༣. མ་ཧཱ་ཀ་པྤི་ན་ཏྠེ་ར་གཱ་ཐཱ
༥༤༧. ‘‘ཨ་ནཱ་ག་ཏཾ ཡོ པ་ཊི་ཀ་ཙྩ [པ་ཊི་ག་ཙྩ (སཱི.)] པ་སྶ་ཏི, ཧི་ཏ་ཉྩ ཨ་ཏྠཾ ཨ་ཧི་ཏ་ཉྩ ཏཾ དྭ་ཡཾ;
ཝི་དྡེ་སི་ནོ ཏ་སྶ ཧི་ཏེ་སི་ནོ ཝཱ, ར་ནྡྷཾ ན པ་སྶ་ནྟི ས་མེ་ཀྑ་མཱ་ནཱ.
༥༤༨. [པ་ཊི. མ. ༡.༡༦༠ པ་ཊི་ས་མྦྷི་དཱ་མ་གྒེ] ‘‘ཨཱ་ནཱ་པཱ་ན་ས་ཏཱི ཡ་སྶ, པ་རི་པུ་ཎྞཱ སུ་བྷཱ་ཝི་ཏཱ;
ཨ་ནུ་པུ་བྦཾ པ་རི་ཙི་ཏཱ, ཡ་ཐཱ བུ་དྡྷེ་ན དེ་སི་ཏཱ;
སོ་མཾ ལོ་ཀཾ པ་བྷཱ་སེ་ཏི, ཨ་བྦྷཱ མུ་ཏྟོ་ཝ ཙ་ནྡི་མཱ.
༥༤༩. ‘‘ཨོ་དཱ་ཏཾ ཝ་ཏ མེ ཙི་ཏྟཾ, ཨ་པྤ་མཱ་ཎཾ སུ་བྷཱ་ཝི་ཏཾ;
ནི་བྦི་དྡྷཾ པ་གྒ་ཧཱི་ཏ་ཉྩ, ས་བྦཱ ཨོ་བྷཱ་ས་ཏེ དི་སཱ.
༥༥༠. ‘‘ཛཱི་ཝ་ཏེ ཝཱ་པི ས་པྤ་ཉྙོ, ཨ་པི ཝི་ཏྟ་པ་རི་ཀྑ་ཡོ;
པ་ཉྙཱ་ཡ ཙ ཨ་ལཱ་བྷེ་ན, ཝི་ཏྟ་ཝཱ་པི ན ཛཱི་ཝ་ཏི.
༥༥༡. ‘‘པ་ཉྙཱ སུ་ཏ་ཝི་ནི་ཙྪི་ནཱི, པ་ཉྙཱ ཀི་ཏྟི་སི་ལོ་ཀ་ཝ་དྡྷ་ནཱི;
པ་ཉྙཱ་ས་ཧི་ཏོ ན་རོ ཨི་དྷ, ཨ་པི དུ་ཀྑེ་སུ སུ་ཁཱ་ནི ཝི་ནྡ་ཏི.
༥༥༢. ‘‘ནཱ་ཡཾ ཨ་ཛྫ་ཏ་ནོ དྷ་མྨོ, ན་ཙྪེ་རོ ན་པི ཨ་བྦྷུ་ཏོ;
ཡ་ཏྠ ཛཱ་ཡེ་ཐ མཱི་ཡེ་ཐ, ཏ་ཏྠ ཀིཾ ཝི་ཡ ཨ་བྦྷུ་ཏཾ.
༥༥༣. ‘‘ཨ་ན་ནྟ་རཾ ཧི ཛཱ་ཏ་སྶ, ཛཱི་ཝི་ཏཱ མ་ར་ཎཾ དྷུ་ཝཾ;
ཛཱ་ཏཱ ཛཱ་ཏཱ མ་ར་ནྟཱི་དྷ, ཨེ་ཝཾ་དྷ་མྨཱ ཧི པཱ་ཎི་ནོ.
༥༥༤. ‘‘ན ཧེ་ཏ་ད་ཏྠཱ་ཡ མ་ཏ་སྶ ཧོ་ཏི, ཡཾ ཛཱི་ཝི་ཏ་ཏྠཾ པ་ར་པོ་རི་སཱ་ནཾ;
མ་ཏ་མྷི རུ་ཎྞཾ ན ཡ་སོ ན ལོ་ཀྱཾ, ན ཝ་ཎྞི་ཏཾ ས་མ་ཎ་བྲཱ་ཧྨ་ཎེ་ཧི.
༥༥༥. ‘‘ཙ་ཀྑུཾ ས་རཱི་རཾ ཨུ་པ་ཧ་ནྟི ཏེ་ན [ཨུ་པ་ཧ་ནྟི རུ་ཎྞཾ (སཱི.), ཨུ་པ་ཧ་ནྟི རོ་ཎྞཾ (སྱཱ. པཱི.)], ནི་ཧཱི་ཡ་ཏི ཝ་ཎྞ་བ་ལཾ མ་ཏཱི ཙ;
ཨཱ་ན་ནྡི་ནོ ཏ་སྶ དི་སཱ བྷ་ཝ་ནྟི, ཧི་ཏེ་སི་ནོ ནཱ་སྶ སུ་ཁཱི བྷ་ཝ་ནྟི.
༥༥༦. ‘‘ཏ་སྨཱ ཧི ཨི་ཙྪེ་ཡྻ ཀུ་ལེ ཝ་ས་ནྟེ, མེ་དྷཱ་ཝི་ནོ ཙེ་ཝ བ་ཧུ་སྶུ་ཏེ ཙ;
ཡེ་སཾ ཧི པ་ཉྙཱ་ཝི་བྷ་ཝེ་ན ཀི་ཙྩཾ, ཏ་ར་ནྟི ནཱ་ཝཱ་ཡ ན་དིཾ་ཝ པུ་ཎྞ’’ནྟི.
… མ་ཧཱ་ཀ་པྤི་ནོ ཐེ་རོ….