༩. ན་ཝ་མ་ཝ་གྒོ

༨༡. ‘‘ཡཾ མ་ཡཱ པ་ཀ་ཏཾ པཱ་པཾ, པུ་བྦེ ཨ་ཉྙཱ་སུ ཛཱ་ཏི་སུ;

ཨི་དྷེ་ཝ ཏཾ ཝེ་ད་ནཱི་ཡཾ, ཝ་ཏྠུ ཨ་ཉྙཾ ན ཝི་ཛྫ་ཏཱི’’ཏི.

… ས་མི་ཏི་གུ་ཏྟོ ཐེ་རོ….

༨༢. ‘‘ཡེ་ན ཡེ་ན སུ་བྷི་ཀྑཱ་ནི, སི་ཝཱ་ནི ཨ་བྷ་ཡཱ་ནི ཙ;

ཏེ་ན པུ་ཏྟ་ཀ ག་ཙྪ་སྶུ, མཱ སོ་ཀཱ་པ་ཧ་ཏོ བྷ་ཝཱ’’ཏི.

… ཀ་སྶ་པོ ཐེ་རོ….

༨༣. ‘‘སཱི་ཧ་པྤ་མ་ཏྟོ ཝི་ཧ་ར, ར་ཏྟི་ནྡི་ཝ་མ་ཏ་ནྡི་ཏོ;

བྷཱ་ཝེ་ཧི ཀུ་ས་ལཾ དྷ་མྨཾ, ཛ་ཧ སཱི་གྷཾ ས་མུ་སྶ་ཡ’’ནྟི.

… སཱི་ཧོ ཐེ་རོ….

༨༤. ‘‘ས་བྦ་ར་ཏྟིཾ སུ་པི་ཏྭཱ་ན, དི་ཝཱ ས་ངྒ་ཎི་ཀེ ར་ཏོ;

ཀུ་དཱ་སྶུ ནཱ་མ དུ་མྨེ་དྷོ, དུ་ཀྑ་སྶ་ནྟཾ ཀ་རི་སྶ་ཏཱི’’ཏི.

… ནཱི་ཏོ ཐེ་རོ….

༨༥. ‘‘ཙི་ཏྟ་ནི་མི་ཏྟ་སྶ ཀོ་ཝི་དོ, པ་ཝི་ཝེ་ཀ་ར་སཾ ཝི་ཛཱ་ནི་ཡ;

ཛྷཱ་ཡཾ ནི་པ་ཀོ པ་ཏི་སྶ་ཏོ, ཨ་དྷི་ག་ཙྪེ་ཡྻ སུ་ཁཾ ནི་རཱ་མི་ས’’ནྟི.

… སུ་ནཱ་གོ ཐེ་རོ….

༨༦. ‘‘ཨི་ཏོ བ་ཧི་དྡྷཱ པུ་ཐུ ཨ་ཉྙ་ཝཱ་དི་ནཾ, མ་གྒོ ན ནི་བྦཱ་ན་ག་མོ ཡ་ཐཱ ཨ་ཡཾ;

ཨི་ཏི་སྶུ ས་ངྒྷཾ བྷ་ག་ཝཱ་ནུ་སཱ་ས་ཏི, ས་ཏྠཱ ས་ཡཾ པཱ་ཎི་ཏ་ལེ་ཝ ད་སྶ་ཡ’’ནྟི.

… ནཱ་གི་ཏོ ཐེ་རོ….

༨༧. ‘‘ཁ་ནྡྷཱ དི་ཊྛཱ ཡ་ཐཱ་བྷཱུ་ཏཾ, བྷ་ཝཱ ས་བྦེ པ་དཱ་ལི་ཏཱ;

ཝི་ཀྑཱི་ཎོ ཛཱ་ཏི་སཾ་སཱ་རོ, ན་ཏྠི དཱ་ནི པུ་ན་བྦྷ་ཝོ’’ཏི.

… པ་ཝི་ཊྛོ ཐེ་རོ….

༨༨. ‘‘ཨ་ས་ཀྑིཾ ཝ་ཏ ཨ་ཏྟཱ་ནཾ, ཨུ་དྡྷཱ་ཏུཾ ཨུ་ད་ཀཱ ཐ་ལཾ;

ཝུ་ཡ྄ཧ་མཱ་ནོ མ་ཧོ་གྷེ་ཝ, ས་ཙྩཱ་ནི པ་ཊི་ཝི་ཛ྄ཛྷ་ཧ’’ནྟི.

… ཨ་ཛྫུ་ནོ ཐེ་རོ….

༨༩. ‘‘ཨུ་ཏྟི་ཎྞཱ པ་ངྐ་པ་ལི་པཱ, པཱ་ཏཱ་ལཱ པ་རི་ཝ་ཛྫི་ཏཱ;

མུ་ཏྟོ ཨོ་གྷཱ ཙ ག་ནྠཱ ཙ, ས་བྦེ མཱ་ནཱ ཝི་སཾ་ཧ་ཏཱ’’ཏི.

… དེ་ཝ་ས་བྷོ ཐེ་རོ….

༩༠. ‘‘པ་ཉྩ་ཀྑ་ནྡྷཱ པ་རི་ཉྙཱ་ཏཱ, ཏི་ཊྛ་ནྟི ཚི་ནྣ་མཱུ་ལ་ཀཱ;

ཝི་ཀྑཱི་ཎོ ཛཱ་ཏི་སཾ་སཱ་རོ, ན་ཏྠི དཱ་ནི པུ་ན་བྦྷ་ཝོ’’ཏི.

… སཱ་མི་ད་ཏྟོ ཐེ་རོ….

ཝ་གྒོ ན་ཝ་མོ ནི་ཊྛི་ཏོ.

ཏ་སྶུ་དྡཱ་ནཾ –

ཐེ་རོ ས་མི་ཏི་གུ་ཏྟོ ཙ, ཀ་སྶ་པོ སཱི་ཧ་ས་ཝ྄ཧ་ཡོ;

ནཱི་ཏོ སུ་ནཱ་གོ ནཱ་གི་ཏོ, པ་ཝི་ཊྛོ ཨ་ཛྫུ་ནོ ཨི་སི;

དེ་ཝ་ས་བྷོ ཙ ཡོ ཐེ་རོ, སཱ་མི་ད་ཏྟོ མ་ཧ་བྦ་ལོ་ཏི.