༩. པུ་རོ་ཧི་ཏ་པུ་ཏྟ་ཛེ་ནྟ་ཏྠེ་ར་གཱ་ཐཱ

༤༢༣. ‘‘ཛཱ་ཏི་མ་དེ་ན མ་ཏྟོ་ཧཾ, བྷོ་ག་ཨི་སྶ་རི་ཡེ་ན ཙ;

ས་ཎྛཱ་ན་ཝ་ཎྞ་རཱུ་པེ་ན, མ་ད་མ་ཏྟོ ཨ་ཙཱ་རི་ཧཾ.

༤༢༤. ‘‘ནཱ་ཏྟ་ནོ ས་མ་ཀཾ ཀ་ཉྩི, ཨ་ཏི་རེ་ཀཾ ཙ མ་ཉྙི་སཾ;

ཨ་ཏི་མཱ་ན་ཧ་ཏོ བཱ་ལོ, པ་ཏྠ་དྡྷོ ཨུ་སྶི་ཏ་དྡྷ་ཛོ.

༤༢༥. ‘‘མཱ་ཏ་རཾ པི་ཏ་ར་ཉྩཱ་པི, ཨ་ཉྙེ་པི ག་རུ་ས་མྨ་ཏེ;

ན ཀ་ཉྩི ཨ་བྷི་ཝཱ་དེ་སིཾ, མཱ་ན་ཏྠ་དྡྷོ ཨ་ནཱ་ད་རོ.

༤༢༦. ‘‘དི་སྭཱ ཝི་ནཱ་ཡ་ཀཾ ཨ་གྒཾ, སཱ་ར་ཐཱི་ནཾ ཝ་རུ་ཏྟ་མཾ;

ཏ་པ་ནྟ་མི་ཝ ཨཱ་དི་ཙྩཾ, བྷི་ཀྑུ་ས་ངྒྷ་པུ་ར་ཀྑ་ཏཾ.

༤༢༧. ‘‘མཱ་ནཾ མ་ད་ཉྩ ཚ་ཌྜེ་ཏྭཱ, ཝི་པྤ་ས་ནྣེ་ན ཙེ་ཏ་སཱ;

སི་ར་སཱ ཨ་བྷི་ཝཱ་དེ་སིཾ, ས་བྦ་ས་ཏྟཱ་ན་མུ་ཏྟ་མཾ.

༤༢༨. ‘‘ཨ་ཏི་མཱ་ནོ ཙ ཨོ་མཱ་ནོ, པ་ཧཱི་ནཱ སུ་ས་མཱུ་ཧ་ཏཱ;

ཨ་སྨི་མཱ་ནོ ས་མུ་ཙྪི་ནྣོ, ས་བྦེ མཱ་ན་ཝི་དྷཱ ཧ་ཏཱ’’ཏི.

… ཛེ་ནྟོ པུ་རོ་ཧི་ཏ་པུ་ཏྟོ ཐེ་རོ….