༢. ཝི་ཛྫཱ་སུ་ཏྟཾ

༡༡༤. སཱ་ཝ་ཏྠི་ནི་དཱ་ནཾ. ཨེ་ཀ་མ་ནྟཾ ནི་སི་ནྣོ ཁོ སོ བྷི་ཀྑུ བྷ་ག་ཝ་ནྟཾ ཨེ་ཏ་ད་ཝོ་ཙ – ‘‘‘ཝི་ཛྫཱ ཝི་ཛྫཱ’ཏི, བྷ་ནྟེ, ཝུ་ཙྩ་ཏི. ཀ་ཏ་མཱ ནུ ཁོ, བྷ་ནྟེ, ཝི་ཛྫཱ, ཀི་ཏྟཱ་ཝ་ཏཱ ཙ ཝི་ཛྫཱ་ག་ཏོ ཧོ་ཏཱི’’ཏི? ‘‘ཨི་དྷ, བྷི་ཀྑུ, སུ་ཏ་ཝཱ ཨ་རི་ཡ་སཱ་ཝ་ཀོ རཱུ་པཾ པ་ཛཱ་ནཱ་ཏི, རཱུ་པ་ས་མུ་ད་ཡཾ པ་ཛཱ་ནཱ་ཏི, རཱུ་པ་ནི་རོ་དྷཾ པ་ཛཱ་ནཱ་ཏི, རཱུ་པ་ནི་རོ་དྷ་གཱ་མི་ནིཾ པ་ཊི་པ་དཾ པ་ཛཱ་ནཱ་ཏི. ཝེ་ད་ནཾ… ས་ཉྙཾ… ས་ངྑཱ་རེ པ་ཛཱ་ནཱ་ཏི…པེ… ཝི་ཉྙཱ་ཎ་ནི་རོ་དྷ་གཱ་མི་ནིཾ པ་ཊི་པ་དཾ པ་ཛཱ་ནཱ་ཏི. ཨ་ཡཾ ཝུ་ཙྩ་ཏི, བྷི་ཀྑུ, ཝི་ཛྫཱ. ཨེ་ཏྟཱ་ཝ་ཏཱ ཙ ཝི་ཛྫཱ་ག་ཏོ ཧོ་ཏཱི’’ཏི. དུ་ཏི་ཡཾ.