༨. ནོ་པ་རི་ཡེ་ས་ནཱ་ནཱ་ན་ཏྟ་སུ་ཏྟཾ

༩༢. སཱ་ཝ་ཏྠི་ཡཾ ཝི་ཧ་ར་ཏི…པེ… ‘‘དྷཱ་ཏུ་ནཱ་ན་ཏྟཾ, བྷི་ཀྑ་ཝེ, པ་ཊི་ཙྩ ཨུ་པྤ་ཛྫ་ཏི ས་ཉྙཱ་ནཱ་ན་ཏྟཾ, ས་ཉྙཱ་ནཱ་ན་ཏྟཾ པ་ཊི་ཙྩ ཨུ་པྤ་ཛྫ་ཏི ས་ངྐ་པྤ་ནཱ་ན་ཏྟཾ, ས་ངྐ་པྤ་ནཱ་ན་ཏྟཾ པ་ཊི་ཙྩ ཨུ་པྤ་ཛྫ་ཏི ཚ་ནྡ་ནཱ་ན་ཏྟཾ, ཚ་ནྡ་ནཱ་ན་ཏྟཾ པ་ཊི་ཙྩ ཨུ་པྤ་ཛྫ་ཏི པ་རི་ལཱ༹་ཧ་ནཱ་ན་ཏྟཾ, པ་རི་ལཱ༹་ཧ་ནཱ་ན་ཏྟཾ པ་ཊི་ཙྩ ཨུ་པྤ་ཛྫ་ཏི པ་རི་ཡེ་ས་ནཱ་ནཱ་ན་ཏྟཾ; ནོ པ་རི་ཡེ་ས་ནཱ་ནཱ་ན་ཏྟཾ པ་ཊི་ཙྩ ཨུ་པྤ་ཛྫ་ཏི པ་རི་ལཱ༹་ཧ་ནཱ་ན་ཏྟཾ, ནོ པ་རི་ལཱ༹་ཧ་ནཱ་ན་ཏྟཾ པ་ཊི་ཙྩ ཨུ་པྤ་ཛྫ་ཏི ཚ་ནྡ་ནཱ་ན་ཏྟཾ, ནོ ཚ་ནྡ་ནཱ་ན་ཏྟཾ པ་ཊི་ཙྩ ཨུ་པྤ་ཛྫ་ཏི ས་ངྐ་པྤ་ནཱ་ན་ཏྟཾ, ནོ ས་ངྐ་པྤ་ནཱ་ན་ཏྟཾ པ་ཊི་ཙྩ ཨུ་པྤ་ཛྫ་ཏི ས་ཉྙཱ་ནཱ་ན་ཏྟཾ, ནོ ས་ཉྙཱ་ནཱ་ན་ཏྟཾ པ་ཊི་ཙྩ ཨུ་པྤ་ཛྫ་ཏི དྷཱ་ཏུ་ནཱ་ན་ཏྟཾ. ཀ་ཏ་མ་ཉྩ, བྷི་ཀྑ་ཝེ, དྷཱ་ཏུ་ནཱ་ན་ཏྟཾ? རཱུ་པ་དྷཱ་ཏུ…པེ… དྷ་མྨ་དྷཱ་ཏུ – ཨི་དཾ ཝུ་ཙྩ་ཏི, བྷི་ཀྑ་ཝེ, དྷཱ་ཏུ་ནཱ་ན་ཏྟཾ’’.

‘‘ཀ་ཐ་ཉྩ, བྷི་ཀྑ་ཝེ, དྷཱ་ཏུ་ནཱ་ན་ཏྟཾ པ་ཊི་ཙྩ ཨུ་པྤ་ཛྫ་ཏི ས་ཉྙཱ་ནཱ་ན་ཏྟཾ, ས་ཉྙཱ་ནཱ་ན་ཏྟཾ པ་ཊི་ཙྩ ཨུ་པྤ་ཛྫ་ཏི…པེ… པ་རི་ཡེ་ས་ནཱ་ནཱ་ན་ཏྟཾ; ནོ པ་རི་ཡེ་ས་ནཱ་ནཱ་ན་ཏྟཾ པ་ཊི་ཙྩ ཨུ་པྤ་ཛྫ་ཏི པ་རི་ལཱ༹་ཧ་ནཱ་ན་ཏྟཾ, ནོ པ་རི་ལཱ༹་ཧ་ནཱ་ན་ཏྟཾ པ་ཊི་ཙྩ ཨུ་པྤ་ཛྫ་ཏི ཚ་ནྡ་ནཱ་ན་ཏྟཾ, ནོ ཚ་ནྡ་ནཱ་ན་ཏྟཾ པ་ཊི་ཙྩ ཨུ་པྤ་ཛྫ་ཏི ས་ངྐ་པྤ་ནཱ་ན་ཏྟཾ, ནོ ས་ངྐ་པྤ་ནཱ་ན་ཏྟཾ པ་ཊི་ཙྩ ཨུ་པྤ་ཛྫ་ཏི ས་ཉྙཱ་ནཱ་ན་ཏྟཾ, ནོ ས་ཉྙཱ་ནཱ་ན་ཏྟཾ པ་ཊི་ཙྩ ཨུ་པྤ་ཛྫ་ཏི དྷཱ་ཏུ་ནཱ་ན་ཏྟཾ?

‘‘རཱུ་པ་དྷཱ་ཏུཾ, བྷི་ཀྑ་ཝེ, པ་ཊི་ཙྩ ཨུ་པྤ་ཛྫ་ཏི རཱུ་པ་ས་ཉྙཱ…པེ… དྷ་མྨ་དྷཱ་ཏུཾ པ་ཊི་ཙྩ ཨུ་པྤ་ཛྫ་ཏི དྷ་མྨ་ས་ཉྙཱ, དྷ་མྨ་ས་ཉྙཾ པ་ཊི་ཙྩ ཨུ་པྤ་ཛྫ་ཏི…པེ… དྷ་མྨ་པ་རི་ཡེ་ས་ནཱ; ནོ དྷ་མྨ་པ་རི་ཡེ་ས་ནཾ པ་ཊི་ཙྩ ཨུ་པྤ་ཛྫ་ཏི དྷ་མྨ་པ་རི་ལཱ༹་ཧོ, ནོ དྷ་མྨ་པ་རི་ལཱ༹་ཧཾ པ་ཊི་ཙྩ ཨུ་པྤ་ཛྫ་ཏི དྷ་མྨ་ཙྪ་ནྡོ, ནོ དྷ་མྨ་ཙྪ་ནྡཾ པ་ཊི་ཙྩ ཨུ་པྤ་ཛྫ་ཏི དྷ་མྨ་ས་ངྐ་པྤོ, ནོ དྷ་མྨ་ས་ངྐ་པྤཾ པ་ཊི་ཙྩ ཨུ་པྤ་ཛྫ་ཏི དྷ་མྨ་ས་ཉྙཱ, ནོ དྷ་མྨ་ས་ཉྙཾ པ་ཊི་ཙྩ ཨུ་པྤ་ཛྫ་ཏི དྷ་མྨ་དྷཱ་ཏུ.

‘‘ཨེ་ཝཾ ཁོ, བྷི་ཀྑ་ཝེ, དྷཱ་ཏུ་ནཱ་ན་ཏྟཾ པ་ཊི་ཙྩ ཨུ་པྤ་ཛྫ་ཏི ས་ཉྙཱ་ནཱ་ན་ཏྟཾ, ས་ཉྙཱ་ནཱ་ན་ཏྟཾ པ་ཊི་ཙྩ ཨུ་པྤ་ཛྫ་ཏི…པེ… པ་རི་ཡེ་ས་ནཱ་ནཱ་ན་ཏྟཾ; ནོ པ་རི་ཡེ་ས་ནཱ་ནཱ་ན་ཏྟཾ པ་ཊི་ཙྩ ཨུ་པྤ་ཛྫ་ཏི པ་རི་ལཱ༹་ཧ་ནཱ་ན་ཏྟཾ, ནོ པ་རི་ལཱ༹་ཧ་ནཱ་ན་ཏྟཾ པ་ཊི་ཙྩ ཨུ་པྤ་ཛྫ་ཏི ཚ་ནྡ་ནཱ་ན་ཏྟཾ, ནོ ཚ་ནྡ་ནཱ་ན་ཏྟཾ པ་ཊི་ཙྩ ཨུ་པྤ་ཛྫ་ཏི ས་ངྐ་པྤ་ནཱ་ན་ཏྟཾ, ནོ ས་ངྐ་པྤ་ནཱ་ན་ཏྟཾ པ་ཊི་ཙྩ ཨུ་པྤ་ཛྫ་ཏི ས་ཉྙཱ་ནཱ་ན་ཏྟཾ, ནོ ས་ཉྙཱ་ནཱ་ན་ཏྟཾ པ་ཊི་ཙྩ ཨུ་པྤ་ཛྫ་ཏི དྷཱ་ཏུ་ནཱ་ན་ཏྟ’’ནྟི. ཨ་ཊྛ་མཾ.