༣. ས་མྦྷེ་ཛྫ་ཨུ་ད་ཀ་སུ་ཏྟཾ

༧༦. སཱ་ཝ་ཏྠི་ཡཾ ཝི་ཧ་ར་ཏི…པེ… ‘‘སེ་ཡྻ་ཐཱ་པི, བྷི་ཀྑ་ཝེ, ཡ་ཏྠི་མཱ མ་ཧཱ་ན་དི་ཡོ སཾ་ས་ནྡ་ནྟི ས་མེ་ནྟི, སེ་ཡྻ་ཐི་དཾ – ག་ངྒཱ ཡ་མུ་ནཱ ཨ་ཙི་ར་ཝ་ཏཱི ས་ར་བྷཱུ མ་ཧཱི, ཏ་ཏོ པུ་རི་སོ དྭེ ཝཱ ཏཱི་ཎི ཝཱ ཨུ་ད་ཀ་ཕུ་སི་ཏཱ་ནི ཨུ་དྡྷ་རེ་ཡྻ. ཏཾ ཀིཾ མ་ཉྙ་ཐ, བྷི་ཀྑ་ཝེ, ཀ་ཏ་མཾ ནུ ཁོ བ་ཧུ་ཏ་རཾ, ཡཱ་ནི ཝཱ དྭེ ཝཱ ཏཱི་ཎི ཝཱ ཨུ་ད་ཀ་ཕུ་སི་ཏཱ་ནི ཨུ་བྦྷ་ཏཱ་ནི ཡཾ ཝཱ ས་མྦྷེ་ཛྫ་ཨུ་ད་ཀ’’ནྟི?

‘‘ཨེ་ཏ་དེ་ཝ, བྷ་ནྟེ, བ་ཧུ་ཏ་རཾ ཡ་དི་དཾ ས་མྦྷེ་ཛྫ་ཨུ་ད་ཀཾ; ཨ་པྤ་མ་ཏྟ་ཀཱ་ནི དྭེ ཝཱ ཏཱི་ཎི ཝཱ ཨུ་ད་ཀ་ཕུ་སི་ཏཱ་ནི ཨུ་བྦྷ་ཏཱ་ནི. ནེ་ཝ ས་ཏི་མཾ ཀ་ལཾ ཨུ་པེ་ནྟི ན ས་ཧ་སྶི་མཾ ཀ་ལཾ ཨུ་པེ་ནྟི ན ས་ཏ་ས་ཧ་སྶི་མཾ ཀ་ལཾ ཨུ་པེ་ནྟི ས་མྦྷེ་ཛྫ་ཨུ་ད་ཀཾ ཨུ་པ་ནི་དྷཱ་ཡ དྭེ ཝཱ ཏཱི་ཎི ཝཱ ཨུ་ད་ཀ་ཕུ་སི་ཏཱ་ནི ཨུ་བྦྷ་ཏཱ་ནཱི’’ཏི. ‘‘ཨེ་ཝ་མེ་ཝ ཁོ, བྷི་ཀྑ་ཝེ…པེ… དྷ་མྨ་ཙ་ཀྑུ་པ་ཊི་ལཱ་བྷོ’’ཏི. ཏ་ཏི་ཡཾ.