༡. ཨ་ནྟ་སུ་ཏྟཾ

༡༠༣. སཱ་ཝ་ཏྠི་ནི་དཱ་ནཾ. ‘‘ཙ་ཏྟཱ་རོ་མེ, བྷི་ཀྑ་ཝེ, ཨ་ནྟཱ. ཀ་ཏ་མེ ཙ་ཏྟཱ་རོ? ས་ཀྐཱ་ཡ་ནྟོ, ས་ཀྐཱ་ཡ་ས་མུ་ད་ཡ་ནྟོ, ས་ཀྐཱ་ཡ་ནི་རོ་དྷ་ནྟོ, ས་ཀྐཱ་ཡ་ནི་རོ་དྷ་གཱ་མི་ནི་པྤ་ཊི་པ་ད་ནྟོ. ཀ་ཏ་མོ ཙ, བྷི་ཀྑ་ཝེ, ས་ཀྐཱ་ཡ་ནྟོ? པ་ཉྩུ་པཱ་དཱ་ན་ཀྑ་ནྡྷཱ་ཏི་སྶ ཝ་ཙ་ནཱི་ཡཾ. ཀ་ཏ་མེ པ་ཉྩ? སེ་ཡྻ་ཐི་དཾ – རཱུ་པུ་པཱ་དཱ་ན་ཀྑ་ནྡྷོ, ཝེ་ད་ནུ་པཱ་དཱ་ན་ཀྑ་ནྡྷོ, ས་ཉྙུ་པཱ་དཱ་ན་ཀྑ་ནྡྷོ, ས་ངྑཱ་རུ་པཱ་དཱ་ན་ཀྑ་ནྡྷོ, ཝི་ཉྙཱ་ཎུ་པཱ་དཱ་ན་ཀྑ་ནྡྷོ – ཨ་ཡཾ ཝུ་ཙྩ་ཏི, བྷི་ཀྑ་ཝེ, ས་ཀྐཱ་ཡ་ནྟོ’’.

‘‘ཀ་ཏ་མོ ཙ, བྷི་ཀྑ་ཝེ, ས་ཀྐཱ་ཡ་ས་མུ་ད་ཡ་ནྟོ? ཡཱ་ཡཾ ཏ་ཎྷཱ པོ་ནོ་བྷ་ཝི་ཀཱ ན་ནྡི་རཱ་ག་ས་ཧ་ག་ཏཱ ཏ་ཏྲ་ཏ་ཏྲཱ་བྷི་ན་ནྡི་ནཱི, སེ་ཡྻ་ཐི་དཾ – ཀཱ་མ་ཏ་ཎྷཱ, བྷ་ཝ་ཏ་ཎྷཱ, ཝི་བྷ་ཝ་ཏ་ཎྷཱ. ཨ་ཡཾ ཝུ་ཙྩ་ཏི, བྷི་ཀྑ་ཝེ, ས་ཀྐཱ་ཡ་ས་མུ་ད་ཡ་ནྟོ.

‘‘ཀ་ཏ་མོ ཙ, བྷི་ཀྑ་ཝེ, ས་ཀྐཱ་ཡ་ནི་རོ་དྷ་ནྟོ? ཡོ ཏ་སྶཱ་ཡེ་ཝ ཏ་ཎྷཱ་ཡ ཨ་སེ་ས་ཝི་རཱ་ག་ནི་རོ་དྷོ ཙཱ་གོ པ་ཊི་ནི་སྶ་གྒོ མུ་ཏྟི ཨ་ནཱ་ལ་ཡོ – ཨ་ཡཾ ཝུ་ཙྩ་ཏི, བྷི་ཀྑ་ཝེ, ས་ཀྐཱ་ཡ་ནི་རོ་དྷ་ནྟོ.

‘‘ཀ་ཏ་མོ ཙ, བྷི་ཀྑ་ཝེ, ས་ཀྐཱ་ཡ་ནི་རོ་དྷ་གཱ་མི་ནི་པྤ་ཊི་པ་ད་ནྟོ? ཨ་ཡ་མེ་ཝ ཨ་རི་ཡོ ཨ་ཊྛ་ངྒི་ཀོ མ་གྒོ. སེ་ཡྻ་ཐི་དཾ – ས་མྨཱ་དི་ཊྛི, ས་མྨཱ་ས་ངྐ་པྤོ, ས་མྨཱ་ཝཱ་ཙཱ, ས་མྨཱ་ཀ་མྨ་ནྟོ, ས་མྨཱ་ཨཱ་ཛཱི་ཝོ, ས་མྨཱ་ཝཱ་ཡཱ་མོ, ས་མྨཱ་ས་ཏི, ས་མྨཱ་ས་མཱ་དྷི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ས་ཀྐཱ་ཡ་ནི་རོ་དྷ་གཱ་མི་ནི་པྤ་ཊི་པ་ད་ནྟོ. ཨི་མེ ཁོ, བྷི་ཀྑ་ཝེ, ཙ་ཏྟཱ་རོ ཨ་ནྟཱ’’ཏི. པ་ཋ་མཾ.