༤. དུ་ཏི་ཡ་དྷ་མྨ་ཀ་ཐི་ཀ་སུ་ཏྟཾ

༡༡༦. སཱ་ཝ་ཏྠི་ནི་དཱ་ནཾ. ཨེ་ཀ་མ་ནྟཾ ནི་སི་ནྣོ ཁོ སོ བྷི་ཀྑུ བྷ་ག་ཝ་ནྟཾ ཨེ་ཏ་ད་ཝོ་ཙ – ‘‘‘དྷ་མྨ་ཀ་ཐི་ཀོ དྷ་མྨ་ཀ་ཐི་ཀོ’ཏི, བྷ་ནྟེ, ཝུ་ཙྩ་ཏི. ཀི་ཏྟཱ་ཝ་ཏཱ ནུ ཁོ, བྷ་ནྟེ, དྷ་མྨ་ཀ་ཐི་ཀོ ཧོ་ཏི, ཀི་ཏྟཱ་ཝ་ཏཱ དྷ་མྨཱ་ནུ་དྷ་མྨ་པྤ་ཊི་པ་ནྣོ ཧོ་ཏི, ཀི་ཏྟཱ་ཝ་ཏཱ དི་ཊྛ་དྷ་མྨ་ནི་བྦཱ་ན་པྤ་ཏྟོ ཧོ་ཏཱི’’ཏི? ‘‘རཱུ་པ་སྶ ཙེ, བྷི་ཀྑུ, ནི་བྦི་དཱ་ཡ ཝི་རཱ་གཱ་ཡ ནི་རོ་དྷཱ་ཡ དྷ་མྨཾ དེ་སེ་ཏི, ‘དྷ་མྨ་ཀ་ཐི་ཀོ བྷི་ཀྑཱུ’ཏི ཨ་ལཾ ཝ་ཙ་ནཱ་ཡ. རཱུ་པ་སྶ ཙེ, བྷི་ཀྑུ, ནི་བྦི་དཱ་ཡ ཝི་རཱ་གཱ་ཡ ནི་རོ་དྷཱ་ཡ པ་ཊི་པ་ནྣོ ཧོ་ཏི, ‘དྷ་མྨཱ་ནུ་དྷ་མྨ་པྤ་ཊི་པ་ནྣོ བྷི་ཀྑཱུ’ཏི ཨ་ལཾ ཝ་ཙ་ནཱ་ཡ. རཱུ་པ་སྶ ཙེ, བྷི་ཀྑུ, ནི་བྦི་དཱ ཝི་རཱ་གཱ ནི་རོ་དྷཱ ཨ་ནུ་པཱ་དཱ་ཝི་མུ་ཏྟོ ཧོ་ཏི, ‘དི་ཊྛ་དྷ་མྨ་ནི་བྦཱ་ན་པྤ་ཏྟོ བྷི་ཀྑཱུ’ཏི ཨ་ལཾ ཝ་ཙ་ནཱ་ཡ. ཝེ་ད་ནཱ་ཡ ཙེ, བྷི་ཀྑུ…པེ… ས་ཉྙཱ་ཡ ཙེ, བྷི་ཀྑུ… ས་ངྑཱ་རཱ་ནཾ ཙེ, བྷི་ཀྑུ… ཝི་ཉྙཱ་ཎ་སྶ ཙེ, བྷི་ཀྑུ, ནི་བྦི་དཱ་ཡ ཝི་རཱ་གཱ་ཡ ནི་རོ་དྷཱ་ཡ དྷ་མྨཾ དེ་སེ་ཏི, ‘དྷ་མྨ་ཀ་ཐི་ཀོ བྷི་ཀྑཱུ’ཏི ཨ་ལཾ ཝ་ཙ་ནཱ་ཡ. ཝི་ཉྙཱ་ཎ་སྶ ཙེ, བྷི་ཀྑུ, ནི་བྦི་དཱ་ཡ ཝི་རཱ་གཱ་ཡ ནི་རོ་དྷཱ་ཡ པ་ཊི་པ་ནྣོ ཧོ་ཏི, ‘དྷ་མྨཱ་ནུ་དྷ་མྨ་པྤ་ཊི་པ་ནྣོ བྷི་ཀྑཱུ’ཏི ཨ་ལཾ ཝ་ཙ་ནཱ་ཡ. ཝི་ཉྙཱ་ཎ་སྶ ཙེ, བྷི་ཀྑུ, ནི་བྦི་དཱ ཝི་རཱ་གཱ ནི་རོ་དྷཱ ཨ་ནུ་པཱ་དཱ་ཝི་མུ་ཏྟོ ཧོ་ཏི, ‘དི་ཊྛ་དྷ་མྨ་ནི་བྦཱ་ན་པྤ་ཏྟོ བྷི་ཀྑཱུ’ཏི ཨ་ལཾ ཝ་ཙ་ནཱ་ཡཱ’’ཏི. ཙ་ཏུ་ཏྠཾ.