༢. སུ་བྷཱུ་ཏ་ཏྠེ་ར་གཱ་ཐཱ

༣༢༠. ‘‘ཨ་ཡོ་གེ ཡུ་ཉྫ་མ་ཏྟཱ་ནཾ, པུ་རི་སོ ཀི་ཙྩ་མི་ཙྪ་ཀོ [ཀི་ཙྩ་མི་ཙྪ་ཏོ (སཱི.), ཀི་ཙྩ་མི་ཙྪ་ཡཾ (ཀ་ཏྠ་ཙི)];

ཙ་རཾ ཙེ ནཱ་དྷི་ག་ཙྪེ་ཡྻ, ‘ཏཾ མེ དུ་བྦྷ་ག་ལ་ཀྑ་ཎཾ’.

༣༢༡. ‘‘ཨ་བྦཱུ་ལ༹ྷཾ ཨ་གྷ་ག་ཏཾ ཝི་ཛི་ཏཾ, ཨེ་ཀ་ཉྩེ ཨོ་སྶ་ཛེ་ཡྻ ཀ་ལཱི་ཝ སི་ཡཱ;

ས་བྦཱ་ནི་པི ཙེ ཨོ་སྶ་ཛེ་ཡྻ ཨ་ནྡྷོ་ཝ སི་ཡཱ, ས་མ་ཝི་ས་མ་སྶ ཨ་ད་སྶ་ན་ཏོ.

༣༢༢. ‘‘ཡ་ཉྷི ཀ་ཡི་རཱ ཏ་ཉྷི ཝ་དེ, ཡཾ ན ཀ་ཡི་རཱ ན ཏཾ ཝ་དེ;

ཨ་ཀ་རོ་ནྟཾ བྷཱ་ས་མཱ་ནཾ, པ་རི་ཛཱ་ན་ནྟི པ་ཎྜི་ཏཱ.

༣༢༣. [དྷ. པ. ༥༡ དྷ་མྨ་པ་དེ་པི] ‘‘ཡ་ཐཱ་པི རུ་ཙི་རཾ པུ་པྥཾ, ཝ་ཎྞ་ཝ་ནྟཾ ཨ་ག་ནྡྷ་ཀཾ;

ཨེ་ཝཾ སུ་བྷཱ་སི་ཏཱ ཝཱ་ཙཱ, ཨ་ཕ་ལཱ ཧོ་ཏི ཨ་ཀུ་བྦ་ཏོ.

༣༢༤. [དྷ. པ. ༥༢] ‘‘ཡ་ཐཱ་པི རུ་ཙི་རཾ པུ་པྥཾ, ཝ་ཎྞ་ཝ་ནྟཾ སུ་ག་ནྡྷ་ཀཾ [ས་ག་ནྡྷ་ཀཾ (སཱི. སྱཱ. པཱི.)];

ཨེ་ཝཾ སུ་བྷཱ་སི་ཏཱ ཝཱ་ཙཱ, ས་ཕ་ལཱ ཧོ་ཏི ཀུ་བྦ་ཏོ’’ཏི [ས་ཀུ་བྦ་ཏོ (སཱི. པཱི.), སུ་ཀུ་བྦ་ཏོ (སྱཱ.)].

… སུ་བྷཱུ་ཏོ ཐེ་རོ….