༣. མ་ཧཱ་པ་ནྠ་ཀ་ཏྠེ་ར་གཱ་ཐཱ
༥༡༠. ‘‘ཡ་དཱ པ་ཋ་མ་མ་དྡ་ཀྑིཾ, ས་ཏྠཱ་ར་མ་ཀུ་ཏོ་བྷ་ཡཾ;
ཏ་ཏོ མེ ཨ་ཧུ སཾ་ཝེ་གོ, པ་སྶི་ཏྭཱ པུ་རི་སུ་ཏྟ་མཾ.
༥༡༡. ‘‘སི་རིཾ ཧ་ཏྠེ་ཧི པཱ་དེ་ཧི, ཡོ པ་ཎཱ་མེ་ཡྻ ཨཱ་ག་ཏཾ;
ཨེ་ཏཱ་དི་སཾ སོ ས་ཏྠཱ་རཾ, ཨཱ་རཱ་དྷེ་ཏྭཱ ཝི་རཱ་དྷ་ཡེ.
༥༡༢. ‘‘ཏ་དཱ་ཧཾ པུ་ཏྟ་དཱ་ར་ཉྩ, དྷ་ན་དྷ་ཉྙ་ཉྩ ཚ་ཌྜ་ཡིཾ;
ཀེ་ས་མ་སྶཱུ་ནི ཚེ་དེ་ཏྭཱ, པ་བྦ་ཛིཾ ཨ་ན་གཱ་རི་ཡཾ.
༥༡༣. ‘‘སི་ཀྑཱ་སཱ་ཛཱི་ཝ་ས་མྤ་ནྣོ, ཨི་ནྡྲི་ཡེ་སུ སུ་སཾ་ཝུ་ཏོ;
ན་མ་སྶ་མཱ་ནོ ས་མྦུ་དྡྷཾ, ཝི་ཧཱ་སིཾ ཨ་པ་རཱ་ཛི་ཏོ.
༥༡༤. ‘‘ཏ་ཏོ མེ པ་ཎི་དྷཱི ཨཱ་སི, ཙེ་ཏ་སོ ཨ་བྷི་པ་ཏྠི་ཏོ;
ན ནི་སཱི་དེ མུ་ཧུ་ཏྟ་མྤི, ཏ་ཎྷཱ་ས་ལླེ ཨ་ནཱུ་ཧ་ཏེ.
༥༡༥. ‘‘ཏ་སྶ མེ་ཝཾ ཝི་ཧ་ར་ཏོ, པ་སྶ ཝཱི་རི་ཡ་པ་ར་ཀྐ་མཾ;
ཏི་སྶོ ཝི་ཛྫཱ ཨ་ནུ་པྤ་ཏྟཱ, ཀ་ཏཾ བུ་དྡྷ་སྶ སཱ་ས་ནཾ.
༥༡༦. ‘‘པུ་བྦེ་ནི་ཝཱ་སཾ ཛཱ་ནཱ་མི, དི་བྦ་ཙ་ཀྑུ ཝི་སོ་དྷི་ཏཾ;
ཨ་ར་ཧཱ ད་ཀྑི་ཎེ་ཡྻོ་མྷི, ཝི་པྤ་མུ་ཏྟོ ནི་རཱུ་པ་དྷི.
༥༡༧. ‘‘ཏ་ཏོ ར་ཏྱཱ ཝི་ཝ་སཱ་ནེ [ཝི་ཝ་ས་ནེ (སཱི. སྱཱ.)], སཱུ་རི་ཡ་སྶུ་གྒ་མ་ནཾ པ་ཏི;
ས་བྦཾ ཏ་ཎྷཾ ཝི་སོ་སེ་ཏྭཱ, པ་ལླ་ངྐེ་ན ཨུ་པཱ་ཝི་སི’’ནྟི.
… མ་ཧཱ་པ་ནྠ་ཀོ ཐེ་རོ….
ཨ་ཊྛ་ཀ་ནི་པཱ་ཏོ ནི་ཊྛི་ཏོ.