༤. པ་རི་ཉྙེ་ཡྻ་སུ་ཏྟཾ

༡༠༦. སཱ་ཝ་ཏྠི་ནི་དཱ་ནཾ. ‘‘པ་རི་ཉྙེ་ཡྻེ ཙ, བྷི་ཀྑ་ཝེ, དྷ་མྨེ དེ་སེ་སྶཱ་མི པ་རི་ཉྙ་ཉྩ པ་རི་ཉྙཱ་ཏཱ་ཝི་ཉྩ པུ་གྒ་ལཾ. ཏཾ སུ་ཎཱ་ཐ. ཀ་ཏ་མེ ཙ, བྷི་ཀྑ་ཝེ, པ་རི་ཉྙེ་ཡྻཱ དྷ་མྨཱ? རཱུ་པཾ, བྷི་ཀྑ་ཝེ, པ་རི་ཉྙེ་ཡྻོ དྷ་མྨོ. ཝེ་ད་ནཱ…པེ… ས་ཉྙཱ… ས་ངྑཱ་རཱ… ཝི་ཉྙཱ་ཎཾ པ་རི་ཉྙེ་ཡྻོ དྷ་མྨོ. ཨི་མེ ཝུ་ཙྩ་ནྟི, བྷི་ཀྑ་ཝེ, པ་རི་ཉྙེ་ཡྻཱ དྷ་མྨཱ. ཀ་ཏ་མཱ ཙ, བྷི་ཀྑ་ཝེ, པ་རི་ཉྙཱ? རཱ་ག་ཀྑ་ཡོ, དོ་ས་ཀྑ་ཡོ, མོ་ཧ་ཀྑ་ཡོ – ཨ་ཡཾ ཝུ་ཙྩ་ཏི, བྷི་ཀྑ་ཝེ, པ་རི་ཉྙཱ. ཀ་ཏ་མོ ཙ, བྷི་ཀྑ་ཝེ, པ་རི་ཉྙཱ་ཏཱ་ཝཱི པུ་གྒ་ལོ? ཨ་ར་ཧཱ་ཏི་སྶ ཝ་ཙ་ནཱི་ཡཾ. ཡྭཱ་ཡཾ ཨཱ་ཡ་སྨཱ ཨེ་ཝཾ་ནཱ་མོ ཨེ་ཝཾ་གོ་ཏྟོ – ཨ་ཡཾ ཝུ་ཙྩ་ཏི, བྷི་ཀྑ་ཝེ, པ་རི་ཉྙཱ་ཏཱ་ཝཱི པུ་གྒ་ལོ’’ཏི. ཙ་ཏུ་ཏྠཾ.