༤. སོ་པཱ་ཀ་ཏྠེ་ར་གཱ་ཐཱ
༤༨༠. ‘‘དི་སྭཱ པཱ་སཱ་ད་ཚཱ་ཡཱ་ཡཾ, ཙ་ངྐ་མ་ནྟཾ ན་རུ་ཏྟ་མཾ;
ཏ་ཏྠ ནཾ ཨུ་པ་ས་ངྐ་མྨ, ཝ་ནྡི་སྶཾ [ཝ་ནྡི་སཾ (སཱི. པཱི.)] པུ་རི་སུ་ཏྟ་མཾ.
༤༨༡. ‘‘ཨེ་ཀཾ་སཾ ཙཱི་ཝ་རཾ ཀ་ཏྭཱ, སཾ་ཧ་རི་ཏྭཱ་ན པཱ་ཎ་ཡོ;
ཨ་ནུ་ཙ་ངྐ་མི་སྶཾ ཝི་ར་ཛཾ, ས་བྦ་ས་ཏྟཱ་ན་མུ་ཏྟ་མཾ.
༤༨༢. ‘‘ཏ་ཏོ པ་ཉྷེ ཨ་པུ་ཙྪི མཾ, པ་ཉྷཱ་ནཾ ཀོ་ཝི་དོ ཝི་དཱུ;
ཨ་ཙྪ་མྦྷཱི ཙ ཨ་བྷཱི་ཏོ ཙ, བྱཱ་ཀཱ་སིཾ ས་ཏྠུ་ནོ ཨ་ཧཾ.
༤༨༣. ‘‘ཝི་སྶ་ཛྫི་ཏེ་སུ པ་ཉྷེ་སུ, ཨ་ནུ་མོ་དི ཏ་ཐཱ་ག་ཏོ;
བྷི་ཀྑུ་ས་ངྒྷཾ ཝི་ལོ་ཀེ་ཏྭཱ, ཨི་མ་མ་ཏྠཾ ཨ་བྷཱ་ས་ཐ’’.
༤༨༤. ‘‘ལཱ་བྷཱ ཨ་ངྒཱ་ནཾ མ་ག་དྷཱ་ནཾ, ཡེ་སཱ་ཡཾ པ་རི་བྷུ་ཉྫ་ཏི;
ཙཱི་ཝ་རཾ པི་ཎྜ་པཱ་ཏ་ཉྩ, པ་ཙྩ་ཡཾ ས་ཡ་ནཱ་ས་ནཾ;
པ་ཙྩུ་ཊྛཱ་ན་ཉྩ སཱ་མཱི་ཙིཾ, ཏེ་སཾ ལཱ་བྷཱ’’ཏི ཙཱ་བྲ་ཝི.
༤༨༥. ‘‘ཨ་ཛྫ་ཏ་གྒེ མཾ སོ་པཱ་ཀ, ད་སྶ་ནཱ་ཡོ་པ་ས་ངྐ་མ;
ཨེ་སཱ ཙེ་ཝ ཏེ སོ་པཱ་ཀ, བྷ་ཝ་ཏུ ཨུ་པ་ས་མྤ་དཱ’’.
༤༨༦. ‘‘ཛཱ་ཏི་ཡཱ ས་ཏྟ་ཝ་སྶོ་ཧཾ, ལ་དྡྷཱ་ན ཨུ་པ་ས་མྤ་དཾ;
དྷཱ་རེ་མི ཨ་ནྟི་མཾ དེ་ཧཾ, ཨ་ཧོ དྷ་མྨ་སུ་དྷ་མྨ་ཏཱ’’ཏི.
… སོ་པཱ་ཀོ ཐེ་རོ….