དཱི་ན་ཝ་ཉྩ ནི་སྶ་ར་ཎ་ཉྩ ཡ་ཐཱ་བྷཱུ་ཏཾ ན་པྤ་ཛཱ་ནཱ་ཏི. ཨ་ཡཾ ཝུ་ཙྩ་ཏཱ་ཝུ་སོ, ཨ་ཝི་ཛྫཱ; ཨེ་ཏྟཱ་ཝ་ཏཱ ཙ ཨ་ཝི་ཛྫཱ་ག་ཏོ ཧོ་ཏཱི’’ཏི. ཙ་ཏུ་ཏྠཾ.

༥. དུ་ཏི་ཡ་ཨ་སྶཱ་ད་སུ་ཏྟཾ

༡༣༠. བཱ་རཱ་ཎ་སི་ཡཾ ཝི་ཧ་ར་ནྟི ཨི་སི་པ་ཏ་ནེ མི་ག་དཱ་ཡེ…པེ… ‘‘‘ཝི་ཛྫཱ, ཝི་ཛྫཱ’ཏི, ཨཱ་ཝུ་སོ སཱ་རི་པུ་ཏྟ, ཝུ་ཙྩ་ཏི. ཀ་ཏ་མཱ ནུ ཁོ, ཨཱ་ཝུ་སོ, ཝི་ཛྫཱ, ཀི་ཏྟཱ་ཝ་ཏཱ ཙ ཝི་ཛྫཱ་ག་ཏོ ཧོ་ཏཱི’’ཏི?

‘‘ཨི་དྷཱ་ཝུ་སོ, སུ་ཏ་ཝཱ ཨ་རི་ཡ་སཱ་ཝ་ཀོ རཱུ་པ་སྶ ཨ་སྶཱ་ད་ཉྩ ཨཱ་དཱི་ན་ཝ་ཉྩ ནི་སྶ་ར་ཎ་ཉྩ ཡ་ཐཱ་བྷཱུ་ཏཾ པ་ཛཱ་ནཱ་ཏི. ཝེ་ད་ནཱ་ཡ…པེ… ས་ཉྙཱ་ཡ… ས་ངྑཱ་རཱ་ནཾ… ཝི་ཉྙཱ་ཎ་སྶ ཨ་སྶཱ་ད་ཉྩ ཨཱ་དཱི་ན་ཝ་ཉྩ ནི་སྶ་ར་ཎ་ཉྩ ཡ་ཐཱ་བྷཱུ་ཏཾ པ་ཛཱ་ནཱ་ཏི. ཨ་ཡཾ ཝུ་ཙྩ་ཏཱ་ཝུ་སོ, ཝི་ཛྫཱ; ཨེ་ཏྟཱ་ཝ་ཏཱ ཙ ཝི་ཛྫཱ་ག་ཏོ ཧོ་ཏཱི’’ཏི. པ་ཉྩ་མཾ.

༦. ས་མུ་ད་ཡ་སུ་ཏྟཾ

༡༣༡. བཱ་རཱ་ཎ་སི་ཡཾ ཝི་ཧ་ར་ནྟི ཨི་སི་པ་ཏ་ནེ མི་ག་དཱ་ཡེ…པེ… ‘‘‘ཨ་ཝི་ཛྫཱ, ཨ་ཝི་ཛྫཱ’ཏི, ཨཱ་ཝུ་སོ སཱ་རི་པུ་ཏྟ, ཝུ་ཙྩ་ཏི. ཀ་ཏ་མཱ ནུ ཁོ, ཨཱ་ཝུ་སོ, ཨ་ཝི་ཛྫཱ, ཀི་ཏྟཱ་ཝ་ཏཱ ཙ ཨ་ཝི་ཛྫཱ་ག་ཏོ ཧོ་ཏཱི’’ཏི?

‘‘ཨི་དྷཱ་ཝུ་སོ, ཨ་སྶུ་ཏ་ཝཱ པུ་ཐུ་ཛྫ་ནོ རཱུ་པ་སྶ ས་མུ་ད་ཡ་ཉྩ ཨ་ཏྠ་ངྒ་མ་ཉྩ ཨ་སྶཱ་ད་ཉྩ ཨཱ་དཱི་ན་ཝ་ཉྩ ནི་སྶ་ར་ཎ་ཉྩ ཡ་ཐཱ་བྷཱུ་ཏཾ ན་པྤ་ཛཱ་ནཱ་ཏི. ཝེ་ད་ནཱ་ཡ…པེ… ས་ཉྙཱ་ཡ… ས་ངྑཱ་རཱ་ནཾ… ཝི་ཉྙཱ་ཎ་སྶ ས་མུ་ད་ཡ་ཉྩ ཨ་ཏྠ་ངྒ་མ་ཉྩ ཨ་སྶཱ་ད་ཉྩ ཨཱ་དཱི་ན་ཝ་ཉྩ ནི་སྶ་ར་ཎ་ཉྩ ཡ་ཐཱ་བྷཱུ་ཏཾ ན་པྤ་ཛཱ་ནཱ་ཏི. ཨ་ཡཾ ཝུ་ཙྩ་ཏཱ་ཝུ་སོ, ཨ་ཝི་ཛྫཱ; ཨེ་ཏྟཱ་ཝ་ཏཱ ཙ ཨ་ཝི་ཛྫཱ་ག་ཏོ ཧོ་ཏཱི’’ཏི. ཚ་ཊྛཾ.

༧. དུ་ཏི་ཡ་ས་མུ་ད་ཡ་སུ་ཏྟཾ

༡༣༢. བཱ་རཱ་ཎ་སི་ཡཾ ཝི་ཧ་ར་ནྟི ཨི་སི་པ་ཏ་ནེ མི་ག་དཱ་ཡེ…པེ… ཨེ་ཀ་མ་ནྟཾ ནི་སི་ནྣོ ཁོ ཨཱ་ཡ་སྨཱ མ་ཧཱ་ཀོ་ཊྛི་ཀོ ཨཱ་ཡ་སྨ་ནྟཾ སཱ་རི་པུ་ཏྟཾ ཨེ་ཏ་ད་ཝོ་ཙ – ‘‘‘ཝི་ཛྫཱ, ཝི་ཛྫཱ’ཏི, ཨཱ་ཝུ་སོ སཱ་རི་པུ་ཏྟ, ཝུ་ཙྩ་ཏི. ཀ་ཏ་མཱ ནུ ཁོ, ཨཱ་ཝུ་སོ, ཝི་ཛྫཱ, ཀི་ཏྟཱ་ཝ་ཏཱ ཙ ཝི་ཛྫཱ་ག་ཏོ ཧོ་ཏཱི’’ཏི?

‘‘ཨི་དྷཱ་ཝུ་སོ, སུ་ཏ་ཝཱ ཨ་རི་ཡ་སཱ་ཝ་ཀོ རཱུ་པ་སྶ ས་མུ་ད་ཡ་ཉྩ ཨ་ཏྠ་ངྒ་མ་ཉྩ ཨ་སྶཱ་ད་ཉྩ ཨཱ་དཱི་ན་ཝ་ཉྩ ནི་སྶ་ར་ཎ་ཉྩ ཡ་ཐཱ་བྷཱུ་ཏཾ པ་ཛཱ་ནཱ་ཏི. ཝེ་ད་ནཱ་ཡ…པེ… ས་ཉྙཱ་ཡ… ས་ངྑཱ་རཱ་ནཾ… ཝི་ཉྙཱ་ཎ་སྶ ས་མུ་ད་ཡ་ཉྩ ཨ་ཏྠ་ངྒ་མ་ཉྩ ཨ་སྶཱ་ད་ཉྩ ཨཱ་དཱི་ན་ཝ་ཉྩ ནི་སྶ་ར་ཎ་ཉྩ ཡ་ཐཱ་བྷཱུ་ཏཾ པ་ཛཱ་ནཱ་ཏི. ཨ་ཡཾ ཝུ་ཙྩ་ཏཱ་ཝུ་སོ, ཝི་ཛྫཱ; ཨེ་ཏྟཱ་ཝ་ཏཱ ཙ ཝི་ཛྫཱ་ག་ཏོ ཧོ་ཏཱི’’ཏི. ས་ཏྟ་མཾ.

༨. ཀོ་ཊྛི་ཀ་སུ་ཏྟཾ

༡༣༣. བཱ་རཱ་ཎ་སི་ཡཾ ཝི་ཧ་ར་ནྟི ཨི་སི་པ་ཏ་ནེ མི་ག་དཱ་ཡེ. ཨ་ཐ ཁོ ཨཱ་ཡ་སྨཱ སཱ་རི་པུ་ཏྟོ སཱ་ཡ་ནྷ་ས་མ་ཡཾ…པེ… ཨེ་ཀ་མ་ནྟཾ ནི་སི་ནྣོ ཁོ ཨཱ་ཡ་སྨཱ སཱ་རི་པུ་ཏྟོ ཨཱ་ཡ་སྨ་ནྟཾ མ་ཧཱ་ཀོ་ཊྛི་ཀཾ ཨེ་ཏ་ད་ཝོ་ཙ – ‘‘‘ཨ་ཝི་ཛྫཱ, ཨ་ཝི་ཛྫཱ’ཏི, ཨཱ་ཝུ་སོ ཀོ་ཊྛི་ཀ, ཝུ་ཙྩ་ཏི. ཀ་ཏ་མཱ ནུ ཁོ, ཨཱ་ཝུ་སོ, ཨ་ཝི་ཛྫཱ, ཀི་ཏྟཱ་ཝ་ཏཱ ཙ ཨ་ཝི་ཛྫཱ་ག་ཏོ ཧོ་ཏཱི’’ཏི?

‘‘ཨི་དྷཱ་ཝུ་སོ, ཨ་སྶུ་ཏ་ཝཱ པུ་ཐུ་ཛྫ་ནོ རཱུ་པ་སྶ ཨ་སྶཱ་ད་ཉྩ ཨཱ་དཱི་ན་ཝ་ཉྩ ནི་སྶ་ར་ཎ་ཉྩ ཡ་ཐཱ་བྷཱུ་ཏཾ ན་པྤ་ཛཱ་ནཱ་ཏི. ཝེ་ད་ནཱ་ཡ…པེ… ས་ཉྙཱ་ཡ… ས་ངྑཱ་རཱ་ནཾ… ཝི་ཉྙཱ་ཎ་སྶ ཨ་སྶཱ་ད་ཉྩ ཨཱ་དཱི་ན་ཝ་ཉྩ ནི་སྶ་ར་ཎ་ཉྩ ཡ་ཐཱ་བྷཱུ་ཏཾ ན་པྤ་ཛཱ་ནཱ་ཏི. ཨ་ཡཾ ཝུ་ཙྩ་ཏཱ་ཝུ་སོ, ཨ་ཝི་ཛྫཱ; ཨེ་ཏྟཱ་ཝ་ཏཱ ཙ ཨ་ཝི་ཛྫཱ་ག་ཏོ ཧོ་ཏཱི’’ཏི.

‘‘ཨི་དྷཱ་ཝུ་སོ སུ་ཏ་ཝཱ ཨ་རི་ཡ་སཱ་ཝ་ཀོ རཱུ་པ་སྶ ཨ་སྶཱ་ད་ཉྩ ཨཱ་དཱི་ན་ཝ་ཉྩ ནི་སྶ་ར་ཎ་ཉྩ ཡ་ཐཱ་བྷཱུ་ཏཾ པ་ཛཱ་ནཱ་ཏི. ཝེ་ད་ནཱ་ཡ…པེ… ས་ཉྙཱ་ཡ… ས་ངྑཱ་རཱ་ནཾ… ཝི་ཉྙཱ་ཎ་སྶ ཨ་སྶཱ་ད་ཉྩ ཨཱ་དཱི་ན་ཝ་ཉྩ ནི་སྶ་ར་ཎ་ཉྩ ཡ་ཐཱ་བྷཱུ་ཏཾ པ་ཛཱ་ནཱ་ཏི. ཨ་ཡཾ ཝུ་ཙྩ་ཏཱ་ཝུ་སོ, ཝི་ཛྫཱ; ཨེ་ཏྟཱ་ཝ་ཏཱ ཙ ཝི་ཛྫཱ་ག་ཏོ ཧོ་ཏཱི’’ཏི. ཨ་ཊྛ་མཾ.

༩. དུ་ཏི་ཡ་ཀོ་ཊྛི་ཀ་སུ་ཏྟཾ

༡༣༤. བཱ་རཱ་ཎ་སི་ཡཾ ཝི་ཧ་ར་ནྟི ཨི་སི་པ་ཏ་ནེ མི་ག་དཱ་ཡེ…པེ… ‘‘‘ཨ་ཝི་ཛྫཱ, ཨ་ཝི་ཛྫཱ’ཏི, ཨཱ་ཝུ་སོ ཀོ་ཊྛི་ཀ, ཝུ་ཙྩ་ཏི. ཀ་ཏ་མཱ ནུ ཁོ, ཨཱ་ཝུ་སོ, ཨ་ཝི་ཛྫཱ, ཀི་ཏྟཱ་ཝ་ཏཱ ཙ ཨ་ཝི་ཛྫཱ་ག་ཏོ ཧོ་ཏཱི’’ཏི?

༡༠. ཏ་ཏི་ཡ་ཀོ་ཊྛི་ཀ་སུ་ཏྟཾ

༡༣༥. ཏ་ཉྙེ་ཝ ནི་དཱ་ནཾ. ཨེ་ཀ་མ་ནྟཾ ནི་སི་ནྣོ ཁོ ཨཱ་ཡ་སྨཱ སཱ་རི་པུ་ཏྟོ ཨཱ་ཡ་སྨ་ནྟཾ མ་ཧཱ་ཀོ་ཊྛི་ཀཾ ཨེ་ཏ་ད་ཝོ་ཙ – ‘‘‘ཨ་ཝི་ཛྫཱ, ཨ་ཝི་ཛྫཱ’ཏི, ཨཱ་ཝུ་སོ ཀོ་ཊྛི་ཀ, ཝུ་ཙྩ་ཏི. ཀ་ཏ་མཱ ནུ ཁོ, ཨཱ་ཝུ་སོ, ཨ་ཝི་ཛྫཱ, ཀི་ཏྟཱ་ཝ་ཏཱ ཙ ཨ་ཝི་ཛྫཱ་ག་ཏོ ཧོ་ཏཱི’’ཏི?

‘‘ཨི་དྷཱ་ཝུ་སོ, ཨ་སྶུ་ཏ་ཝཱ པུ་ཐུ་ཛྫ་ནོ རཱུ་པཾ ན་པྤ་ཛཱ་ནཱ་ཏི, རཱུ་པ་ས་མུ་ད་ཡཾ ན་པྤ་ཛཱ་ནཱ་ཏི, རཱུ་པ་ནི་རོ་དྷཾ ན་པྤ་ཛཱ་ནཱ་ཏི, རཱུ་པ་ནི་རོ་དྷ་གཱ་མི་ནིཾ པ་ཊི་པ་དཾ ན་པྤ་ཛཱ་ནཱ་ཏི. ཝེ་ད་ནཾ ན་པྤ་ཛཱ་ནཱ་ཏི…པེ… ས་ཉྙཾ… ས་ངྑཱ་རེ… ཝི་ཉྙཱ་ཎཾ ན་པྤ་ཛཱ་ནཱ་ཏི, ཝི་ཉྙཱ་ཎ་ས་མུ་ད་ཡཾ ན་པྤ་ཛཱ་ནཱ་ཏི, ཝི་ཉྙཱ་ཎ་ནི་རོ་དྷཾ ན་པྤ་ཛཱ་ནཱ་ཏི, ཝི་ཉྙཱ་ཎ་ནི་རོ་དྷ་གཱ་མི་ནིཾ པ་ཊི་པ་དཾ ན་པྤ་ཛཱ་ནཱ་ཏི. ཨ་ཡཾ ཝུ་ཙྩ་ཏཱ་ཝུ་སོ, ཨ་ཝི་ཛྫཱ; ཨེ་ཏྟཱ་ཝ་ཏཱ ཙ ཨ་ཝི་ཛྫཱ་ག་ཏོ ཧོ་ཏཱི’’ཏི.

ཨེ་ཝཾ ཝུ་ཏྟེ, ཨཱ་ཡ་སྨཱ སཱ་རི་པུ་ཏྟོ ཨཱ་ཡ་སྨ་ནྟཾ མ་ཧཱ་ཀོ་ཊྛི་ཀཾ ཨེ་ཏ་ད་ཝོ་ཙ – ‘‘‘ཝི་ཛྫཱ, ཝི་ཛྫཱ’ཏི, ཨཱ་ཝུ་སོ ཀོ་ཊྛི་ཀ, ཝུ་ཙྩ་ཏི. ཀ་ཏ་མཱ ནུ ཁོ, ཨཱ་ཝུ་སོ, ཝི་ཛྫཱ, ཀི་ཏྟཱ་ཝ་ཏཱ ཙ ཝི་ཛྫཱ་ག་ཏོ ཧོ་ཏཱི’’ཏི? ‘‘ཨི་དྷཱ་ཝུ་སོ, སུ་ཏ་ཝཱ ཨ་རི་ཡ་སཱ་ཝ་ཀོ རཱུ་པཾ པ་ཛཱ་ནཱ་ཏི, རཱུ་པ་ས་མུ་ད་ཡཾ པ་ཛཱ་ནཱ་ཏི, རཱུ་པ་ནི་རོ་དྷཾ པ་ཛཱ་ནཱ་ཏི, རཱུ་པ་ནི་རོ་དྷ་གཱ་མི་ནིཾ པ་ཊི་པ་དཾ པ་ཛཱ་ནཱ་ཏི. ཝེ་ད་ནཾ… ས་ཉྙཾ… ས་ངྑཱ་རེ… ཝི་ཉྙཱ་ཎཾ པ་ཛཱ་ནཱ་ཏི, ཝི་ཉྙཱ་ཎ་ས་མུ་ད་ཡཾ པ་ཛཱ་ནཱ་ཏི, ཝི་ཉྙཱ་ཎ་ནི་རོ་དྷཾ པ་ཛཱ་ནཱ་ཏི, ཝི་ཉྙཱ་ཎ་ནི་རོ་དྷ་གཱ་མི་ནིཾ པ་ཊི་པ་དཾ པ་ཛཱ་ནཱ་ཏི. ཨ་ཡཾ ཝུ་ཙྩ་ཏཱ་ཝུ་སོ, ཝི་ཛྫཱ; ཨེ་ཏྟཱ་ཝ་ཏཱ ཙ ཝི་ཛྫཱ་ག་ཏོ ཧོ་ཏཱི’’ཏི. ད་ས་མཾ.

ཨ་ཝི་ཛྫཱ་ཝ་གྒོ ཏེ་ར་ས་མོ.

ཏ་སྶུ་དྡཱ་ནཾ –

ས་མུ་ད་ཡ་དྷ་མྨེ ཏཱི་ཎི, ཨ་སྶཱ་དོ ཨ་པ་རེ དུ་ཝེ;

ས་མུ་ད་ཡེ ཙ དྭེ ཝུ་ཏྟཱ, ཀོ་ཊྛི་ཀེ ཨ་པ་རེ ཏ་ཡོ་ཏི.