༡. པ་ཉྩ་ས་ཏ་མ་ཏྟཱ་ཐེ་རཱི་གཱ་ཐཱ

༡༢༧. ‘‘ཡ་སྶ མ་གྒཾ ན ཛཱ་ནཱ་སི, ཨཱ་ག་ཏ་སྶ ག་ཏ་སྶ ཝཱ;

ཏཾ ཀུ་ཏོ ཙཱ་ག་ཏཾ ས་ཏྟཾ [ས་ནྟཾ (སཱི.), པུ་ཏྟཾ (སྱཱ.)], ‘མ་མ པུ་ཏྟོ’ཏི རོ་ད་སི.

༡༢༨. ‘‘མ་གྒ་ཉྩ ཁོ་སྶ [ཁོ’ཐ (སྱཱ. ཀ.)] ཛཱ་ནཱ་སི, ཨཱ་ག་ཏ་སྶ ག་ཏ་སྶ ཝཱ;

ན ནཾ ས་མ་ནུ་སོ་ཙེ་སི, ཨེ་ཝཾ་དྷ་མྨཱ ཧི པཱ་ཎི་ནོ.

༡༢༩. ‘‘ཨ་ཡཱ་ཙི་ཏོ ཏ་ཏཱ་ག་ཙྪི, ནཱ་ནུ་ཉྙཱ་ཏོ [ཨ་ན་ནུ་ཉྙཱ་ཏོ (སཱི. སྱཱ.)] ཨི་ཏོ ག་ཏོ;

ཀུ་ཏོ་ཙི ནཱུ་ན ཨཱ་ག་ནྟྭཱ, ཝ་སི་ཏྭཱ ཀ་ཏི་པཱ་ཧ་ཀཾ;

ཨི་ཏོ་པི ཨ་ཉྙེ་ན ག་ཏོ, ཏ་ཏོ་པ་ཉྙེ་ན ག་ཙྪ་ཏི.

༡༣༠. ‘‘པེ་ཏོ མ་ནུ་སྶ་རཱུ་པེ་ན, སཾ་ས་ར་ནྟོ ག་མི་སྶ་ཏི;

ཡ་ཐཱ་ག་ཏོ ཏ་ཐཱ ག་ཏོ, ཀཱ ཏ་ཏྠ པ་རི་དེ་ཝ་ནཱ’’.

༡༣༡. ‘‘ཨ་བྦ་ཧཱི [ཨ་བྦུ་ཡ྄ཧཾ (སྱཱ.)] ཝ་ཏ མེ ས་ལླཾ, དུ་དྡ་སཾ ཧ་ད་ཡ་སྶི་ཏཾ;

ཡཱ མེ སོ་ཀ་པ་རེ་ཏཱ་ཡ, པུ་ཏྟ་སོ་ཀཾ བྱ་པཱ་ནུ་དི.

༡༣༢. ‘‘སཱ་ཛྫ ཨ་བྦཱུ་ལ༹ྷ་ས་ལླཱ་ཧཾ, ནི་ཙྪཱ་ཏཱ པ་རི་ནི་བྦུ་ཏཱ;

བུ་དྡྷཾ དྷ་མྨ་ཉྩ ས་ངྒྷ་ཉྩ, ཨུ་པེ་མི ས་ར་ཎཾ མུ་ནིཾ’’.

ཨི་ཏྠཾ སུ་དཾ པ་ཉྩ་ས་ཏ་མ་ཏྟཱ ཐེ་རཱི བྷི་ཀྑུ་ནི་ཡོ…པེ….