༨. ཨ་མྦ་ཝི་མཱ་ན་ཝ་ཏྠུ
༧༨༣. ‘‘དི་བྦཾ ཏེ ཨ་མྦ་ཝ་ནཾ ར་མྨཾ, པཱ་སཱ་དེ་ཏྠ མ་ཧ་ལླ་ཀོ;
ནཱ་ནཱ་ཏུ་རི་ཡ་ས་ངྒྷུ་ཊྛོ, ཨ་ཙྪ་རཱ་ག་ཎ་གྷོ་སི་ཏོ.
༧༨༤. ‘‘པ་དཱི་པོ ཙེ་ཏྠ ཛ་ལ་ཏི, ནི་ཙྩཾ སོ་ཝ་ཎྞ་ཡོ མ་ཧཱ;
དུ་སྶ་ཕ་ལེ་ཧི རུ་ཀྑེ་ཧི, ས་མ་ནྟཱ པ་རི་ཝཱ་རི་ཏོ.
༧༨༥. ‘‘ཀེ་ན ཏེ་ཏཱ་དི་སོ ཝ་ཎྞོ…པེ…ཝ་ཎྞོ ཙ ཏེ ས་བྦ་དི་སཱ པ་བྷཱ་ས་ཏཱི’’ཏི;
༧༨༧. སཱ དེ་ཝ་ཏཱ ཨ་ཏྟ་མ་ནཱ…པེ… ཡ་སྶ ཀ་མྨ་སྶི་དཾ ཕ་ལཾ.
༧༨༨. ‘‘ཨ་ཧཾ མ་ནུ་སྶེ་སུ མ་ནུ་སྶ་བྷཱུ་ཏཱ, པུ་རི་མཱ་ཡ ཛཱ་ཏི་ཡཱ མ་ནུ་སྶ་ལོ་ཀེ;
ཝི་ཧཱ་རཾ ས་ངྒྷ་སྶ ཀཱ་རེ་སིཾ, ཨ་མྦེ་ཧི པ་རི་ཝཱ་རི་ཏཾ.
༧༨༩. ‘‘པ་རི་ཡོ་སི་ཏེ ཝི་ཧཱ་རེ, ཀཱ་རེ་ནྟེ ནི་ཊྛི་ཏེ མ་ཧེ;
ཨ་མྦེ་ཧི ཚཱ་ད་ཡི་ཏྭཱ་ན [ཨ་མྦེ ཨ་ཙྪཱ་ད་ཡི་ཏྭཱ་ན (སཱི. སྱཱ.), ཨ་མྦེ་ཧ་ཙྪཱ་ད་ཡི་ཏྭཱ་ན (པཱི. ཀ.)], ཀ་ཏྭཱ དུ་སྶ་མ་ཡེ ཕ་ལེ.
༧༩༠. ‘‘པ་དཱི་པཾ ཏ་ཏྠ ཛཱ་ལེ་ཏྭཱ, བྷོ་ཛ་ཡི་ཏྭཱ ག་ཎུ་ཏྟ་མཾ;
ནི་ཡྻཱ་དེ་སིཾ ཏཾ ས་ངྒྷ་སྶ, པ་ས་ནྣཱ སེ་ཧི པཱ་ཎི་བྷི.
༧༩༡. ‘‘ཏེ་ན མེ ཨ་མྦ་ཝ་ནཾ ར་མྨཾ, པཱ་སཱ་དེ་ཏྠ མ་ཧ་ལླ་ཀོ;
ནཱ་ནཱ་ཏུ་རི་ཡ་ས་ངྒྷུ་ཊྛོ, ཨ་ཙྪ་རཱ་ག་ཎ་གྷོ་སི་ཏོ.
༧༩༢. ‘‘པ་དཱི་པོ ཙེ་ཏྠ ཛ་ལ་ཏི, ནི་ཙྩཾ སོ་ཝ་ཎྞ་ཡོ མ་ཧཱ;
དུ་སྶ་ཕ་ལེ་ཧི རུ་ཀྑེ་ཧི, ས་མ་ནྟཱ པ་རི་ཝཱ་རི་ཏོ.
༧༩༣. ‘‘ཏེ་ན མེ་ཏཱ་དི་སོ ཝ་ཎྞོ…པེ…ཝ་ཎྞོ ཙ མེ ས་བྦ་དི་སཱ པ་བྷཱ་ས་ཏཱི’’ཏི.
ཨ་མྦ་ཝི་མཱ་ནཾ ཨ་ཊྛ་མཾ.