༧. ཨུ་པ་ཙཱ་ལཱ་སུ་ཏྟཾ

༡༦༨. སཱ་ཝ་ཏྠི་ནི་དཱ་ནཾ. ཨ་ཐ ཁོ ཨུ་པ་ཙཱ་ལཱ བྷི་ཀྑུ་ནཱི པུ་བྦ་ཎྷ་ས་མ་ཡཾ ནི་ཝཱ་སེ་ཏྭཱ…པེ… ཨ་ཉྙ་ཏ་ར་སྨིཾ རུ་ཀྑ་མཱུ་ལེ དི་ཝཱ་ཝི་ཧཱ་རཾ ནི་སཱི་དི. ཨ་ཐ ཁོ མཱ་རོ པཱ་པི་མཱ ཡེ་ན ཨུ་པ་ཙཱ་ལཱ བྷི་ཀྑུ་ནཱི ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ ཨུ་པ་ཙཱ་ལཾ བྷི་ཀྑུ་ནིཾ ཨེ་ཏ་ད་ཝོ་ཙ – ‘‘ཀ་ཏྠ ནུ ཏྭཾ, བྷི་ཀྑུ་ནི, ཨུ་པྤ་ཛྫི་ཏུ་ཀཱ་མཱ’’ཏི? ‘‘ན ཁྭཱ་ཧཾ, ཨཱ་ཝུ་སོ, ཀ་ཏྠ་ཙི ཨུ་པྤ་ཛྫི་ཏུ་ཀཱ་མཱ’’ཏི.

‘‘ཏཱ་ཝ་ཏིཾ་སཱ ཙ ཡཱ་མཱ ཙ, ཏུ་སི་ཏཱ ཙཱ་པི དེ་ཝ་ཏཱ;

ནི་མྨཱ་ན་ར་ཏི་ནོ དེ་ཝཱ, ཡེ དེ་ཝཱ ཝ་ས་ཝ་ཏྟི་ནོ;

ཏ་ཏྠ ཙི་ཏྟཾ པ་ཎི་དྷེ་ཧི, ར་ཏིཾ པ་ཙྩ་ནུ་བྷོ་སྶ་སཱི’’ཏི.

‘‘ཏཱ་ཝ་ཏིཾ་སཱ ཙ ཡཱ་མཱ ཙ, ཏུ་སི་ཏཱ ཙཱ་པི དེ་ཝ་ཏཱ;

ནི་མྨཱ་ན་ར་ཏི་ནོ དེ་ཝཱ, ཡེ དེ་ཝཱ ཝ་ས་ཝ་ཏྟི་ནོ;

ཀཱ་མ་བ་ནྡྷ་ན་བ་དྡྷཱ ཏེ, ཨེ་ནྟི མཱ་ར་ཝ་སཾ པུ་ན.

‘‘ས་བྦོ ཨཱ་དཱི་པི་ཏོ [ས་བྦོ་ཝ ཨཱ་དི་ཏྟོ (སྱཱ. ཀཾ.)] ལོ་ཀོ, ས་བྦོ ལོ་ཀོ པ་དྷཱུ་པི་ཏོ;

ས་བྦོ པ་ཛྫ་ལི་ཏོ [པ་ཛྫ་ལི་ཏོ (ས་བྦ་ཏྠ)] ལོ་ཀོ, ས་བྦོ ལོ་ཀོ པ་ཀ་མྤི་ཏོ.

‘‘ཨ་ཀ་མྤི་ཏཾ ཨ་པ་ཛྫ་ལི་ཏཾ [ཨ་ཙ་ལི་ཏཾ (སཱི. སྱཱ. ཀཾ. པཱི.)], ཨ་པུ་ཐུ་ཛྫ་ན་སེ་ཝི་ཏཾ;

ཨ་ག་ཏི ཡ་ཏྠ མཱ་ར་སྶ, ཏ་ཏྠ མེ ནི་ར་ཏོ མ་ནོ’’ཏི.

ཨ་ཐ ཁོ མཱ་རོ པཱ་པི་མཱ ‘‘ཛཱ་ནཱ་ཏི མཾ ཨུ་པ་ཙཱ་ལཱ བྷི་ཀྑུ་ནཱི’’ཏི དུ་ཀྑཱི དུ་མྨ་ནོ ཏ་ཏྠེ་ཝ་ནྟ་ར་དྷཱ་ཡཱི་ཏི.