༤. སུ་ནྡ་རཱི་ན་ནྡཱ་ཐེ་རཱི་གཱ་ཐཱ
༨༢. ‘‘ཨཱ་ཏུ་རཾ ཨ་སུ་ཙིཾ པཱུ་ཏིཾ, པ་སྶ ན་ནྡེ ས་མུ་སྶ་ཡཾ;
ཨ་སུ་བྷཱ་ཡ ཙི་ཏྟཾ བྷཱ་ཝེ་ཧི, ཨེ་ཀ་གྒཾ སུ་ས་མཱ་ཧི་ཏཾ.
༨༣. ‘‘ཡ་ཐཱ ཨི་དཾ ཏ་ཐཱ ཨེ་ཏཾ, ཡ་ཐཱ ཨེ་ཏཾ ཏ་ཐཱ ཨི་དཾ;
དུ་གྒ་ནྡྷཾ པཱུ་ཏི་ཀཾ ཝཱ་ཏི, བཱ་ལཱ་ནཾ ཨ་བྷི་ན་ནྡི་ཏཾ.
༨༤. ‘‘ཨེ་ཝ་མེ་ཏཾ ཨ་ཝེ་ཀྑ་ནྟཱི, ར་ཏྟི་ནྡི་ཝ་མ་ཏ་ནྡི་ཏཱ;
ཏ་ཏོ ས་ཀཱ་ཡ པ་ཉྙཱ་ཡ, ཨ་བྷི་ནི་བྦི་ཛ྄ཛྷ [ཨ་བྷི་ནི་བྦི་ཛྫ (སཱི. སྱཱ.)] ད་ཀྑི་སཾ.
༨༥. ‘‘ཏ་སྶཱ མེ ཨ་པྤ་མ་ཏྟཱ་ཡ, ཝི་ཙི་ན་ནྟི་ཡཱ ཡོ་ནི་སོ;
ཡ་ཐཱ་བྷཱུ་ཏཾ ཨ་ཡཾ ཀཱ་ཡོ, དི་ཊྛོ ས་ནྟ་ར་བཱ་ཧི་རོ.
༨༦. ‘‘ཨ་ཐ ནི་བྦི་ནྡ་ཧཾ ཀཱ་ཡེ, ཨ་ཛ྄ཛྷ་ཏྟ་ཉྩ ཝི་ར་ཛྫ་ཧཾ;
ཨ་པྤ་མ་ཏྟཱ ཝི་སཾ་ཡུ་ཏྟཱ, ཨུ་པ་ས་ནྟཱ་མྷི ནི་བྦུ་ཏཱ’’ཏི.
… སུ་ནྡ་རཱི་ན་ནྡཱ ཐེ་རཱི….