༨. མ་ལླི་ཀཱ་ཝི་མཱ་ན་ཝ་ཏྠུ

༦༥༨. ‘‘པཱི་ཏ་ཝ་ཏྠེ པཱི་ཏ་དྷ་ཛེ, པཱི་ཏཱ་ལ་ངྐཱ་ར་བྷཱུ་སི་ཏེ;

པཱི་ཏ་ནྟ་རཱ་ཧི ཝ་གྒཱུ་ཧི, ཨ་པི་ལ༹་ནྡྷཱ་ཝ སོ་བྷ་སི.

༦༥༩. ‘‘ཀཱ ཀ་མྦུ་ཀཱ་ཡཱུ་ར་དྷ་རེ [ཀ་ཀ་མྦུ་ཀཱ་ཡུ་ར་དྷ་རེ (སྱཱ.)], ཀ་ཉྩ་ནཱ་ཝེ་ལ༹་བྷཱུ་སི་ཏེ;

ཧེ་མ་ཛཱ་ལ་ཀ་ས་ཉྪ་ནྣེ [པ་ཙྪ་ནྣེ (སཱི.)], ནཱ་ནཱ་ར་ཏ་ན་མཱ་ལི་ནཱི.

༦༦༠. ‘‘སོ་ཝ་ཎྞ་མ་ཡཱ ལོ་ཧི་ཏ་ངྒ་མ་ཡཱ [ལོ་ཧི་ཏ་ངྐ་མ་ཡཱ (སཱི. སྱཱ.)] ཙ, མུ་ཏྟཱ་མ་ཡཱ ཝེ་ལུ༹་རི་ཡ་མ་ཡཱ ཙ;

མ་སཱ་ར་ག་ལླཱ ས་ཧ་ལོ་ཧི་ཏ་ངྒཱ [ས་ཧ་ལོ་ཧི་ཏ་ངྐཱ (སཱི.), ས་ཧ་ལོ་ཧི་ཏ་ཀཱ (སྱཱ.)], པཱ་རེ་ཝ་ཏ་ཀྑཱི་ཧི མ་ཎཱི་ཧི ཙི་ཏྟ་ཏཱ.

༦༦༡. ‘‘ཀོ་ཙི ཀོ་ཙི ཨེ་ཏྠ མ་ཡཱུ་ར་སུ་སྶ་རོ, ཧཾ་ས་སྶ ར་ཉྙོ ཀ་ར་ཝཱི་ཀ་སུ་སྶ་རོ;

ཏེ་སཾ ས་རོ སུ་ཡྻ་ཏི ཝ་གྒུ་རཱུ་པོ, པ་ཉྩ་ངྒི་ཀཾ ཏཱུ་རི་ཡ་མི་ཝ་པྤ་ཝཱ་དི་ཏཾ.

༦༦༢. ‘‘ར་ཐོ ཙ ཏེ སུ་བྷོ ཝ་གྒུ [ཝ་གྒཱུ (སྱཱ.)], ནཱ་ནཱ་ར་ཏ་ན་ཙི་ཏྟི་ཏོ [ནཱ་ནཱ་ར་ཏ་ན་ཙི་ཏྟ་ངྒོ (སྱཱ.)];

ནཱ་ནཱ་ཝ་ཎྞཱ་ཧི དྷཱ་ཏཱུ་ཧི, སུ་ཝི་བྷ་ཏྟོ་ཝ སོ་བྷ་ཏི.

༦༦༣. ‘‘ཏ་སྨིཾ ར་ཐེ ཀ་ཉྩ་ན་བི་མྦ་ཝ་ཎྞེ, ཡཱ ཏྭཾ [ཡ་ཏྠ (ཀ. སཱི. སྱཱ. ཀ.)] ཋི་ཏཱ བྷཱ་ས་སི མཾ པ་དེ་སཾ;

དེ་ཝ་ཏེ པུ་ཙྪི་ཏཱ་ཙི་ཀྑ, ཀི་སྶ ཀ་མྨ་སྶི་དཾ ཕ་ལ’’ནྟི.

༦༦༤. ‘‘སོ་ཝ་ཎྞ་ཛཱ་ལཾ མ་ཎི་སོ་ཎྞ་ཙི་ཏྟི་ཏཾ [ཝི་ཙི་ཏྟཾ (ཀ.), ཙི་ཏྟཾ (སཱི. སྱཱ.)], མུ་ཏྟཱ་ཙི་ཏཾ ཧེ་མ་ཛཱ་ལེ་ན ཚ་ནྣཾ [ས་ཉྪ་ནྣཾ (ཀ.)];

པ་རི་ནི་བྦུ་ཏེ གོ་ཏ་མེ ཨ་པྤ་མེ་ཡྻེ, པ་ས་ནྣ་ཙི་ཏྟཱ ཨ་ཧ་མཱ་བྷི་རོ་པ་ཡིཾ.

༦༦༥. ‘‘ཏཱ་ཧཾ ཀ་མྨཾ ཀ་རི་ཏྭཱ་ན, ཀུ་ས་ལཾ བུ་དྡྷ་ཝ་ཎྞི་ཏཾ;

ཨ་པེ་ཏ་སོ་ཀཱ སུ་ཁི་ཏཱ, ས་མྤ་མོ་དཱ་མ་ནཱ་མ་ཡཱ’’ཏི.

མ་ལླི་ཀཱ་ཝི་མཱ་ནཾ ཨ་ཊྛ་མཾ.