༦. དུ་ཏི་ཡ་པ་ཐ་ཝཱི་སུ་ཏྟཾ

༧༩. སཱ་ཝ་ཏྠི་ཡཾ ཝི་ཧ་ར་ཏི…པེ… ‘‘སེ་ཡྻ་ཐཱ་པི, བྷི་ཀྑ་ཝེ, མ་ཧཱ་པ་ཐ་ཝཱི པ་རི་ཀྑ་ཡཾ པ་རི་ཡཱ་དཱ་ནཾ ག་ཙྪེ་ཡྻ, ཋ་པེ་ཏྭཱ ས་ཏྟ ཀོ་ལ་ཊྛི་མ་ཏྟི་ཡོ གུ་ལི༹་ཀཱ. ཏཾ ཀིཾ མ་ཉྙ་ཐ, བྷི་ཀྑ་ཝེ, ཀ་ཏ་མཾ ནུ ཁོ བ་ཧུ་ཏ་རཾ, ཡཾ ཝཱ མ་ཧཱ་པ་ཐ་ཝི་ཡཱ པ་རི་ཀྑཱི་ཎཾ པ་རི་ཡཱ་དི་ཎྞཾ ཡཱ ཝཱ ས་ཏྟ ཀོ་ལ་ཊྛི་མ་ཏྟི་ཡོ གུ་ལི༹་ཀཱ ཨ་ཝ་སི་ཊྛཱ’’ཏི?

‘‘ཨེ་ཏ་དེ་ཝ བྷ་ནྟེ, བ་ཧུ་ཏ་རཾ, མ་ཧཱ་པ་ཐ་ཝི་ཡཱ, ཡ་དི་དཾ པ་རི་ཀྑཱི་ཎཾ པ་རི་ཡཱ་དི་ཎྞཾ; ཨ་པྤ་མ་ཏྟི་ཀཱ ས་ཏྟ ཀོ་ལ་ཊྛི་མ་ཏྟི་ཡོ གུ་ལི༹་ཀཱ ཨ་ཝ་སི་ཊྛཱ. ནེ་ཝ ས་ཏི་མཾ ཀ་ལཾ ཨུ་པེ་ནྟི ན ས་ཧ་སྶི་མཾ ཀ་ལཾ ཨུ་པེ་ནྟི ན ས་ཏ་ས་ཧ་སྶི་མཾ ཀ་ལཾ ཨུ་པེ་ནྟི མ་ཧཱ་པ་ཐ་ཝི་ཡཱ པ་རི་ཀྑཱི་ཎཾ པ་རི་ཡཱ་དི་ཎྞཾ ཨུ་པ་ནི་དྷཱ་ཡ ས་ཏྟ ཀོ་ལ་ཊྛི་མ་ཏྟི་ཡོ གུ་ལི༹་ཀཱ ཨ་ཝ་སི་ཊྛཱ’’ཏི. ‘‘ཨེ་ཝ་མེ་ཝ ཁོ, བྷི་ཀྑ་ཝེ…པེ… དྷ་མྨ་ཙ་ཀྑུ་པ་ཊི་ལཱ་བྷོ’’ཏི. ཚ་ཊྛཾ.