༣. ནཱ་ག་ཝི་མཱ་ན་ཝ་ཏྠུ
༧༠༥. ‘‘ཨ་ལ་ངྐ་ཏཱ མ་ཎི་ཀ་ཉྩ་ནཱ་ཙི་ཏཾ, སོ་ཝ་ཎྞ་ཛཱ་ལ་ཙི་ཏཾ མ་ཧ་ནྟཾ;
ཨ་བྷི་རུ་ཡ྄ཧ ག་ཛ་ཝ་རཾ སུ་ཀ་པྤི་ཏཾ, ཨི་དྷཱ་ག་མཱ ཝེ་ཧཱ་ཡ་སཾ [ཝེ་ཧཱ་ས་ཡཾ (སཱི.)] ཨ་ནྟ་ལི་ཀྑེ.
༧༠༦. ‘‘ནཱ་ག་སྶ ད་ནྟེ་སུ དུ་ཝེ་སུ ནི་མྨི་ཏཱ, ཨ་ཙྪོ་ད་ཀཱ [ཨ་ཙྪོ་དི་ཀཱ (སཱི. ཀ.)] པ་དུ་མི་ནི་ཡོ སུ་ཕུ་ལླཱ;
པ་དུ་མེ་སུ ཙ ཏུ་རི་ཡ་ག་ཎཱ པ་བྷི་ཛྫ་རེ, ཨི་མཱ ཙ ན་ཙྩ་ནྟི མ་ནོ་ཧ་རཱ་ཡོ.
༧༠༧. ‘‘དེ་ཝི་དྡྷི་པ་ཏྟཱ་སི མ་ཧཱ་ནུ་བྷཱ་ཝེ, མ་ནུ་སྶ་བྷཱུ་ཏཱ ཀི་མ་ཀཱ་སི པུ་ཉྙཾ;
ཀེ་ནཱ་སི ཨེ་ཝཾ ཛ་ལི་ཏཱ་ནུ་བྷཱ་ཝཱ, ཝ་ཎྞོ ཙ ཏེ ས་བྦ་དི་སཱ པ་བྷཱ་ས་ཏཱི’’ཏི.
༧༠༨. ‘‘བཱ་རཱ་ཎ་སི་ཡཾ ཨུ་པ་ས་ངྐ་མི་ཏྭཱ, བུ་དྡྷ་སྶ་ཧཾ ཝ་ཏྠ་ཡུ་གཾ ཨ་དཱ་སིཾ;
པཱ་དཱ་ནི ཝ་ནྡི་ཏྭཱ [ཝ་ནྡི་ཏྭ (སཱི.)] ཚ་མཱ ནི་སཱི་དིཾ, ཝི་ཏྟཱ ཙ་ཧཾ ཨ་ཉྫ་ལི་ཀཾ ཨ་ཀཱ་སིཾ.
༧༠༩. ‘‘བུ་དྡྷོ ཙ མེ ཀ་ཉྩ་ན་ས་ནྣི་བྷ་ཏྟ་ཙོ, ཨ་དེ་ས་ཡི ས་མུ་ད་ཡ་དུ་ཀྑ་ནི་ཙྩ་ཏཾ;
ཨ་ས་ངྑ་ཏཾ དུ་ཀྑ་ནི་རོ་དྷ་ས་སྶ་ཏཾ, མ་གྒཾ ཨ་དེ་ས་ཡི [ཨ་དེ་སེ་སི (སཱི.)] ཡ་ཏོ ཝི་ཛཱ་ནི་སཾ;
༧༡༠. ‘‘ཨ་པྤཱ་ཡུ་ཀཱི ཀཱ་ལ་ཀ་ཏཱ ཏ་ཏོ ཙུ་ཏཱ, ཨུ་པ་པ་ནྣཱ ཏི་ད་ས་ག་ཎཾ ཡ་ས་སྶི་ནཱི;
ས་ཀྐ་སྶ་ཧཾ ཨ་ཉྙ་ཏ་རཱ པ་ཛཱ་པ་ཏི, ཡ་སུ་ཏྟ་རཱ ནཱ་མ དི་སཱ་སུ ཝི་སྶུ་ཏཱ’’ཏི.
ནཱ་ག་ཝི་མཱ་ནཾ ཏ་ཏི་ཡཾ.