༦. པ་ཋ་མ་ནཱ་ཝཱ་ཝི་མཱ་ན་ཝ་ཏྠུ
༤༣. ‘‘སུ་ཝ་ཎྞ་ཙྪ་ད་ནཾ ནཱ་ཝཾ, ནཱ་རི ཨཱ་རུ་ཡ྄ཧ ཏི་ཊྛ་སི;
ཨོ་གཱ་ཧ་སི པོ་ཀྑ་ར་ཎིཾ, པ་དྨཾ [པ་དུ་མཾ (སཱི. སྱཱ.)] ཚི་ནྡ་སི པཱ་ཎི་ནཱ.
༤༤. ‘‘ཀེ་ན ཏེ་ཏཱ་དི་སོ ཝ་ཎྞོ, ཀེ་ན ཏེ ཨི་དྷ མི་ཛ྄ཛྷ་ཏི;
ཨུ་པྤ་ཛྫ་ནྟི ཙ ཏེ བྷོ་གཱ, ཡེ ཀེ་ཙི མ་ན་སོ པི་ཡཱ.
༤༥. ‘‘པུ་ཙྪཱ་མི ཏཾ དེ་ཝི མ་ཧཱ་ནུ་བྷཱ་ཝེ, མ་ནུ་སྶ་བྷཱུ་ཏཱ ཀི་མ་ཀཱ་སི པུ་ཉྙཾ;
ཀེ་ནཱ་སི ཨེ་ཝཾ ཛ་ལི་ཏཱ་ནུ་བྷཱ་ཝཱ, ཝ་ཎྞོ ཙ ཏེ ས་བྦ་དི་སཱ པ་བྷཱ་ས་ཏཱི’’ཏི.
༤༦. སཱ དེ་ཝ་ཏཱ ཨ་ཏྟ་མ་ནཱ, མོ་གྒ་ལླཱ་ནེ་ན པུ་ཙྪི་ཏཱ;
པ་ཉྷཾ པུ་ཊྛཱ ཝི་ཡཱ་ཀཱ་སི, ཡ་སྶ ཀ་མྨ་སྶི་དཾ ཕ་ལཾ.
༤༧. ‘‘ཨ་ཧཾ མ་ནུ་སྶེ་སུ མ་ནུ་སྶ་བྷཱུ་ཏཱ, པུ་རི་མཱ་ཡ ཛཱ་ཏི་ཡཱ མ་ནུ་སྶ་ལོ་ཀེ;
དི་སྭཱ་ན བྷི་ཀྑཱུ ཏ་སི་ཏེ ཀི་ལ་ནྟེ, ཨུ་ཊྛཱ་ཡ པཱ་ཏུཾ ཨུ་ད་ཀཾ ཨ་དཱ་སིཾ.
༤༨. ‘‘ཡོ ཝེ ཀི་ལ་ནྟཱ་ན པི་པཱ་སི་ཏཱ་ནཾ, ཨུ་ཊྛཱ་ཡ པཱ་ཏུཾ ཨུ་ད་ཀཾ ད་དཱ་ཏི;
སཱི་ཏོ་ད་ཀཱ [སཱི་ཏོ་དི་ཀཱ (སཱི.)] ཏ་སྶ བྷ་ཝ་ནྟི ན་ཛྫོ, པ་ཧཱུ་ཏ་མ་ལྱཱ བ་ཧུ་པུ་ཎྜ་རཱི་ཀཱ.
༤༩. ‘‘ཏཾ ཨཱ་པ་གཱ [ཏ་མཱ་པ་གཱ (སཱི. ཀ.)] ཨ་ནུ་པ་རི་ཡ་ནྟི ས་བྦ་དཱ, སཱི་ཏོ་ད་ཀཱ ཝཱ་ལུ་ཀ་ས་ནྠ་ཏཱ ན་དཱི;
ཨ་མྦཱ ཙ སཱ་ལཱ ཏི་ལ་ཀཱ ཙ ཛ་མྦུ་ཡོ, ཨུ་དྡཱ་ལ་ཀཱ པཱ་ཊ་ལི་ཡོ ཙ ཕུ་ལླཱ.
༥༠. ‘‘ཏཾ བྷཱུ་མི་བྷཱ་གེ་ཧི ཨུ་པེ་ཏ་རཱུ་པཾ, ཝི་མཱ་ན་སེ་ཊྛཾ བྷུ་ས་སོ་བྷ་མཱ་ནཾ;
ཏ་སྶཱི་དྷ [ཏ་སྶེ་ཝ (སྱཱ.)] ཀ་མྨ་སྶ ཨ་ཡཾ ཝི་པཱ་ཀོ, ཨེ་ཏཱ་དི་སཾ པུ་ཉྙ་ཀ་ཏཱ [ཀ་ཏ་པུ་ཉྙཱ (སཱི.)] ལ་བྷ་ནྟི.
༥༡. ‘‘ཏེ་ན མེ་ཏཱ་དི་སོ ཝ་ཎྞོ, ཏེ་ན མེ ཨི་དྷ མི་ཛ྄ཛྷ་ཏི;
ཨུ་པྤ་ཛྫ་ནྟི ཙ མེ བྷོ་གཱ, ཡེ ཀེ་ཙི མ་ན་སོ པི་ཡཱ.
༥༢. ‘‘ཨ་ཀྑཱ་མི ཏེ བྷི་ཀྑུ མ་ཧཱ་ནུ་བྷཱ་ཝ, མ་ནུ་སྶ་བྷཱུ་ཏཱ ཡ་མ་ཀཱ་སི པུ་ཉྙཾ;
ཏེ་ན་མྷི ཨེ་ཝཾ ཛ་ལི་ཏཱ་ནུ་བྷཱ་ཝཱ, ཝ་ཎྞོ ཙ མེ ས་བྦ་དི་སཱ པ་བྷཱ་ས་ཏཱི’’ཏི.
པ་ཋ་མ་ནཱ་ཝཱ་ཝི་མཱ་ནཾ ཚ་ཊྛཾ.